Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Kọlintinu lẹ 3:1-23

3  Podọ enẹwutu, mẹmẹsunnu lẹ emi, yẹn ma penugo nado dọhona mì dile yẹn nọ dọhona gbẹtọ gbigbọnọ lẹ do, adavo di gbẹtọ agbasanọ lẹ, yèdọ taidi ovivu lẹ to Klisti mẹ.  Yẹn na mì anọ́sin, e ma yin nude he mì na dù, na mì ma ko dohuhlọn ganji. Na nugbo tọn, etlẹ yin kakajẹ din, mì ma ko dohuhlọn ganji,  na mì gbẹ́ yin agbasanọ. Na to whenue e yindọ awuwhàn po avùn po tin to ṣẹnṣẹn mìtọn, be e ma yin agbasanọ yin wẹ mì te podọ be e ma yin zọnlinzin wẹ mì te di aihọnmẹnu lẹ ya?  Na to whenue mẹde dọmọ: “Paulu tọn wẹ yẹn,” ṣigba bọ mẹdevo dọmọ: “Apolo tọn wẹ yẹn,” be e ma yin nudopolọ yin wẹ mì te di mẹhe pò lẹpo ya?  To whelọnu lo, mẹnu wẹ Apolo? Mọwẹ, mẹnu wẹ Paulu? Lizọnyizọnwatọ lẹ he gblamẹ mì lẹzun yisenọ lẹ te, yèdọ dile Oklunọ ko na omẹ dopodopo do.  Yẹn dó, bọ Apolo húsinna, ṣigba Jiwheyẹwhe wẹ to hinhẹn ẹn whẹ́n;  sọmọ bọ ewọ he dó ma yin nude, kavi ewọ he húsinna, adavo Jiwheyẹwhe he to hinhẹn ẹn whẹ́n.  Todin, dopo wẹ ewọ he dó po mẹhe húsinna lọ po, ṣigba omẹ dopodopo na mọ ale etọn titi yí sọgbe hẹ tuklajijẹ etọn.  Na azọ́nwatọ hatọ Jiwheyẹwhe tọn lẹ wẹ mí yin. Mìwlẹ wẹ ogle Jiwheyẹwhe tọn he yè to lilẹ̀, ohọ̀ Jiwheyẹwhe tọn. 10  Sọgbe hẹ nukundagbe majẹhẹ Jiwheyẹwhe tọn he yin nina mi, taidi họ̀gbatọ-gán nuyọnẹntọ de, yẹn do dodonu lọ ai, podọ mẹdevo to didó do e ji. Ṣigba, mì gbọ omẹ dopodopo ni nọ payi lehe e to didó do e ji do go. 11  Na mẹde ma sọgan do dodonu de ai hú dehe ko yin didoai, ehe yin Jesu Klisti. 12  Todin, eyin mẹde yí sika, fataka, zannu he họakuẹ lẹ do dó do dodonu lọ ji, bọ mẹdevo yí azọ́nwanu atin tọn lẹ, ogbé húhú, getin do dó do dodonu lọ ji, 13  azọ́n omẹ dopodopo tọn na wá sọawuhia, na azán lọ na do e hia, na e na yin didehia gbọn miyọ́n gblamẹ; podọ miyọ́n lọ na do azọ́n wunmẹ he nkọ omẹ dopodopo tọn yin hia. 14  Eyin azọ́n mẹdepope tọn he e ko dó do dodonu lọ ji gbọṣi ote, ewọ na mọ ale de yí; 15  eyin azọ́n mẹdepope tọn fiọ, onú na gú i, ṣigba ewọ lọsu na yin whinwhlẹngán; ṣogan, eyin e yinmọ, e na yin taidi gbọn miyọ́n gblamẹ. 16  Be mì ma yọnẹn dọ tẹmpli Jiwheyẹwhe tọn wẹ mìwlẹ, bọ gbigbọ Jiwheyẹwhe tọn sọ nọ nọ̀ mì mẹ ya? 17  Eyin mẹdepope và tẹmpli Jiwheyẹwhe tọn sudo, Jiwheyẹwhe na và ẹ sudo; na wiwe wẹ tẹmpli Jiwheyẹwhe tọn, yèdọ tẹmpli he mìwlẹ yin. 18  Mì gbọ mẹdepope klọ ede blo: Eyin mẹdepope to mì mẹ lẹndọ emi yin nuyọnẹntọ to titonu ehe mẹ, mì gbọ ewọ ni lẹzun nulunọ, na ewọ nido sọgan lẹzun nuyọnẹntọ. 19  Na nulunu wẹ nuyọnẹn aihọn ehe tọn to Jiwheyẹwhe dè; na e ko yin kinkàndai dọmọ: “Ewọ nọ wle nuyọnẹntọ lẹ to ayiha gigẹdẹ yetọn titi mẹ.” 20  Podọ whladopo dogọ: “Jehovah yọnẹn dọ ovọ́ wẹ linlẹn nuyọnẹntọ lẹ tọn.” 21  Enẹwutu, mì gbọ mẹdepope ni ma nọ doawagun to gbẹtọ mẹ blo; na mìwlẹ tọn wẹ onú lẹpo, 22  vlavo Paulu kavi Apolo kavi Kefa kavi aihọn lọ kavi ogbẹ̀ kavi okú kavi nuhe tin tofi todin lẹ kavi nuhe ja lẹ, mìwlẹ tọn wẹ onú lẹpo; 23  podọ Klisti tọn wẹ mìwlẹ; podọ Klisti yin Jiwheyẹwhe tọn.

Nudọnamẹ Odò Tọn