Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Johanu 1:1-10

1  Ewọ he ko tin sọn whẹwhẹwhenu, he mí ko sè bọ e to hodọ, he mí ko yí nukun mítọn lẹ do mọ, he mí ko pọ́n po sọwhiwhe po bo ko doalọ mítọn lẹ e go, yèdọ gando ohó ogbẹ̀ tọn lọ go,  (mọwẹ, ogbẹ̀ lọ ko yin hinhẹn sọawuhia, podọ mí ko mọ bo to okunnu etọn de bosọ to ogbẹ̀ madopodo lọ lá hlan mì, ehe ko tin to Otọ́ dè bo yin hinhẹn sọawuhia hlan mí,)  ewọ he mí ko mọ bo ko sè bọ e to hodọ lọ wẹ mí to lilá hlan mì ga, na mìwlẹ lọsu nido tindo mimá hẹ mí. Humọ, mimá mítọn ehe sọ yin hẹ Otọ́ podọ hẹ Visunnu etọn Jesu Klisti.  Podọ enẹwutu wẹ mí to onú ehelẹ kàn na ayajẹ mítọn nido yin to gigọ́ mẹ.  Podọ ehe wẹ owẹ̀n lọ he mí ko sè sọn e dè bo to lilá hlan mì, dọ hinhọ́n wẹ Jiwheyẹwhe podọ zinvlu depope ma tin to ewọ mẹ.  Eyin mí dọ dọ: “Mí to mimá tindo hẹ ewọ,” ṣogan bọ mí zindonukọn nado to zọnlinzin to zinvlu mẹ, lalodo wẹ mí te bo ma to nuyiwa sọgbe hẹ nugbo lọ.  Etomọṣo, eyin mí to zọnlinzin to hinhọ́n mẹ dile ewọ lọsu tin to hinhọ́n mẹ do, mí to mimá tindo hẹ ode awetọ, podọ ohùn Jesu Visunnu etọn tọn nọ klọ́ mí wé sọn ylando lẹpo mẹ.  Eyin mí dọ dọ: “Mí ma tindo ylando,” mídelẹ klọ wẹ mí te podọ nugbo ma tin to mí mẹ.  Eyin mí yigbe ylando mítọn lẹ tọn, nugbonọ podọ dodonọ wẹ ewọ nado jo ylando mítọn lẹ na mí podọ nado klọ́ mí wé sọn mawadodo lẹpo mẹ. 10  Eyin mí dọ dọ: “Mí ma waylando,” mí to ewọ hẹn zun lalonọ, podọ ohó etọn ma tin to mí mẹ.

Nudọnamẹ Odò Tọn