Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Kọlintinu lẹ 2:1-16

2  Podọ enẹwutu, mẹmẹsunnu lẹ emi, to whenue yẹn wá mì dè, yẹn ma wá nado yí ohó vivi kavi nuyọnẹn do lá aṣli wiwe Jiwheyẹwhe tọn na mì gba.  Na yẹn basi nudide nado yin mẹhe ma yọ́n nudepope to ṣẹnṣẹn mìtọn adavo Jesu Klisti, yèdọ mẹhe yin whiwhè do núgo.  Podọ yẹn wá mì dè to madogán mẹ podọ to obu mẹ podọ po sisọsisọ daho po;  podọ yẹn ma yí hogbe linlẹndiọnamẹ nuyọnẹn tọn lẹ zan to hodidọ ṣie po yẹwhehodidọ ṣie po mẹ gba adavo to dohia gbigbọ po huhlọn po tọn mẹ,  na yise mìtọn ma nado sinai do nuyọnẹn gbẹtọ tọn ji, ṣigba do huhlọn Jiwheyẹwhe tọn ji.  Todin, mí nọ dọ ohó nuyọnẹn tọn to mẹhe whèwhín lẹ ṣẹnṣẹn, ṣigba e ma yin nuyọnẹn titonu ehe tọn kavi dehe yin ogán titonu ehe tọn lẹ tọn gba, yèdọ mẹhe na yin hinhẹn zun ovọ́ lẹ.  Ṣigba, mí nọ dọ ohó nuyọnẹn Jiwheyẹwhe tọn to aṣli wiwe de mẹ, yèdọ nuyọnẹn whiwhla lọ, he Jiwheyẹwhe ko dehia jẹnukọn, whẹpo titonu lẹ do tin, na gigo mítọn.  Nuyọnẹn ehe wẹ depope to ogán titonu ehe tọn lẹ mẹ ma yọnẹn, na eyin yé ko yọ́n ẹn wẹ, yé ma na ko whè Oklunọ gigonọ lọ do núgo.  Ṣigba, kẹdẹdile e yin kinkàndai do dọmọ: “Nukun ma ko mọ podọ otó ma ko sè, mọjanwẹ ahun gbẹtọ tọn ma ko lẹn nuhe Jiwheyẹwhe ko wleawu etọn dai na mẹhe yiwanna ẹn lẹ.” 10  Na míwlẹ wẹ Jiwheyẹwhe ko yí gbigbọ etọn do de yé hia, na gbigbọ lọ nọ dindona onú lẹpo, etlẹ yin onú sisosiso Jiwheyẹwhe tọn lẹ. 11  Na mẹnu to gbẹtọ lẹ mẹ wẹ yọ́n onú gbẹtọ tọn lẹ adavo gbigbọ gbẹtọ tọn he to ohò etọn mẹ? Mọdopolọ ga, mẹde ma ko yọ́n onú Jiwheyẹwhe tọn lẹ, adavo gbigbọ Jiwheyẹwhe tọn. 12  Todin, e ma yin gbigbọ aihọn tọn wẹ mí mọyi gba, ṣigba gbigbọ he wá sọn Jiwheyẹwhe dè, na mí nido sọgan yọ́n nuhe Jiwheyẹwhe ko gbọn homẹdagbe dali na mí lẹ. 13  Onú ehelẹ wẹ mí dọho etọn ga, e ma yin po ohó he nuyọnẹn gbẹtọvi tọn plọnmẹ lẹ po gba, ṣigba po dehe gbigbọ lọ plọnmẹ lẹ po, dile mí to onú gbigbọ tọn lẹ kọndopọ hẹ ohó gbigbọ tọn lẹ. 14  Ṣigba, gbẹtọ agbasanọ ma nọ kẹalọyi onú he yin gbigbọ Jiwheyẹwhe tọn tọn lẹ, na nulunu wẹ yé yin na ẹn; podọ ewọ ma sọgan yọ́n yé, na gbigbọ-liho wẹ yé nọ yin dogbapọnna te wutu. 15  Ṣigba, na nugbo tọn, gbẹtọ gbigbọnọ nọ gbadopọnna onú lẹpo, ṣigba ewọ lọsu wẹ mẹdepope ma nọ gbadopọnna. 16  Na “mẹnu wẹ ko yọ́n ayiha Jehovah tọn, na e nido sọgan plọnnu in?” Ṣigba, míwlẹ tindo ayiha Klisti tọn.

Nudọnamẹ Odò Tọn