Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Jijọho to Aigba Ji—Nawẹ E Na Wá Gbọn?

Jijọho to Aigba Ji—Nawẹ E Na Wá Gbọn?

Gblọndo Biblu tọn

Jijọho ma na wá aihọn mẹ gbọn vivẹnudido gbẹtọvi lẹ tọn dali gba, ṣigba gbọn Ahọluduta Jiwheyẹwhe tọn he yin gandudu olọn mẹ tọn de he Klisti Jesu na deanana gblamẹ. Doayi nuhe Biblu plọn mí dogbọn todido jiawu enẹ dali go.

  1. Jiwheyẹwhe na hẹn “awhàn gbọ kakajẹ pòdo aigba [tọn],” sọgbe hẹ opagbe etọn nado hẹn “jijọho [wá] to gbẹtọ mẹhe mẹ ewọ yin homẹhunnọ te lẹ ṣẹnṣẹn!Psalm 46:9; Luku 2:14, Biblu Wiwe lọGun Alada.

  2. Ahọluduta Jiwheyẹwhe tọn na dugán sọn olọn mẹ do aigba lọ blebu ji. (Daniẹli 7:14) Gandudu ehe na de owanyi akọta tọn sẹ̀, na walọ ehe wẹ yin adọ̀ na awhàn susu.

  3. Jesu he yin Gandutọ Ahọluduta Jiwheyẹwhe tọn bosọ nọ yin yiylọdọ “Ahọvi Jijọho tọn,” na hẹn ẹn diun dọ “jijọho ma na ponu.Isaia 9:6, 7.

  4. Mẹhe ma jlo na jo danuwiwa do lẹ ma na nọ Ahọluduta lọ glọ, na “mẹhe yiwanna [danuwiwa] ayiha [Jiwheyẹwhe tọn] gbẹwanna.Psalm 11:5; Howhinwhẹn lẹ 2:22.

  5. Jiwheyẹwhe to mẹjidugando etọn lẹ plọn gando lehe yé na nọ jijọho mẹ hẹ mẹdevo lẹ do go. Biblu basi zẹẹmẹ ale he mẹpinplọn ehe nọ hẹnwa lẹ tọn dọmọ: “Yé nasọ yí ohí yetọn do tùn agbogọdọẹ: akọta ma to na ze ohí do akọta ji ba, mọ yé ma to na plọn awhànfunfun ba.Isaia 2:3, 4.

To alọnu din, Kunnudetọ Jehovah tọn livi susu lẹ lẹdo aihọn pé wẹ to nuplọn sọn Jiwheyẹwhe dè gando lehe yè nọ nọ̀ jijọho mẹ mẹdevo hẹ lẹ do go. (Matiu 5:9) Nugbo wẹ dọ mí wá sọn akọ̀ voovo lẹ mẹ bo tin to nuhe hugan otò 230 mẹ, etomọṣo mí ko gbẹ́ nado ze awhànfunnu sọta gbẹtọvi hatọ mítọn lẹ.

To egbehe, Kunnudetọ Jehovah tọn lẹ nọ plọn aliho voovo he mẹ yè nọ nọ̀ jijọho mẹ hẹ mẹdevo lẹ te

 

Plọnnu Dogọ

Etẹwẹ Yin Wẹndagbe Lọ?

Plọnnu gando nuhe wẹndagbe he wá sọn Jiwheyẹwhe dè lọ yin, nuhewutu e do yin nujọnu hugan dọ a ni sè, podọ nuhe a dona wà go.

Omẹ Nankọ Wẹ Kunnudetọ Jehovah Tọn lẹ Yin?

Kunnudetọ Jehovah tọn nẹmu wẹ a yọnẹn? Etẹwẹ a yọnẹn taun gando mí go?