Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Tẹsalonikanu lẹ 3:1-13

3  Nalete, to whenuena mí ma sọgan doakọnna ẹn ba, mí mọdọ e yọ́n nado gbọṣi Atẹni míde ṣo;  podọ mí do Timoti, mẹmẹsunnu mítọn podọ lizọnyizọnwatọ Jiwheyẹwhe tọn to wẹndagbe he gando Klisti go lọ mẹ hlan mì, na ewọ nido hẹn mì lodo bo miọnhomẹna mì na yise mìtọn nido sọgan yin hinhẹn lodo,  na nukunbibia ehelẹ nikaa hẹn mẹdepope whàngo. Na mìlọsu lẹ yọnẹn dọ onú ehelẹ wutu wẹ mí do yin dide.  Mọdopolọ, na nugbo tọn, to whenue mí tin to mì dè, mí ko nọ dọna mì jẹnukọn dọ mí dona jiya nukunbibia tọn, kẹdẹdile e ko jọ do ga podọ dile mì yọnẹn do.  Na nugbo tọn, enẹ wẹ zọ́n bọ to whenuena yẹn ma sọgan doakọnna ẹn ba, yẹn domẹhlan mì nado yọnẹn gando nugbonọ-yinyin mìtọn go, na vlavo to aliho de mẹ, Mẹwhlepọntọ lọ sọgan ko whlé mì pọ́n, bọ tuklajẹ mítọn sọgan ko lẹzun ovọ́.  Ṣigba todin, Timoti ko ṣẹṣẹ lẹkọwa mí dè sọn mì dè bo hẹn wẹndagbe wá gando nugbonọ-yinyin po owanyi mìtọn po go, dọ mìwlẹ zindonukọn nado to mí flin to aliho dagbe mẹ to whepoponu, bo to jijlo vẹkuvẹku nado mọ mí to aliho dopolọ mẹ, dile mílọsu lẹ, na taun tọn, to jijlo nado mọ mì do.  Mẹmẹsunnu lẹ emi, enẹ wẹ zọ́n bọ míwlẹ ko yin homẹmiọnna na mìtọn wutu to dandannu mítọn po nukunbibia mítọn lẹpo po mẹ gbọn nugbonọ-yinyin he mì nọ dohia gblamẹ,  todin, ogbẹ̀ mítọn yin hinhẹn jẹ yọyọ na mìwlẹ nọte gligli to Oklunọ mẹ wutu.  Na opẹ́ tẹwẹ mí sọgan do nado sọgan do pinpẹn-nutọn hia Jiwheyẹwhe na ayajẹ he mí to tintindo lẹpo na mìtọn wutu to Jiwheyẹwhe mítọn nukọn, 10  dile to ozán po okle po mí nọ to vẹvẹ vẹkuvẹku nado mọ nukun mìtọn lẹ mẹ podọ nado hẹn nuhe jẹdò to yise mìtọn mẹ lẹ sọgbe? 11  Todin, na Jiwheyẹwhe mítọn podọ Otọ́ mítọn lọsu gọna Oklunọ mítọn Jesu ni deanana aliho mítọn lẹ po kọdetọn dagbe po wá mì dè. 12  Humọ, na Oklunọ ni hẹn mì jideji, mọwẹ, ni hẹn mì sudeji to owanyi mẹ na ode awetọ podọ na mẹlẹpo, yèdọ dile mílọsu nọ wà na mì do ga; 13  na ewọ nido sọgan hẹn ahun mìtọn lodo, mahuwhẹ to wiwe-yinyin mẹ to Jiwheyẹwhe mítọn podọ Otọ́ mítọn nukọn to tintin tofi Oklunọ mítọn Jesu tọn hẹ omẹ wiwe etọn lẹpo whenu.

Nudọnamẹ Odò Tọn