Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Be Yasanamẹ Jiwheyẹwhe Tọn Wẹ Nugbajẹmẹji Jọwamọ Tọn lẹ Yin Ya?

Be Yasanamẹ Jiwheyẹwhe Tọn Wẹ Nugbajẹmẹji Jọwamọ Tọn lẹ Yin Ya?

Gblọndo Biblu tọn

Biblu ma plọnmẹ dọ Jiwheyẹwhe wẹ nọ hẹn nugbajẹmẹji jọwamọ tọn he mí nọ mọ to egbehe lẹ wá gba. Whẹdida Jiwheyẹwhe tọn he ji Biblu dọhodo lẹ gbọnvona nugbajẹmẹji jọwamọ tọn lẹ taun.

  1. Jiwheyẹwhe nọ yọ́n vogbingbọn to mẹylankan po mẹhe to dagbe wà po ṣẹnṣẹn. Biblu dọmọ: “Gbẹtọ nọ to awusọhia gbonu go tọn dali pọ́n, ṣigba ayiha pọ́n wẹ OKLUNỌ te.1 Samuẹli 16:7.

  2. Jehovah nọ mọ nuhe to ahun gbẹtọvi lẹ tọn mẹ, podọ mẹhe e mọdọ yé yin mẹylankan lẹ kẹdẹ wẹ e nọ vasudo.Gẹnẹsisi 18:23-32.

  3. Jiwheyẹwhe nọ na avase jẹnukọn bo nọ gbọnmọ dali na dotẹnmẹ mẹhe setonuna ẹn lẹ nado gán.

Ṣigba na nuhe dù nugbajẹmẹji jọwamọ tọn lẹ, avase kaka de ma nọ yin sisè jẹnukọn kavi avase depope ma tlẹ nọ yin nina whẹpo nugbajẹmẹji lọ nido jọ, podọ nugbajẹmẹji lẹ nọ gbleawuna dodonọ po mẹylankan po kavi nọ hù yé. Jẹ obá de mẹ, gbẹtọvi lẹ ko hẹn nujijọ enẹlẹ ylan deji na yé nọ hẹn aigba po lẹdo etọn lẹ po flu wutu, yé sọ nọ gbá ohọ̀ do lẹdo he mẹ aigba sisọsisọ sọgan jọ te, fie otọ̀ sọgan gbàmẹ te podọ fie aimẹ ma yọ́n te lẹ.