Yì hosọ lẹ ji

Yì hosọ flinflin lẹ ji

Kunnudetọ Jehovah Tọn Lẹ

Gungbe

Be Mẹde Dona Tin to Sinsẹ̀n He Yin Tito-Basina de mẹ Ya?

Be Mẹde Dona Tin to Sinsẹ̀n He Yin Tito-Basina de mẹ Ya?

Gblọndo Biblu tọn

Mọwẹ, na Jiwheyẹwhe jlo dọ gbẹtọ lẹ ni nọ pli nado sẹ̀n emi. Biblu dọmọ: “Mì gbọ mí ni nọ lẹn ode awetọ tọn pọ́n nado nọ whàn mídelẹ hlan owanyi po azọ́n dagbe lẹ po kọ̀n, e ma yin nado nọ gbẹkọ pipli dopọ mítọn lẹ go.”​—Heblu lẹ 10:24, 25.

Jesu dohia dọ hodotọ emitọn lẹ na yin pipli he yin tito-basina de to whenue e dọna yé dọmọ: “Gbọn ehe dali wẹ mẹlẹpo na yọnẹn dọ devi ṣie lẹ wẹ mì yin, eyin mì tindo owanyi to mìdelẹ ṣẹnṣẹn.” (Johanu 13:35) Aliho titengbe de na devi Klisti tọn lẹ nado do owanyi ehe hia wẹ nado nọ pli hẹ yisenọ hatọ yetọn lẹ nado sẹ̀n Jiwheyẹwhe. Yé na yin tito-basina do agun lẹ mẹ bo na nọ pli to gbesisọ mẹ nado sẹ̀n Jiwheyẹwhe. (1 Kọlintinu lẹ 16:19) To pọmẹ, yé na yin pipli mẹmẹsunnu lẹ tọn de lẹdo aihọn pé.​—1 Pita 2:17.

Nado tin to sinsẹ̀n de mẹ poun ma ko pé

Nugbo wẹ dọ Biblu dohia dọ gbẹtọ lẹ dona pli nado sẹ̀n Jiwheyẹwhe, ṣigba e ma plọnmẹ dọ Jiwheyẹwhe sọgan kẹalọyi mẹde na e ko yin hagbẹ sinsẹ̀n de tọn poun. Whẹpo Jiwheyẹwhe nado kẹalọyi mẹde, sinsẹ̀n he mẹ mẹlọ te dona yinuwado gbẹzan egbesọegbesọ tọn etọn ji. Di apajlẹ, Biblu dọmọ: “Wunmẹ sinsẹ̀n-bibasi tọn he wé bo ma yin hinhẹnflu sọn pọndohlan Jiwheyẹwhe podọ Otọ́ mítọn tọn mẹ wẹ ehe: nado nọ penukundo tọṣiọvi lẹ po asuṣiọsi lẹ po go to nukunbibia yetọn mẹ, podọ nado nọ whlá mẹde matin dihó sọn aihọn dè.”​—Jakọbu 1:27.