Yì hosọ lẹ ji

Yì hosọ flinflin lẹ ji

Kunnudetọ Jehovah Tọn Lẹ

Gungbe

Be Jesu Wẹ Ganhunupotọ lọ Ya?

Be Jesu Wẹ Ganhunupotọ lọ Ya?

Gblọndo Biblu tọn

Nukundiọsọmẹtọ Jesu tọn lẹ sawhẹdokọna ẹn dọ e hẹn ede sọzẹn hẹ Jiwheyẹwhe. (Johanu 5:18; 10:30-33) Ṣigba, Jesu ma dọ pọ́n gbede dọ emi sọzẹn hẹ Jiwheyẹwhe Ganhunupotọ. E dọmọ: “Otọ́ klohugan mi.Johanu 14:28.

Hodotọ dowhenu Jesu tọn lẹ ma pọ́n ẹn hlan taidi mẹhe sọzẹn hẹ Jiwheyẹwhe Ganhunupotọ gba. Di apajlẹ, apọsteli Paulu wlan dọ to whenue Jesu fọnsọnku godo, Jiwheyẹwhe “ze e [Jesu] daga do otẹn he yiaga de mẹ.” E họnwun dọ Paulu ma yise dọ Jesu yin Jiwheyẹwhe Ganhunupotọ. Eyin Jesu yin Jiwheyẹwhe Ganhunupotọ wẹ, nawẹ Jiwheyẹwhe sọgan ze e do otẹn yiaga de mẹ gbọn?Filippinu lẹ 2:9.