Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Nawẹ N’Sọgan Duto Whlepọn Ji Gbọn?

Nawẹ N’Sọgan Duto Whlepọn Ji Gbọn?

Nuhe a sọgan wà

Tintan, yọnẹn dọ hiẹ lọsu wẹ na dogbè nuyiwa towe titi lẹ tọn—mahopọnna nuhe họntọn towe lẹ to wiwà.

Awetọ, doayi kọgbidinamẹ he nọ yinuwado ji we hugan lọ go.

Enẹgodo, kanse dewe dọ, ‘Whetẹnu wẹ e yọnbasi dọ kọgbidinamẹ ehe ni fọ́n?’ (To wehọmẹ wẹ ya? To azọ́nmẹ wẹ ya? Kavi to fidevo?) Eyin a yọ́n ojlẹ he mẹ kọgbidinamẹ de sọgan fọ́n, enẹ sọgan gọalọna we nado dapana ẹn.

Todin, a ko wleawufo nado yinuwa. Nuhe a na na ayidonugo jẹnukọn whẹ́ wẹ lehe a sọgan dapana kọgbidinamẹ lọ jẹ obá de mẹ kavi dapana ẹn pete do. (Apajlẹ: Eyin a nọ saba pé klasigbẹ́ delẹ he nọ whlé we siga to wehọmẹ godo, vlavo a gán diọ ali to whedevonu, a nikaa pé yé.) Nugbo lọ die: “Họntọn” he nọ gbidikọna we nado wà nuylankan lẹ ma yin họntọn jọ họntọn.

Eyin a joawuna whlepọn, a na lẹzun afanumẹ ojlo towe lẹ tọn

Nugbo wẹ dọ, a ma gán dapana kọgbidinamẹ lẹpo. E dẹn o, e yá o, a gán wá pehẹ nuzedonukọnnamẹ he dọnmẹ de—vlavo to whenue a ma tlẹ donukun etọn paali. Etẹwẹ a gán wà to whenẹnu?

Awuwiwle jẹnukọn wẹ na gọalọna we!

Lẹnnupọndo ehe ji: Na nuhe dù walọ dagbe, Jesu nọ yọ́n lehe e na yinuwa do. E magbe nado setonuna Otọ́ etọn to whelẹponu. (Johanu 8:28, 29) Enẹwutu, nujọnu lọ wẹ nado yọ́n lehe a na yinuwa do jẹnukọn.

Tẹnpọn. Pọ́n eyin a gán mọ whẹwhinwhẹ́n awe he wutu a dona duto kọgbidinamẹ he a nọ saba pehẹ lọ ji, enẹgodo lẹnnupọndo onú awe he a gán wà ji, ehe na gọalọna we nado dudeji.

Naegbọn a nado dike mẹdevo lẹ ni deanana we? Dohia dọ a whèwhín bo sọgan wà nuhe a yọnẹn dọ e sọgbe. (Kọlọsinu lẹ 3:5) Podọ zedo odẹ̀ mẹ nado zindonukọn to mọwiwà mẹ.Matiu 6:13.

 

Plọnnu Dogọ

Etẹwẹ N’Na Wà Eyin Yè to Tulina Mi Mapote Nado Tindo Kọndopọ Zanhẹmẹ Tọn?

Be e jẹ nado yigbe wẹ ya? Be e ma na wá vẹna we nẹ?