Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Kọlintinu lẹ 5:1-13

5  Na taun tọn, yè to hodọ gando galilọ de go to ṣẹnṣẹn mìtọn, yèdọ galilọ he nkọ ma tlẹ tin to akọta lẹ ṣẹnṣẹn, dọ dawe de yí asi otọ́ etọn tọn.  Podọ be kikla wẹ mìwlẹ te, kakati mì ni to aluẹmẹ, na dawe lọ he zan walọ ehe nido yin didesẹ sọn ṣẹnṣẹn mìtọn?  Na yẹn tọn, dile yẹn ma tlẹ tin to finẹ to agbasa mẹ ṣigba bo to finẹ to gbigbọ mẹ, na taun tọn yẹn ko dawhẹna dawe lọ he wà onú mọnkọtọn, taidi dọ yẹn tin to finẹ wẹ nkọ,  dọ to oyín Oklunọ mítọn Jesu tọn mẹ, to whenue mìwlẹ pli dopọ, gbigbọ ṣie po huhlọn Oklunọ mítọn Jesu tọn po ni tin hẹ mì,  mì ze dawe mọnkọtọn do alọmẹ na Satani na nuyiwadomẹji ylando lọ tọn nido yin kúnsúdona, na gbigbọnọ-yinyin agun lọ tọn nido sọgan yin hinhẹn dote to azán Oklunọ tọn gbè.  Dodonu awagundido tọn mìtọn ma sọgbe gba. Be mì ma yọnẹn dọ otọ́n pẹvide wẹ nọ hẹn linfin yinyan lọ pete fọ́n ya?  Mì de otọ́n hoho lọ sẹ̀, na mì nido yin linfin yinyan yọyọ de, to whenuena e yindọ mì ma tindo otọ́n ba. Na nugbo tọn, na Klisti juwayi mítọn ko yin yíyí do sanvọ́.  Enẹwutu, mì gbọ mí ni ma yí otọ́n hoho kavi otọ́n ylankan po ylanwiwa tọn po do basi hùnwhẹ lọ blo, adavo akla madotọ́n ahundopo tọn po nugbo tọn lẹ po.  To wekanhlanmẹ ṣie mẹ, yẹn kanwehlan mì ma nado dogbẹ́ hẹ galọtọ lẹ ba blo, 10  ehe ma zẹẹmẹdo nado nọla mlẹnmlẹn na galọtọ aihọn ehe tọn lẹ kavi nukunkẹnnọ lẹ kavi alọslonamẹtọ lẹ kavi boṣiọ-sẹ̀ntọ lẹ gba. Eyin e ma yinmọ, mì na to dandannu glọ nado tọ́n sọn aihọn lọ mẹ. 11  Ṣigba, todin, yẹn to wekanhlan mì ma nado dogbẹ́ hẹ mẹdepope he yin yiylọdọ mẹmẹsunnu he yin galọtọ kavi nukunkẹnnọ kavi boṣiọ-sẹ̀ntọ kavi mẹvlẹtọ kavi ahànnumunọ kavi alọslonamẹtọ de, mì tlẹ dùnú hẹ omẹ mọnkọtọn blo. 12  Na etẹwẹ yẹn tindo nado yiwà hẹ whẹdidana mẹhe to gbonu lẹ? Be mì ma nọ dawhẹna mẹhe to họmẹ lẹ, 13  dile Jiwheyẹwhe to whẹdana mẹhe to gbonu lẹ? “Mì de omẹ ylankan lọ sẹ̀ sọn ṣẹnṣẹn mìtọn.”

Nudọnamẹ Odò Tọn