“N’ko tẹnpọn nado hia Biblu, amọ́ kiklo etọn nọ dobuna mi!”​—Briana, owhe 15 mẹvi.

Be nudopolọ wẹ hiẹ lọsu nọ lẹn ya? Hosọ ehe na gọalọna we!

 Naegbọn n’dona hia Biblu?

Be Biblu hihia nọ taidi nuhe ṣiapọmẹ to nukun towe mẹ wẹ ya? Eyin mọ wẹ, numọtolanmẹ jọwamọ tọn wẹ. A gán nọ mọ Biblu taidi owe de he bẹ weda fọtọ́n susu he yè kàn po wekun flinflin po hẹn matin yẹdide depope​—ehe ma dọnmẹ sọ televiziọn po video lẹ po!

Amọ́ lẹnnupọndo ehe ji: Eyin a yì tọ́n jẹ adọkun potin hohowhenu tọn daho blibata de ji, be a ma na jlo na yọ́n nuhe to e mẹ lẹ ya?

Adọkun potin mọnkọ pẹẹ wẹ Biblu yin. E bẹ nuyọnẹn họakuẹ susu hẹn he sọgan gọalọna we nado

  • Basi nudide dagbe lẹ

  • Jẹpọ hẹ mẹjitọ towe lẹ

  • Jihọntọn dagbe lẹ

  • Duto flumẹjijẹ ji

Nawẹ owe he ko dohó sọmọ gán yọ́n-na-yizan jẹ obá enẹ mẹ to egbehe gbọn? Na “Owe-wiwe lẹpo ... yin gbigbọdo sọn Jiwheyẹwhe dè” wutu wẹ. (2 Timoti 3:16) Enẹ zẹẹmẹdo dọ ayinamẹ he to Biblu mẹ lẹ wá sọn Asisa dagbe hugan lọ mẹ.

Biblu taidi adọkun potin de he bẹ nuyọnẹn họakuẹ susu hẹn

 Nawẹ n’gán hia Biblu gbọn?

Aliho tintan wẹ nado hia Biblu sọn bẹjẹeji yì vivọnu. Enẹ na zọ́n bọ a na yọ́n nuhe Biblu bẹhẹn to bladopọ mẹ. Aliho susu mẹ wẹ a gán hia Biblu te. Lẹnnupọndo apajlẹ awe he bọdego lẹ ji:

  •  A gán hia owe 66 he Biblu bẹhẹn lẹ debọdo-dego, yèdọ sọn Jenẹsisi jẹ Osọhia.

  •  A gán hia Biblu sọgbe hẹ ojlẹ he mẹ nujijọ he to e mẹ lẹ wá aimẹ te debọdo-dego.

Ayinamẹ: Nudọnamẹ Dogọ A7 to Lẹdogbedevomẹ Aihọn Yọyọ Tọn mẹ basi todohukanji nujijọ tangan he wá aimẹ to whenue Jesu tin to aigba ji lẹ tọn to aliho debọdo-dego tọn mẹ.

Aliho awetọ nado hia Biblu wẹ nado de kandai de he dọhodo nuhahun he pehẹ a te de ji. Di apajlẹ:

  • Be họntọn dejidego lẹ dín wẹ a te ya? Hia otàn Jonatani po Davidi po tọn. (1 Samuẹli, weta 18-​20) Enẹgodo, yí azọ́nwema lọ Comment se faire des amis fidèleszan nado mọ nuplọnmẹ yọ́n-na-yizan lẹ sọn kandai lọ mẹ.

  • Be a jlo na plọn lehe yè nọ nọavùnte sọta whlepọn do dogọ wẹ ya? Hia kandai he gando lehe Josẹfu nọavùnte sọta whlepọn do go. (Jenẹsisi, weta 39) Enẹgodo, yí azọ́nwema lọ lẹ “Lehe Hiẹ Sọgan Nọavùnte Sọta Whlepọn Do . . . Josẹfu​—Adà 1” podọ Accusé à tort ! Joseph​—2e Partiezan nado mọ nuplọnmẹ yọ́n-na-yizan lẹ sọn kandai lọ mẹ.

  • Be a jlo na yọ́n lehe odẹ̀ gán gọalọna we do wẹ ya? Hia numimọ Nẹhemia tọn. (Nẹhemia, weta 2) Enẹgodo, yí azọ́nwema lọ Dieu a répondu à sa prièrezan nado mọ nuplọnmẹ yọ́n-na-yizan lẹ sọn kandai lọ mẹ.

Ayinamẹ: Eyin a to Biblu hia, nọ hẹn ẹn diun dọ fie a te lọ to abọẹ bọ a gán ze ayiha do fidopo.

Aliho atọ̀ntọ nado hia Biblu wẹ nado de kandai kavi salmu de bo hia ẹ, enẹgodo bo wá lẹnnupọndo lehe e gando gowe do ji. To adà lọ hihia godo, kàn kanbiọ delẹ sè dewe taidi:

  •  Naegbọn Jehovah do hẹn ẹn diun dọ ehe yin kinkan do Biblu mẹ?

  •  Etẹwẹ e dohia gando mẹhe nkọ Jehovah yin kavi aliho he mẹ e nọ yinuwa te go?

  •  Nawẹ n’gán yí nudọnamẹ ehe do yizan mẹ to gbẹzan ṣie mẹ gbọn?

Ayinamẹ: zinjẹgbonu oplọn tọn Lẹdogbedevomẹ Aihọn Yọyọ Tọn zan nado mọ video, yẹdide otò tọn kavi adà devo lẹ he na gọalọna we nado mọaleyi sọn Biblu hihia towe mẹ to gigọ́ mẹ.