Isaia 42:1-25
42 Pọ́n! Devizọnwatọ ṣie,+ mẹhe yẹn to alọgọna!
Mẹdide ṣie,+ mẹhe yẹn* ko kẹalọyi!+
Yẹn ko yí gbigbọ ṣie do ewọ mẹ;+E na hẹn whẹdida dodo wá na akọta lẹ.+
2 Ewọ ma na dawhá jẹgbonu kavi ze ogbè etọn daga,Podọ e ma na dike ogbè etọn ni yin sisè to tòhomẹ-liho ji.+
3 Ewọ ma na gídí ofán he yè ko gbà depope,Podọ e ma na ṣí miyọ́ngbán-kàn he to azọ̀ tì depope.+
Ewọ na hẹn whẹdida dodo wá to nugbonọ-yinyin mẹ.+
4 Huhlọn etọn ma na depò, mọ yè ma na gídí i kaka ewọ nado hẹn whẹdida dodo lodo to aigba ji;+Podọ lopo lẹ to tenọpọn osẹ́n* etọn.
5 Nuhe Jiwheyẹwhe nugbo lọ, yèdọ Jehovah dọ die,Yèdọ Didatọ olọn tọn podọ Mẹhe Klohugan lọ he dlẹn yé jẹgbonu,+Mẹlọ he dlẹn aigba jẹgbonu po sinsẹ́n etọn lẹ po,+Mẹlọ he nọ na gbọfufu mẹhe tin to e ji lẹ+Bo nọ na gbigbọ mẹhe to zọnlinzin gbọn e ji lẹ:+
6 “Yẹn, Jehovah ko basi oylọna we to dodowiwa mẹ;N’ko hẹn alọ go na we.
Yẹn na basi hihọ́na we bo na yí we na gbẹtọ lẹ taidi alẹnu de+Podọ taidi hinhọ́n de na akọta lẹ,+
7 Na hiẹ nido hùn nukun he ko tọ́n lẹ,+Nado de gàntọ lẹ jẹgbonu sọn gànpa dòglọ tọn mẹPodọ mẹhe sinai to zinvlu mẹ lẹ sọn gànpa mẹ.+
8 Yẹn wẹ Jehovah. Yinkọ ṣie niyẹn;Yẹn ma na jo gigo ṣie na* mẹdevo depope,Mọ yẹn ma na jo pipà ṣie na boṣiọ pipà lẹ.+
9 Mì pọ́n, onú tintan lẹ ko mọ hẹndi;Onú yọyọ lẹ lá wẹ n’te todin.
Whẹpo yé nado sọawuhia, yẹn ko dọ yé na mì.”+
10 Mì jihàn yọyọ de hlan Jehovah,+Yèdọ pipà etọn sọn opodo aigba tọn lẹ,+Mì mẹhe nọ jẹte yì hùmẹ lẹ po nuhe gọ́ e mẹ lẹpo po,Mì lopo lẹ po mẹhe nọ nọ̀ yé ji lẹ po.+
11 Gbọ danfafa po tòdaho etọn lẹ po ni ze ogbè yetọn daga,+Yèdọ gbétatò he mẹ Kẹdali+ tin te lẹ.
Gbọ mẹhe nọ nọ̀ lẹdo osé tọn mẹ lẹ ni yí ayajẹ do dawhá;Gbọ yé ni dawhá jẹgbonu sọn osó lẹ ji aga.
12 Gbọ yé ni na gigo JehovahBo lá pipà etọn to lopo lẹ ji.+
13 Jehovah na tọ́njẹgbonu taidi sunnu huhlọnnọ de.+
E na fọ́n zohunhun etọn dote taidi awhànfuntọ de.+
E na dawhá, mọwẹ, e na yí ogbè lélé do dawhá awhàn tọn;E na do ede hia di huhlọnnọ hú kẹntọ etọn lẹ.+
14 “N’ko gbọṣi abọẹ na ojlẹ dindẹn.
Yẹn bọnùdo bo dava dee.
