Yì hosọ lẹ ji

Be Lẹgba Wẹ Yin Asisa Yajiji Lẹpo Tọn Ya?

Be Lẹgba Wẹ Yin Asisa Yajiji Lẹpo Tọn Ya?

Gblọndo Biblu tọn

Biblu dehia dọ Satani Lẹgba yin omẹ nujọnu tọn de he nọ yinuwa taidi jaguda-gán huhlọnnọ de bo nọ hẹn diun dọ ojlo etọn yin wiwà gbọn “nujiawu lalo lẹ” po “oklọ mawadodo tọn” po dali. Na nugbo tọn, Biblu dọ dọ, e “nọ to wunmẹdiọ na ede zun angẹli hinhọ́n tọn de.” (2 Tẹsalonikanu lẹ 2:9, 10; 2 Kọlintinu lẹ 11:14) Awugblenamẹ he Lẹgba nọ hẹnwa lẹ yin ohia dọ e tin nugbo.

Etomọṣo, Lẹgba ma yin asisa yajiji lẹpo tọn. Gbọnna? Jiwheyẹwhe dá gbẹtọvi lẹ po nugopipe lọ po nado basi nudide nado wà dagbe kavi oylan. (Jọṣua 24:15) To whenue mí basi nudide ylankan lẹ, mí nọ jiya kọdetọn etọn lẹ tọn.​—Galatianu lẹ 6:7, 8.