Yì hosọ lẹ ji

Yì hosọ flinflin lẹ ji

Kunnudetọ Jehovah Tọn Lẹ

Gungbe

Naegbọn N’Dona Nọ Hodẹ̀? Be Jiwheyẹwhe Na Sè Ya?

Naegbọn N’Dona Nọ Hodẹ̀? Be Jiwheyẹwhe Na Sè Ya?

Gblọndo Biblu Tọn

Gbau, e na sè. Biblu po numimọ jọnun susu po dohia dọ Jiwheyẹwhe nọ sè odẹ̀. Biblu dọmọ: “[Jiwheyẹwhe] nọ hẹn pekọ wá na ojlo mẹhe nọ dibusi i lẹ tọn; e nọ sè awhágbe yetọn na alọgọ bo nọ whlẹn yé.” (Salmu lẹ 145:19) Amọ́ eyin Jiwheyẹwhe na sè odẹ̀ towe, hiẹ lọsu go wẹ e na sọn.

Nuhe yin nujọnu to nukun Jiwheyẹwhe tọn mẹ

  • Mí dona nọ hodẹ̀ hlan Jiwheyẹwhe, e ma yin hlan Jesu, Malia, mẹwiwe lẹ, angẹli lẹ, kavi boṣiọ lẹ. Jehovah Jiwheyẹwhe kẹdẹ wẹ yin “Sisètọ odẹ̀ tọn.”​—Salmu lẹ 65:2.

  • Odẹ̀ mítọn lẹ dona nọ sọgbe hẹ ojlo Jiwheyẹwhe tọn kavi nubiọtomẹsi etọn he tin to Biblu mẹ lẹ.​—1 Johanu 5:14.

  • Mí dona nọ hodẹ̀ to oyín Jesu tọn mẹ, bo gbọnmọ dali kẹalọyi aṣẹpipa etọn. Jesu dọmọ: “Mẹdepope ma nọ wá Otọ́ dè adavo gbọn yẹn gblamẹ.”​—Johanu 14:6.

  • Mí dona nọ hodẹ̀ po yise po, bo nọ biọ yise dogọ eyin e biọ domọ.​—Matiu 21:22; Luku 17:5.

  • Mí dona yin whiwhẹnọ podọ ahundoponọ. Biblu dọmọ: “Dile etlẹ yindọ Jehovah yiaga taun, e nọ doayi whiwhẹnọ lẹ go.”​—Salmu lẹ 138:6.

  • Mí dona nọ sinyẹnlin to odẹ̀ mẹ. Jesu dọmọ: “Mì to bibiọ zọnmii, e nasọ yin nina mì.”​—Luku 11:9.

Nuhe ma yin nujọnu to nukun Jiwheyẹwhe tọn mẹ

  • Akọ̀ kavi otò he mẹ a wá sọn. “Jiwheyẹwhe ma yin mẹnukuntahopọntọ gba, ṣigba to akọta lẹpo mẹ, mẹhe nọ dibusi i bo nọ wà dodo wẹ e nọ kẹalọyi.”​—Owalọ lẹ 10:34, 35.

  • Ninọmẹ he mẹ a nọ do hodẹ̀. A sọgan nọ aisinsin, dẹ́ do odò, jẹklo, kavi ṣite do hodẹ̀ hlan Jiwheyẹwhe.​—1 Otànnugbo lẹ 17:16; Nẹhemia 8:6; Daniẹli 6:10; Malku 11:25.

  • Vlavo a hodẹ̀ daga kavi do odò. Jiwheyẹwhe nọ sè odẹ̀ he mí tlẹ hò do odò bọ mẹdevo ma gán sè lẹ.​—Nẹhemia 2:1-6.

  • Vlavo nuhe biọ a te yin nujọnu kavi nutata de. Jiwheyẹwhe na mí tuli nado nọ ‘bẹ magbọjẹ mítọn lẹpo dlan ewọ ji, na e to mítọn hòpọn wutu.’​—1 Pita 5:7.

 

Plọnnu Dogọ

WẸNDAGBE DE SỌN JIWHEYẸWHE DÈ!

Mẹnu Wẹ Jiwheyẹwhe?

Be Jiwheyẹwhe tindo yinkọ de ya podọ be e nọ hò mítọn pọ́n ya?

Etẹwẹ Biblu Plọn Mí Taun?

Etẹwẹ Yin Nugbo lọ Gando Jiwheyẹwhe Go?