Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

1 Kọlintinu lẹ 13:1-13

13  Eyin yẹn nọ yí ogbè gbẹtọ lẹ po angẹli lẹ tọn po do dọho ṣigba bo ma tindo owanyi, yẹn lẹzun gànvẹẹ he to núdọ kavi ajogàn ogbè lélénọ de.  Podọ eyin yẹn tindo nunina dọdai didọ tọn bo jẹakọ hẹ aṣli wiwe lẹpo podọ oyọnẹn lẹpo, podọ eyin yẹn tindo yise lẹpo bo sọgan diọtẹnna osó lẹ, ṣigba bo ma tindo owanyi, yẹn ma yin nude.  Podọ eyin yẹn yí nutindo ṣie lẹpo do na núdùdù mẹdevo lẹ, podọ eyin yẹn yí agbasa ṣie namẹ, na yẹn nido doawagun, ṣigba bo ma tindo owanyi, ale depope ma tin to e mẹ na mi.  Owanyi nọ sinyẹnlin bo yin homẹdagbenọ. Owanyi ma nọ whànwu, e ma nọ ze ede daga, ma nọ kla,  ma nọ wanu jẹagọ, ma nọ dín ale edetiti tọn lẹ, ma nọ gblehomẹ aplà. E ma nọ basi kandai nuṣiwa tọn.  E ma nọ jaya to mawadodo mẹ, ṣigba nọ jaya to nugbo mẹ.  E nọ ṣinyọnnudo onú lẹpo, nọ yí onú lẹpo sè, nọ do todido to onú lẹpo mẹ, nọ doakọnna onú lẹpo.  Owanyi ma nọ gboawupo gbede. Ṣigba eyin nunina dọdai didọ tọn lẹ wẹ, yé na busẹ; eyin ogbè lẹ wẹ, yé na doalọte; eyin oyọnẹn wẹ, e na busẹ.  Na oyọnẹn agbòte wẹ mí tindo podọ dọdai agbòte dọ wẹ mí te; 10  ṣigba to whenuena oyọnẹn he pé na wá, enẹ he yin agbòte na busẹ. 11  To whenuena yẹn yin yọpọ, yẹn nọ dọho di yọpọ, nọ lẹnnupọn di yọpọ, yihojlẹdohogo di yọpọ; ṣigba todin he yẹn ko lẹzun sunnu, yẹn ko jo walọ yọpọ tọn lẹ do. 12  Na todin mí to numọ vlìvlì taidi to mẹpọ́nnu he yè yí ogàn do basi de mẹ, ṣigba to whenẹnu e na yin nukun sọ nukun. Todin yẹn tindo oyọnẹn agbòte, ṣigba to whenẹnu yẹn na tindo oyọnẹn he họnwun hezeheze yèdọ dile yẹn yin yinyọnẹn hezeheze do. 13  Nalete, todin, onú atọ̀n ehelẹ wẹ pò, yise, todido, owanyi; ṣigba dehe klohugan to ehelẹ mẹ wẹ owanyi.

Nudọnamẹ Odò Tọn