Taidi yọnnu he to viji de,Yẹn na wẹnhun, bo zẹ̀n bosọ gbọ gángán to ojlẹ dopolọ mẹ.
15 Yẹn na hẹn osó lẹ po okọ́ta lẹ po jẹvọ́Bo na hẹn ogbé he to yé ji lẹpo hú.
Yẹn na diọ tọ̀sisa lẹ zun lopoBosọ hẹn osindò he gọ́ na ofán lẹ hú.+
16 Yẹn na deanana nukuntọ́nnọ lẹ gbọn aliho he yé ma yọnẹn de ji+Bo na hẹn yé nado zinzọnlin gbọn ali he yé ma jẹakọ hẹ lẹ ji.+
Yẹn na diọ zinvlu zun hinhọ́n to nukọn yetọn+Bo na hẹn fihe to kanṣankanṣan lẹ zun aigba jijlọ.+
Nuhe yẹn na wà na yé niyẹn, podọ yẹn ma na gbẹkọ yé go.”
17 Yé na yin kọlẹna bo na yin winyando petepete,Yèdọ yé mẹhe nọ dejido boṣiọ pipà go lẹ,Yé mẹhe nọ dọna boṣiọ kinkọ̀n lẹ dọ: “Mìwlẹ wẹ yẹwhe mítọn lẹ.”+
18 Mì dotoai, mì tókunọ lẹ emi;Mì pọ́n bo mọnú, mì nukuntọ́nnọ lẹ emi.+
19 Mẹnu wẹ yin nukuntọ́nnọ bọ e ma yin devizọnwatọ ṣie,Bosọ yin tókunọ sọ wẹnsagun he n’dohlan?
Mẹnu wẹ yin nukuntọ́nnọ sọ mẹhe mọ ahọsumẹ yí lọ,Yèdọ nukuntọ́nnọ sọ devizọnwatọ Jehovah tọn?+
20 Hiẹ mọ nususu, ṣigba a ma to aṣeji.
Hiẹ kẹ̀ otó towe lẹ, amọ́ a ma dotoai.+
21 Na dodowiwa etọn wutu,Jehovah ko mọ awuvivi to osẹ́n* lọ zizedaga po hinhẹn ẹn zun gigonọ po mẹ.
22 Ṣigba, omẹ ehelẹ wẹ ko yin bibẹ di ogblànnu podọ di kanlinmọ;+Yemẹpo wẹ yin wiwle do odò lẹ mẹ bo yin whiwhla do gànpa lẹ mẹ.+
Yé ko yin bibẹ di ogblànnu bọ mẹde ma tin he na whlẹn yé,+Podọ yé ko yin bibẹ di kanlinmọ bọ mẹde ma tin he na dọmọ: “Mì bẹ yé lẹkọwa!”
23 Mẹnu to mì mẹ wẹ na sè ehe?
Mẹnu wẹ na tuntoai bo dotoai, na sọgodo wutu?
24 Mẹnu wẹ ko ze Jakọbu jo nado yin bibẹ di kanlinmọPodọ mẹnu wẹ ko ze Islaeli jo na mẹhe nọ bẹ ogblànnu lẹ?
Be e ma yin Jehovah, Mẹhe míwlẹ waylando sọta lọ wẹ ya?
Yé gbẹ́ nado zinzọnlin gbọn aliho Etọn lẹ ji,Bosọ gbẹ́ nado yìn osẹ́n* Etọn.+
25 Enẹwutu, Ewọ to adi etọn kọ̀n jẹgbonu do e ji,Yèdọ homẹgble etọn po nuhẹngble awhàn tọn po.+
Ehe sọ fiọ nuhe lẹdo e pé lẹpo, ṣigba ewọ ma tuntoai.+
Ehe sọ jizò do e ji, ṣigba ewọ ma doayi e go.+
Nudọnamẹ Odò Tọn
^ Kavi “alindọn ṣie.”
^ Kavi “anademẹ.”
^ Kavi “ma na má gigo ṣie hẹ.”
^ Kavi “anademẹ.”
^ Kavi “anademẹ.”
