Isaia 9:1-21
9 Ṣigba, zinvlu gọ́ngọ́n lọ ma na taidi ojlẹ he mẹ ayimajai tin to aigba lọ ji tọn gba, yèdọ taidi ojlẹ hohowhenu tọn lẹ whenue aigba Zebuluni tọn po aigba Naftali tọn po yin nuyiwa hẹ po vlẹko po.+ Amọ́, to godo mẹ, Ewọ na hẹn ẹn nado yin gbégbòna—enẹ wẹ aliho ohù tọn lọ, to agbegbe Jọdani tọn ji, yèdọ Galili akọta lẹ tọn.
2 Mẹhe to zọnlinzin gbọn zinvlu mẹ lẹKo mọ hinhọ́n daho de.
Na mẹhe nọ nọ̀ aigba zinvlu titli tọn ji lẹ,Hinhọ́n ko họnwun do yé ji.+
3 Hiẹ ko hẹn mẹhe nọ nọ̀ akọta lọ mẹ lẹ jideji;Hiẹ ko hẹn ayajẹ etọn zun daho.
Yewlẹ nọ jaya to nukọn toweTaidi mẹhe to ayajẹ to ojlẹ jibẹwawhé tọn mẹ,Yèdọ taidi mẹhe yí ayajẹ do to ogblànnu má lẹ.
4 Na hiẹ ko gbà zẹgẹ agbàn he to yé ji tọn do flinflin,Gọna opò he to abọ́ yetọn lẹ ji, aglọpò azọ́ngán tọn,Taidi to azán Midiani tọn gbè.+
5 Afọpa awhàn tọn lẹpo he nọ to aigba whàn to whenue yè to zọnlinzinGọna awù he ko yọ̀n po ohùn po lẹpoNa lẹzun miyọ́n-flọnú lẹ.
6 Na ovi de ko yin jiji na mí,+Visunnu de ko yin nina mí;Huhlọn gandudu tọn* na tin to abọ́ etọn ji.+
Ewọ na nọ yin yiylọdọ Ayinamẹtọ Jiawu,+ Jiwheyẹwhe Huhlọnnọ,+ Otọ́ Madopodo, Ahọvi Jijọho tọn.
7 Jideji huhlọn gandudu* etọn tọnPo jijọho etọn po ma na wá vivọnu gbede,+To ofìn Davidi tọn ji+ podọ to ahọluduta etọn mẹNado sọgan hẹn ẹn lodo gligli+ bo hẹn ẹn gbọṣi aimẹGbọn whẹdida dodo+ po dodowiwa po gblamẹ,+Sọn din kakadoi podọ doidoi.
Zohunhun Jehovah awhànpa lẹ tọn na wà ehe.
8 Jehovah do owẹ̀n de hlan sọta Jakọbu,Bọ e ko mọ hẹndi sọta Islaeli.+
9 Gbẹtọ lẹpo nasọ yọ́n ẹn—yèdọ Eflaimi po mẹhe nọ nọ̀ Samalia lẹ po—Yé mẹhe nọ gbọn sakla po goyiyi ahun yetọn mẹ tọn po dali dọmọ:
10 “Bliki lẹ ko họ́,Ṣigba, míwlẹ na yí zannu pipà lẹ do vọ́ ẹ gbá.+
Atin sikomoli tọn lẹ ko yin sinsánliai,Ṣigba, míwlẹ na yí atin kedali tọn lẹ do diọtẹnna yé.”
11 Jehovah na fọ́n kẹntọ Lezini tọn lẹ sọta ẹBo na fọ́n kẹntọ etọn lẹ do e ji,
12 Silia na wá sọn whèzẹtẹn podọ Filistinu lẹ sọn whèyihọ,*+Yé na kẹ̀ onù yetọn lẹ bo na tlẹ́n Islaeli dù.+
Po ehe lẹpo po, homẹgble etọn ma ko doalọte,Ṣigba, alọ etọn gbẹ́ pò to dindlẹn nado sayana yé.+
13 Na gbẹtọ lọ lẹ ma ko lẹkọ do Mẹlọ he to yasana yé dè;Yé ma ko dín Jehovah awhànpa lẹ tọn.+
14 Jehovah na sánOta po osi po, alà-vú po owóko po* sẹ̀ sọn Islaeli to azán dopo gblamẹ.+
15 Yọnhonọ lẹ po mẹhe yè nọ na sisi sisosiso lẹ po wẹ yin ota lọ,Podọ yẹwhegán he to anademẹ he ma sọgbe namẹ lẹ wẹ osi lọ.+
16 Mẹhe to anadena gbẹtọ ehelẹ wẹ to yé hẹn danbú,Mẹhe yè to anadena lọ lẹ sọ biọ bẹwlu mẹ.
17 Enẹwutu wẹ homẹ Jehovah tọn ma na hùn do jọja sunnu yetọn lẹ go,Ewọ ma nasọ do lẹblanu hia tọṣiọvi yetọn lẹ po asuṣiọsi yetọn lẹ poNa yemẹpo wẹ ko lẹzun atẹṣitọ po ylanwatọ lẹ po+Podọ onù lẹpo wẹ to ohó gúgú tọn dọ.
Po ehe lẹpo po, homẹgble etọn ma ko doalọte,Ṣigba, alọ etọn gbẹ́ pò to dindlẹn nado sayana yé.+
18 Na kanyinylan to jiji di miyọ́n,Bo to wùnkan lẹ po ogbé ylankan lẹ po fiọ.
E na domiyọ́n zunkan daho lẹ to zungbo mẹ,Azọ̀ yetọn nasọ tì yì aslọ lẹ mẹ.
19 Na homẹgble Jehovah awhànpa lẹ tọn wutuMiyọ́n ko yin yíyí do mẹ̀ aigba lọ,Gbẹtọ lọ lẹ nasọ lẹzun miyọ́n-flọnú lẹ.
Mẹdepope ma tlẹ na pò mẹmẹsunnu etọn titi dogbẹ̀.
20 Mẹde na sán nude liai to adusiwhé
Ṣigba, huvẹ na gbẹ́ to hùhù i;Podọ mẹde na dùnú to amiyọnwhé
Ṣigba, e ma na gọ́ho.
Mẹdopodopo na nọ dù olàn awà edetiti tọn,
21 Manasse na dù Eflaimi,Eflaimi nasọ dù Manasse.
Yé na nọpọ́ do jẹagọdo Juda.+
Po ehe lẹpo po, homẹgble etọn ma ko doalọte,Ṣigba, alọ etọn gbẹ́ pò to dindlẹn nado sayana yé.+
Nudọnamẹ Odò Tọn
^ Kavi “Gandudu; Aṣẹpipa ahọvi tọn.”
^ Kavi “gandudu; aṣẹpipa ahọvi tọn.”
^ To paa mẹ, “sọn godo.”
^ Kavi vlavo, “odéma po ofán po.”
