Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

JW LIBRARY

Jẹ JW Library Zan Ji​—to Android Ji

Jẹ JW Library Zan Ji​—to Android Ji

Kuavọ wá JW Library ji. Azọ́nwanu ehe nọ gọalọ nado hia podọ nado plọn Biblu. A sọgan mọ adà tangan azọ́nwanu lọ tọn lẹ to apotin he nọ hùn sọn amiyọnwhé lọ mẹ. Nado hùn apotin ehe, dọ̀n alọ gbọn nukunmẹ na alokan towe sọn amiyọnwhé kavi zín ohia Menu tọn he to aga pete to amiyọnwhé.

 Bible (Biblu)

Adà lọ Bible bẹ lẹdogbedevomẹ Biblu tọn lẹ hẹn to ogbè voovo mẹ. Zín owe Biblu tọn de, enẹgodo sọha weta he a jlo na hia tọn. Dile a to wehia, a gán hùn nudọnamẹ odò tọn, alọdlẹndonu ṣẹnṣẹn mẹ tọn po lẹdogbedevomẹ devo lẹ po do adusiwhé.

Nado hùn wefọ devo, gọ̀ apotin amiyọnwhé tọn lọ hùn bo zín Bible nado mọ todohukanji owe Biblu tọn lẹ tọn whladopo dogọ.

 Publications (Owe Lẹ)

Adà lọ Publications nọ bẹ owe, hoyidokanji po video lẹ po hẹn. Zín owe he jlo we, enẹgodo hosọ de nado jẹ hihia ji. Dile a to wehia, a gán hùn wefọ he yin sislẹ lẹ tlọlọ. Zín wefọ he yin sislẹ lọ nado hùn in do adusiwhé. Eyin a zín wefọ de to adà adusiwhé tọn lọ mẹ, e na hùn in sọn Biblu mẹ.

Nado yì owe devo ji, hùn apotin amiyọnwhé tọn lọ bo gọ̀ Publications zín nado mọ todohukanji owe lẹ tọn whladopo dogọ.

 Texte du jour (Wefọ Egbesọ Tọn)

Nado mọ wefọ egbesọ tọn, hùn apotin amiyọnwhé tọn lọ bo zín Texte du jour.

 En ligne (Nọtẹn Intẹnẹt Tọn Mítọn Lẹ)

Adà lọ En ligne he to apotin amiyọnwhé tọn lọ mẹ nọ hẹnmẹ yì nọtẹn Intẹnẹt tọn mítọn lẹ ji.

 Vọjlado Agọe Tọn Lẹ

Na JW Library towe nido wazọ́n ganji, nọ hẹn ẹn diun dọ vọjlado agọe tọn lẹ tin to e ji.

Nujọnu wẹ e yin nado nọ hẹn ẹn diun dọ wunmẹ Android tọn godo tọn lọ wẹ tin to alokan towe ji. Nado mọ nudọnamẹ dogọ, zín alọdlẹndonu he bọdego ehe: https://support.google.com/nexus/answer/4457705.

Eyin e jlo we, a sọgan ze alokan towe do ninọmẹ de ji bọ e na nọ basi vọjlado agọe tọn lẹ na ede tlọlọ. Nado mọ nudọnamẹ dogọ, zín alọdlẹndonu he bọdego ehe: https://support.google.com/googleplay/answer/113412.