Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Tẹsalonikanu lẹ 2:1-20

2  Na nugbo tọn, mẹmẹsunnu lẹ emi, mìlọsu lẹ yọ́n lehe dlapọn mítọn wá mì dè ma nọ ma tindo kọdetọn dagbe do,  ṣigba, to whenue mí ko jiya to tintan whenu bo ko yin nuyiwa hẹ po kanyinylan po (kẹdẹdile mì yọnẹn do) to Filippi godo, lehe mí wleawuna adọgbigbo gbọn Jiwheyẹwhe mítọn dali nado dọho wẹndagbe Jiwheyẹwhe tọn na mì to tuklajijẹ susu mẹ do.  Na tudohomẹnamẹ he mí na, ma wá sọn nuṣiwa kavi mawé mẹ kavi ma yin po oklọ po gba,  ṣigba kẹdẹdile Jiwheyẹwhe ko do mí hia di mẹhe jẹ nado ze wẹndagbe lọ do alọmẹ na, mọ wẹ mí to hodọ do, e ma yin nado hẹn homẹhun gbẹtọ lẹ gba, adavo Jiwheyẹwhe, mẹhe nọ gbeje ahun mítọn lẹ pọ́n.  Na nugbo tọn, míwlẹ ma ko wá mì dè to ojlẹ depope mẹ po pipà oklọ tọn po, (kẹdẹdile mì yọnẹn do) kavi po awusọhia oklọ tọn po nado whlá nukunkẹn gba, Jiwheyẹwhe wẹ yin kunnudetọ ehe tọn!  Mọdopolọ, mí ma dín gigo sọn gbẹtọ lẹ dè, lala, vlavo sọn mìwlẹ dè kavi sọn mẹdevo lẹ dè, dile etlẹ yindọ taidi apọsteli Klisti tọn lẹ, míwlẹ sọgan ko doagban pinpẹn na mì to akuẹzinzan-liho.  Kakatimọ, míwlẹ to dẹẹdẹ wà to ṣẹnṣẹn mìtọn, taidi lehe onọ̀ he tindo ovi to anọ́nù nọ wleyẹyina ovi etọn titi lẹ do.  Enẹwutu, na mí tindo owanyi sisosiso na mì wutu, homẹ mítọn hùn tlala nado na mì, e ma yin wẹndagbe Jiwheyẹwhe tọn kẹdẹ gba, ṣigba alindọn mítọn titi lẹ ga, na mìwlẹ ko lẹzun mẹyiwanna na mí wutu.  Mẹmẹsunnu lẹ emi, e họnwun dọ mìwlẹ hẹn tuklajẹ po magbọjẹ mítọn po do ayiha mẹ. Gbọn azọ́nwiwa to ozán po okle po dali wẹ mí dọyẹwheho wẹndagbe Jiwheyẹwhe tọn hlan mì, na mí ma nado doagban pinpẹn na depope to mì mẹ to akuẹzinzan-liho. 10  Mìwlẹ podọ Jiwheyẹwhe lọsu ga yin kunnudetọ dọ míwlẹ do míde hia nado yin nugbonọ, dodonọ podọ mẹhe ma hùwhẹ hlan mì yisenọ lẹ. 11  To kọndopọ mẹ hẹ enẹ, mìwlẹ yọnẹn hezeheze dọ, taidi lehe otọ́ de nọ wà na ovi etọn lẹ do, míwlẹ nọ to tudohomẹna dopodopo mìtọn mapote bo nọ to homẹmiọnna mì bosọ nọ to tulina mì, 12  na mìwlẹ nido sọgan nọ to zọnlinzin dile e jẹ do to Jiwheyẹwhe nukọn, mẹhe to mì ylọ wá ahọluduta po gigo etọn po mẹ. 13  Na nugbo tọn, enẹwutu wẹ míwlẹ sọ nọ to pẹdona Jiwheyẹwhe mapote, na to whenue mì kẹalọyi ohó Jiwheyẹwhe tọn he mì sè sọn mí dè, mì kẹalọyi i, e ma yin taidi ohó gbẹtọ tọn gba, ṣigba kẹdẹdile e te do nugbonugbo, yèdọ taidi ohó Jiwheyẹwhe tọn, he sọ to azọ́nwa to mì yisenọ lẹ mẹ. 14  Mẹmẹsunnu lẹ emi, na mìwlẹ ko to hihodo apajlẹ agun Jiwheyẹwhe tọn lẹ tọn he tin to Jude bo to kọndopọ mẹ hẹ Klisti Jesu, na mìlọsu ko to oyà onú dopolọ lẹ tọn ji to alọ tòmẹnu mìtọn titi lẹ tọn mẹ dile yelọsu to yaji to alọ Ju lẹ tọn mẹ do ga, 15  mẹhe tlẹ hù Oklunọ Jesu podọ yẹwhegán lẹ bo dohomẹkẹn mí. Humọ, yé ma to homẹ Jiwheyẹwhe tọn hẹn hùn gba, ṣigba yé jẹagọdo nuhe yin alenu na gbẹtọ lẹpo, 16  dile yé nọ tẹnpọn nado glọnalina mí nado dọyẹwheho na omẹ akọta lẹ tọn na omẹ ehelẹ nido sọgan yin whinwhlẹngán, podọ taidi kọdetọn de, yé nọ to jlẹka ylando yetọn tọn hẹn gọ́ to whepoponu. Ṣigba, homẹgble etọn ko wá yé ji to godo mẹ. 17  Mẹmẹsunnu lẹ emi, na míwlẹ tọn, to whenue mí yin hinhẹn nado jo mì do na ojlẹ gli de, to agbasalan mẹ, e ma yin to ahun mẹ, mí yí ojlo sinsinyẹn do dovivẹnu vẹkuvẹku hugan lehe e jẹ do nado mọ nukun mìtọn lẹ mẹ. 18  Na ehe wutu, mí jlo nado wá mì dè, mọwẹ, yèdọ yẹn Paulu jlo whla dopo podọ whla awetọ, ṣigba Satani sú ali do mí. 19  Na etẹwẹ yin todido kavi ayajẹ kavi jẹgbakun aglinjijẹ tọn mítọn—na nugbo tọn, be e ma yin mìwlẹ wẹ?—to Oklunọ mítọn Jesu nukọn to tintin tofi etọn whenu ya? 20  E họnwun dọ mìwlẹ wẹ gigo po ayajẹ mítọn po.

Nudọnamẹ Odò Tọn