Yì hosọ lẹ ji

Yì hosọ flinflin lẹ ji

Kunnudetọ Jehovah Tọn Lẹ

Gungbe

Etẹwẹ Olọn Yin?

Etẹwẹ Olọn Yin?

Gblọndo Biblu Tọn

Hogbe lọ “olọn” yin yiyizan to aliho titengbe atọ̀n mẹ to Biblu mẹ: (1) olọn yinukundomọ lẹ; (2) lẹdo he mẹ nudida gbigbọnọ lẹ nọ nọ̀; podọ (3) yẹhiadonu de nado dlẹnalọdo otẹn he yiaga de. Lẹdo hodidọ lọ tọn wẹ nọ gọalọ nado yọ́n zẹẹmẹ etọn to ninọmẹ dopodopo mẹ. *

  1. Olọn yinukundomọ lẹ. Eyin hogbe lọ “olọn” yin yiyizan to aliho ehe mẹ, e nọ dlẹnalọdo agahomẹ, fihe jẹhọn nọ yìn bọ ohẹ̀ lẹ nọ zlọn te podọ fihe aslọ lẹ nọ wleawuna jikun po osin-agó po bọ abì nọ gbòdlán te. (Salmu lẹ 78:26; Howhinwhẹn lẹ 30:19; Isaia 55:10; Luku 17:24) E gán sọ dlẹnalọdo fihe “owhè, osun po sunwhlẹvu lẹ po” tin te.​—Deutelonomi 4:19; Jenẹsisi 1:1.

  2. Lẹdo he mẹ nudida gbigbọnọ lẹ nọ nọ̀. Hogbe lọ “olọn” sọ nọ dlẹnalọdo olọn gbigbọmẹ tọn, kavi lẹdo gbigbọ tọn de, enẹ wẹ fihe aliho gbẹninọ tọn yiaga taun te hugan wẹkẹ yinukundomọ lọ tọn. (1 Ahọlu lẹ 8:27; Johanu 6:38) Olọn gbigbọmẹ tọn ehe mẹ wẹ Jehovah Jiwheyẹwhe, yèdọ mẹhe yin “Gbigbọ de” nọ nọ̀, gọna nudida gbigbọnọ he e dà lẹ, enẹ wẹ angẹli lẹ. (Johanu 4:24; Matiu 24:36) To whedelẹnu, “olọn” nọ yin yiyizan nado dlẹnalọdo angẹli nugbonọ lẹ, yèdọ “agun omẹ wiwe lẹ tọn.”​—Salmu lẹ 89:5-7.

    Biblu sọ nọ yí “olọn” zan nado dlẹnalọdo adà lẹdo gbigbọ tọn tangan he mẹ Jehovah tin te, enẹ wẹ “fininọ” etọn. (1 Ahọlu lẹ 8:43, 49; Heblu lẹ 9:24; Osọhia 13:6) Di apajlẹ, Biblu dọ dọdai dọ Satani po aovi lẹ po na yin dindlan do odò sọn olọn mẹ, bo ma nasọ yin dotẹnmẹna gbede nado wá nukọn Jehovah tọn ba. Etomọṣo, yé na gbẹ́ tin to lẹdo gbigbọ tọn de mẹ.​—Osọhia 12:​7-9, 12.

  3. Yẹhiadonu de nado dlẹnalọdo otẹn he yiaga de. Owe-wiwe lẹ nọ yí hogbe lọ “olọn” zan nado dlẹnalọdo otẹn he yiaga taun de, titengbe aṣẹpipa he to gandu de. Mẹhe kavi nuhe sọgan to otẹn mọnkọ mẹ delẹ wẹ:

Nawẹ olọn mẹ te?

Lẹdo gbigbọ tọn lọ yin fide he azọ́n susu to yinyin wiwà te. Nudida gbigbọnọ livi kanweko susu lẹ wẹ to finẹ bo “nọ hẹn ohó [Jehovah] tọn di.”​—Salmu lẹ 103:20, 21; Daniẹli 7:10.

Biblu basi zẹẹmẹ olọn lẹ tọn taidi nọtẹn de he gọ́ na hinhọ́n. (1 Timoti 6:​15, 16) Olọn he yẹwhegán Ezekiẹli mọ to numimọ mẹ gọ́ na “hinhọ́n” he to sisẹ́ taun de podọ numimọ olọn tọn he Daniẹli mọ bẹ ‘asisa miyọ́n’ tọn de hẹn. (Ezekiẹli 1:​26-​28; Daniẹli 7:​9, 10) Olọn mẹ yin fiwiwe de, yèdọ fihe mẹ́ bo yọnwhanpẹ.​—Salmu lẹ 96:6; Isaia 63:15; Osọhia 4:2, 3.

Nuhe Biblu dọ gando olọn go lẹpo wẹ jiawu taun. (Ezekiẹli 43:2, 3) Etomọṣo, gbẹtọvi lẹ ma sọgan mọnukunnujẹ nuhe olọn yin mẹ to gigọ́ mẹ, na lẹdo gbigbọ tọn enẹ zẹ̀ nukunnumọjẹnumẹ mítọn go.

^ huk. 3 Hogbe Heblugbe tọn he yin lilẹdo “olọn” wá sọn hogbe dowhenu tọn de mẹ he zẹẹmẹdo “yiaga,” kavi “yiji.” (Howhinwhẹn lẹ 25:3) Pọ́n owe lọ The New Brown, Driver, and Briggs Hebrew and English Lexicon of the Old Testament, weda 1029.

^ huk. 9 Owe lọ McClintock and Strong’s Cyclopedia dọ dọ olọn yọyọ he yin nùdego to Isaia 65:17 mẹ lẹ nọtena “gandudu yọyọ, yèdọ ahọluduta yọyọ de.”​—Bladopọ IV, weda 122.