Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Tẹsalonikanu lẹ 1:1-10

1  Paulu po Silvanu* po gọna Timoti to wekanhlan agun Tẹsalonikanu lẹ tọn he to kọndopọ mẹ hẹ Jiwheyẹwhe Otọ́ podọ Oklunọ Jesu Klisti: Na mì ni tindo nukundagbe majẹhẹ po jijọho po.  Whepoponu wẹ mí nọ dopẹna Jiwheyẹwhe to whenue mí dọho gando mìmẹpo go to odẹ̀ mítọn lẹ mẹ,  na whepoponu wẹ mí nọ flin azọ́n nugbonọ-yinyin tọn mìtọn po tuklajijẹ owanyinọ mìtọn po gọna akọndonanu mìtọn na todido mìtọn to Oklunọ mítọn Jesu Klisti mẹ to Jiwheyẹwhe mítọn podọ Otọ́ mítọn nukọn.  Mì mẹmẹsunnu mẹyiwanna Jiwheyẹwhe tọn lẹ emi, na mí yọnẹn dọ ewọ wẹ de mì,  na wẹndagbe he mí dọyẹwheho etọn ma yin lilá na mì po hodidọ po kẹdẹ gba, ṣigba po huhlọn po podọ po gbigbọ wiwe po gọna nujikudo sinsinyẹn ga, kẹdẹdile mì yọ́n mẹhe nkọ míwlẹ lẹzun na mìtọn wutu;  podọ mì lẹzun apajlẹ míwlẹ po Oklunọ po tọn hodotọ lẹ, na mìwlẹ kẹalọyi ohó lọ to nukunbibia susu mẹ po ayajẹ he gbigbọ wiwe nọ namẹ po,  sọmọ bọ mì lẹzun apajlẹ de na yisenọ lẹpo to Makedonia podọ to Akaia.  Nugbo lọ wẹ yindọ, e ma yindọ ohó Jehovah tọn yin lilá jẹgbonu sọn mì dè to Makedonia po Akaia po kẹdẹ wẹ gba, ṣigba yise mìtọn to Jiwheyẹwhe mẹ ko gbayipe to filẹpo, sọmọ bọ míwlẹ ma tindo nuhudo nado dọ nudepope ba.  Na yelọsu lẹ to linlin na mapote gando aliho he mẹ mí wá ṣẹnṣẹn mìtọn to tintan whenu do go podọ lehe mìwlẹ lẹhlan Jiwheyẹwhe dè sọn boṣiọ mìtọn lẹ kọ̀n nado yin afanumẹ na Jiwheyẹwhe ogbẹ̀nọ po nugbo po do, 10  podọ nado nọtepọn Visunnu etọn sọn olọn mẹ, mẹhe ewọ fọ́n sọn oṣiọ lẹ mẹ, yèdọ Jesu, mẹhe whlẹn mí sọn homẹgble he ja lọ mẹ.

Nudọnamẹ Odò Tọn

1Tẹ 1:1* Pọ́n 2Kọ 1:19, nudọnamẹ odò tọn.