Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Kọlintinu lẹ 6:1-20

6  Be depope to mì mẹ he tindo owhẹ̀ de sọta mẹdevo gbẹ́ nọ hà nado yì owhẹ̀ nukọn to mawadodonọ lẹ nukọn, bọ e ma yin omẹ wiwe lẹ nukọn ya?  Kavi be mì ma yọnẹn dọ omẹ wiwe lẹ wẹ na dawhẹna aihọn ya? Podọ eyin mìwlẹ wẹ na dawhẹna aihọn, be mì ma jẹ nado dawhẹ whẹho pẹvi tlala lẹ tọn wẹ ya?  Be mì ma yọnẹn dọ míwlẹ wẹ na dawhẹna angẹli lẹ wẹ ya? To whenẹnu, naegbọn mí ma nado dawhẹ whẹho ogbẹ̀ ehe tọn lẹ tọn?  To whelọnu lo, eyin mì tindo whẹho ogbẹ̀ ehe tọn lẹ nado dawhẹna, be mẹhe agun lọ nọ yí nukunpẹvi do pọ́n lẹ wẹ mì na yí do basi whẹdatọ lẹ ya?  Yẹn to hodọ nado hẹn winyan hù mì. Be nugbo wẹ dọ nuyọnẹntọ dopo tata ma tin to ṣẹnṣẹn mìtọn he na penugo nado dawhẹ to mẹmẹsunnu etọn lẹ ṣẹnṣẹn,  ṣigba bọ mẹmẹsunnu nọ hẹn mẹmẹsunnu yì owhẹ̀ nukọn, bọ e nọ yin to mayisenọ lẹ nukọn?  To whelọnu lo, na nugbo tọn, mẹdèpo mlẹnmlẹn wẹ e yin na mì dọ mì to ode awetọ hẹn yì owhẹ̀ nukọn. Naegbọn mì ma kuku gbọ bo yí guwhẹ̀? Naegbọn mì ma kuku gbọ bo yin hihodu?  Humọ, mì to oylan wà bo to mẹhodu, bọ e sọ yin sọta mẹmẹsunnu mìtọn lẹ.  Etẹ nkọ! Be mì ma yọnẹn dọ mawadodonọ lẹ ma na dugu ahọluduta Jiwheyẹwhe tọn wẹ ya? Yè klọ mì blo. Galọtọ lẹ, kavi boṣiọ-sẹ̀ntọ lẹ, kavi ayọdetọ lẹ, kavi sunnu he nọ yin hihla dai na lẹndai zanhẹmẹ he jẹagọdo jọwamọ tọn lẹ, kavi sunnu he nọ zanhẹ sunnu lẹ, 10  kavi ajotọ lẹ, kavi nukunkẹnnọ lẹ, kavi ahànnumunọ lẹ, kavi mẹvlẹtọ lẹ, kavi alọslonamẹtọ lẹ ma na dugu ahọluduta Jiwheyẹwhe tọn. 11  Ṣogan, nuhe delẹ to mì mẹ yin dai niyẹn. Ṣigba, mì ko yin kiklọwé, ṣigba mì ko yin hinhẹn zun wiwe, ṣigba mì ko yin lilá di dodonọ to oyín Oklunọ mítọn Jesu Klisti tọn po gbigbọ wiwe Jiwheyẹwhe mítọn tọn po mẹ. 12  Onú lẹpo wẹ sọgbe hẹ osẹ́n na mi; ṣigba e ma yin onú lẹpo wẹ tindo ale gba. Onú lẹpo wẹ sọgbe hẹ osẹ́n na mi; ṣigba yẹn ma na dike nudepope ni hẹn mi zun mẹmẹglọ. 13  Núdùdù lẹ tin na adọgo, podọ adọgo tin na núdùdù lẹ; ṣigba Jiwheyẹwhe na hẹn adọgo po núdùdù lẹ po zun ovọ́. Todin, agbasa ma tin na galilọ gba, ṣigba na Oklunọ; podọ Oklunọ tin na agbasa. 14  Ṣigba, Jiwheyẹwhe fọ́n Oklunọ bo nasọ fọ́n mílọsu sọn oṣiọ lẹ mẹ gbọn huhlọn etọn gblamẹ. 15  Be mì ma yọnẹn dọ awutugonu Klisti tọn lẹ wẹ agbasa mìtọn yin ya? To whelọnu lo, be yẹn na de awutugonu Klisti tọn lẹ sẹ̀ bo hẹn yé zun awutugonu galọtọ de tọn lẹ wẹ ya? Enẹ ni ma jọ gbede blo! 16  Etẹ nkọ! Be mì ma yọnẹn dọ ewọ he kọndopọ hẹ galọtọ de, agbasa dopo wẹ yé yin? Na e dọmọ, “Yé omẹ awe lẹ na yin agbasalan dopo.” 17  Ṣigba, ewọ he kọndopọ hẹ Oklunọ, gbigbọ dopo wẹ yé yin. 18  Mì họ̀nna galilọ. Ylando devo depope he gbẹtọ sọgan wà tin to gbonu agbasa etọn tọn, ṣigba ewọ he nọ lọga to ylando wà do agbasa etọn titi go. 19  Etẹ nkọ! Be mì ma yọnẹn dọ tẹmpli gbigbọ wiwe he to mì mẹ, he mì mọyi sọn Jiwheyẹwhe dè lọ tọn wẹ agbasa mìtọn yin ya? Humọ, mì ma yin mìde titi tọn gba, 20  na ahọ́ daho de ko yin súsú nado họ̀ mì. Mọwẹ, mì pagigona Jiwheyẹwhe to agbasa mìtọn mẹ.

Nudọnamẹ Odò Tọn