Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Kọlintinu lẹ 16:1-24

16  Todin, gando akuẹjọ he tin na omẹ wiwe lẹ go, kẹdẹdile yẹn ko na anademẹ lẹ hlan agun Galatia tọn lẹ do, mọkẹdẹ wẹ mìlọsu ni wà do ga.  To azán tintan osẹ tọn lẹpo gbè, mì gbọ dopodopo mìtọn ni nọ de nude dovo do sẹdotẹnmẹ to owhé etọn titi gbè sọgbe hẹ nuhe e tindo, bọ e ma na yin whenue yẹn wá wẹ akuẹjọ lẹ na yin bibasi.  Ṣigba, to whenue yẹn na wá, sunnu depope he mì yí wekanhlanmẹ lẹ do pà, omẹ ehelẹ wẹ yẹn na dohlan nado hẹn nunina homẹdagbe tọn mìtọn yì Jelusalẹm.  Etomọṣo, eyin e biọ dọ yẹnlọsu ni yì dọ́n ga, be yé na yì hẹ mi.  Ṣigba, yẹn na wá mì dè to whenue yẹn na ko zẹ̀ Makedonia godo, na Makedonia wẹ yẹn na gbọn;  podọ vlavo yẹn na nọ mì dè kavi tlẹ yí ojlẹ avivọ-whenu tọn zan hẹ mì, na mìwlẹ nido sọgan yìn mi vude jẹ aliho ji to whenue yẹn na dedo fihe yẹn jei.  Na yẹn ma jlo na pọ́n mì poun todin he yẹn na juwajei gba, na yẹn jlo nado gbọṣi mì dè na ojlẹ de, eyin Jehovah jlo.  Ṣigba, yẹn na gbọṣi Efesu kakajẹ hùnwhẹ Pẹntikọsti tọn whenu;  na ohọ̀n daho de he nọ planmẹ jẹ nuwiwa kọ̀n ko yin hunhundonuvo na mi, ṣigba nukundiọsọmẹtọ susu wẹ tin. 10  Ṣigba, eyin Timoti wá, mì hẹn ẹn diun dọ ewọ dibu to ṣẹnṣẹn mìtọn blo, na azọ́n Jehovah tọn wà wẹ e te, yèdọ kẹdẹdi yẹnlọsu. 11  Enẹwutu, mì gbọ mẹdepope yí nukunpẹvi do pọ́n ẹn blo. Mì yìn in vude jẹ aliho ji to jijọho mẹ, na ewọ nido sọgan wá dè e tofi, na yẹn to tenọpọn ewọ po mẹmẹsunnu lẹ po. 12  Todin, gando Apolo mẹmẹsunnu mítọn go, yẹn vẹ̀ ẹ tlala nado wá mì dè po mẹmẹsunnu lẹ po, ṣigba e ma yin ojlo ewọ tọn paali nado wá mì dè todin; ṣigba ewọ na wá to whenue dotẹnmẹ hundote na ẹn. 13  Mì nọ nukle, mì lodo to yise mẹ, mì nọ hẹn mìde di sunnu, mì yin hlọnhlọnnọ. 14  Mì gbọ nuhe mì to wiwà lẹpo ni nọ yin to owanyi mẹ. 15  Todin, mẹmẹsunnu lẹ emi, yẹn dotuhomẹna mì dọ: Mì yọnẹn dọ whédo Stefana tọn wẹ yin sinsẹ́n tintan Akaia tọn lẹ podọ yé ko ze yede jo nado yilizọn na omẹ wiwe lẹ. 16  Na mìlọsu lẹ ga ni zindonukọn nado nọ litaina omẹ mọnkọtọn lẹ podọ na mẹhe to azọ́nwa to kọndopọ mẹ bo to tuklajẹ lẹpo. 17  Ṣigba, yẹn jaya na tintin tofi Stefana, Fọltunatu po Akaiku po tọn, na yé ko nọ otẹn mìtọn mẹ to whenue mì ma tin tofi. 18  Na yé ko fakọna gbigbọ ṣie po mìtọn po. Enẹwutu, mì yọ́n pinpẹn omẹ mọnkọtọn lẹ tọn. 19  Agun he to Asia* lẹ yí nudọdomẹ yetọn hlan mì. Akuila po Pliska po gọna agun he to owhé yetọn gbè dọnudo mì sọn ahun mẹ wá to Oklunọ mẹ. 20  Mẹmẹsunnu lẹpo dọnudo mì. Mì yí nùdonùgo wiwe do dọnudo ode awetọ. 21  Nudọdomẹ ṣie die, he yẹn Paulu yí alọ ṣie titi do kàn. 22  Eyin mẹdepope ma tindo owanyi na Oklunọ, mì gbọ ewọ ni yin mẹhodẹ̀do. Oklunọ mítọn E, wá! 23  Na nukundagbe majẹhẹ Oklunọ Jesu tọn ni tin hẹ mì. 24  Na owanyi ṣie ni tin hẹ mìmẹpo to kọndopọ mẹ hẹ Klisti Jesu.

Nudọnamẹ Odò Tọn

1Kọ 16:19 Pọ́n Ow 2:9, nudọnamẹ odò tọn.