Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Etẹwẹ N’Na Wà Eyin Yè to Tulina Mi Mapote Nado Tindo Kọndopọ Zanhẹmẹ Tọn?

Etẹwẹ N’Na Wà Eyin Yè to Tulina Mi Mapote Nado Tindo Kọndopọ Zanhẹmẹ Tọn?

A sọgan kanse dewe dọ: “Be n’ma na gbọ bo yigbe ya? N’dọ mẹlẹpo ka wẹ nọ tindo kọndopọ zanhẹmẹ tọn sin.”

Yì agbọ́ji bo lẹnnupọn!

Nugbo lọ: E ma yin mẹlẹpo wẹ to mọwà.

A sọgan nọ sèhó gando lehe zanhẹmẹ gbayipe taun do go. Di apajlẹ, to États-Unis dodinnanu dohia dọ jọja 2 to 3 ji wẹ ko nọ tindo kọndopọ zanhẹmẹ tọn whẹpo do nọ fó wehọmẹ daho. Amọ́, ehe sọ dohia dọ jọja 1 to 3 ji wẹ ma ko wàmọ, yèdọ sọha he ma whè paali.

Etẹwẹ gando mẹhe ko wàmọ lẹ go? Dodinnanutọ lẹ dohia dọ susu to jọja enẹlẹ mẹ wẹ nọ wá jiya dopo kavi susu to kọdetọn ylankan he bọdego ehelẹ mẹ tọn.

Ayimajai. Suhugan jọja he ko tindo kọndopọ zanhẹmẹ tọn jẹnukọnna alọwle lẹ tọn wẹ nọ dọ dọ nuhe emi wà lọ wá vẹna emi.

Kọndopọ zanhẹmẹ tọn tintindo jẹnukọnna alọwle taidi yẹdide dagbedagbe de yiyizan di afọ-súnsúnnú

Jimadedomẹgo. To whenue jọja awe ko tindo kọndopọ zanhẹmẹ tọn godo, dopodopo yetọn nọ jẹ kinkanse ede ji dọ, ‘Mẹdevo tẹwẹ e ko sọ zanhẹ wayi?’

Flumẹjijẹ. Nado dọ hójọhó, awhli susu wẹ nọ jlo na nọhẹ sunnu de he na basi hihọ́na yé, e ma yin dehe na tafu yé gba. Podọ dẹpẹ susu wẹ nọ mọdọ yé masọ nọ tindo ojlo sọmọ na yọnnu he yé ko zanhẹ wayi de ba.

Nuagokun lọ die: Agbasa towe yin nuhọakuẹ sọmọ bọ a ma dona yí i do daihun. Nọ dohia dọ a pé dewe ji gbọn tonusisena osẹ́n Jiwheyẹwhe tọn gando zanhẹmẹ jẹnukọnna alọwle go dali. Eyin a wá wlealọ to gbèdopo, a sọgan jẹ kọndopọ zanhẹmẹ tọn tindo ji. To whenẹnu, a sọgan duvivi etọn to gigọ́ mẹ, bọ a ma na to nuhà, podọ e ma na vẹna we, mọ obu ma na nọ di we dile e nọ saba yindo na mẹhe nọ tindo kọndopọ zanhẹmẹ tọn jẹnukọnna alọwle lẹ.Howhinwhẹn lẹ 7:22, 23; 1 Kọlintinu lẹ 7:3.