Isaia 41:1-29
41 “Mì nọ whii bo dotoaina mi,* mì lopo lẹ emi;Mì gbọ akọta lẹ ni vọ́ huhlọn yetọn mọyi.
Mì gbọ yé ni dọnsẹpọ; mì sọ gbọ yé ni dọho.+
Mì gbọ mí ni pli dopọ na whẹdida.
2 Mẹnu wẹ ko ze mẹde fọ́n sọn whèzizẹ,*+Bo ylọ ẹ to dodowiwa mẹ wá afọ Etọn lẹ kọ̀n,*Nado jo akọta lẹ do alọmẹ na ẹnPodọ nado yí i do hẹn ahọlu lẹ zun mẹmẹglọ?+
Mẹnu wẹ hẹn yé zun kọ́gudu to ohí etọn nukọn,Taidi zinkán he jẹhọn to zizepé de to ogá etọn nukọn?
3 E jẹgodona yé, bo to yìyì matin aliglọnnamẹnuTo ali he afọ etọn lẹ ma ko zingbejizọnlin gbọn pọ́n lẹ ji.
4 Mẹnu wẹ ko yinuwa bo ko wà ehe,Bosọ to whẹndo lẹ ylọpli sọn bẹjẹeji?
Yẹn Jehovah wẹ, yẹn wẹ Omẹ Tintan;+Podọ kakajẹ omẹ godo tọn lẹ ji, yẹn dopolọ wẹ.”+
5 Lopo lẹ ko mọ ehe bo dibu.
Opodo aigba tọn lẹ sọ jẹ sisọsisọ ji.
Yé dọnsẹpọ bo sẹwá.
6 Dopodopo yetọn to alọgọna hatọ etọnBo nọ dọna mẹmẹsunnu etọn dọ: “Yin huhlọnnọ.”
7 Gbọnmọ dali, anazọ́nwatọ to gànkọ̀ntọ hẹn lodo;+Mẹhe nọ yí ṣówhènú do tunnúTo mẹhe yí ṣówhènú do to nuli ozún* ji hẹn lodo.
E dọ gando nuhe yin ṣiṣá dopọ lọ go dọ: “E yọ́n.”
Enẹgodo, oṣó yin whiwhè do e mẹ na e nido lodo.
8 “Ṣigba, hiẹ Islaeli E, devizọnwatọ ṣie wẹ hiẹ,+Hiẹ Jakọbu E, hiẹ wẹ yẹn ko de,+Yèdọ kúnkan* Ablaham họntọn ṣie tọn,+
9 Hiẹ, mẹhe yẹn plan sọn opodo aigba tọn lẹ,+Podọ hiẹ, mẹhe yẹn ylọ sọn awà etọn he dẹn hugan lẹ ji.
Yẹn dọna we dọ, ‘Hiẹ wẹ devizọnwatọ ṣie;+Yẹn ko de we; n’ma ko gbẹ́ we dai.+
10 A dibu blo, na yẹn tin hẹ we.+
A yin magbọjẹnọ blo, na yẹn wẹ Jiwheyẹwhe towe.+
Yẹn na hẹn we lodo, mọwẹ, n’na gọalọna we,+Na nugbo tọn, n’na yí adusilọ dodowiwa tọn ṣie do hẹn gowe gligli.’
11 Pọ́n! Mẹhe to homẹgble do gowe lẹpo wẹ na duwinyan bo jẹflumẹ.+
Mẹhe nọ hoavùn hẹ we lẹ na yin hinhẹn zun ovọ́ bo na dọ̀n.+
12 Hiẹ na dín mẹhe nọ diahi hẹ we lẹ, ṣigba a ma na mọ yé;Mẹhe nọ funawhàn hẹ we lẹ na wá taidi nuhe ma tin ba, yèdọ taidi onú tata de poun.+
13 Na yẹn, Jehovah Jiwheyẹwhe towe, yẹn na hẹn adusilọ towe go,Yèdọ Mẹhe to didọna we dọ, ‘A dibu blo. N’na gọalọna we.’+
14 A dibu blo, hiẹ owé* Jakọbu,+Mì omẹ Islaeli tọn lẹ emi, yẹn na gọalọna mì,” wẹ Jehovah, Mẹflitọ mìtọn,+ Omẹ Wiwe Islaeli tọn dọ.
15 “Pọ́n! Yẹn ko yí we do basi nuyizan jinukun fiflé tọn de,+Yèdọ núzinzan jinukun fiflé tọn nùawenọ yọyọ de.
Hiẹ na zín osó lẹ do odò bo na gídí yé
Bo nasọ hẹn okọ́ta lẹ taidi ofló tata.
16 Hiẹ na fú yé,Bọ jẹhọn na bẹ yé sọyi;Yujẹhọn na vúnvún yé pé.
Hiẹ na nọ jaya to Jehovah mẹ,+Bo nasọ nọ doawagun to Omẹ Wiwe Islaeli tọn mẹ.”+
17 “Agbátọnọ po wamọnọ po to osin dín, ṣigba depope ma tin.
Odẹ́ yetọn ko hú na nugbla wutu.+
Yẹn Jehovah na siọ yé.+
Yẹn Jiwheyẹwhe Islaeli tọn ma na gbẹ́ yé dai.+
18 Yẹn na hẹn otọ̀ lẹ nado sà jẹgbonu to okọ́ta he to tata lẹ ji+Podọ asisa osin tọn lẹ to dankló lẹ ji.+
Yẹn na diọ danfafa zun osindò he gọ́ na ofán lẹPodọ aigba húhú zun asisa osin tọn lẹ.+
19 Yẹn na do atin kedali tọn do danfafa ji,Gọna akasia-tin, atin mitile tọn po atin amìnọ po.+
Yẹn na do atin junipeli tọn do dankló ji,Gọna atin sinmẹ afínnọ po atin kiplẹsi tọn po,+
20 Na gbẹtọ lẹpo nido mọ bo yọnẹnBosọ dotoai bo mọnukunnujẹemẹDọ alọ Jehovah tọn wẹ ko wà ehe,Podọ Omẹ Wiwe Islaeli tọn wẹ ko basi i.”+
21 “Mì hẹn owhẹ̀ mìtọn wá,” wẹ Jehovah dọ.
“Mì na whẹwhinwhẹ́n mìtọn lẹ,” wẹ Ahọlu Jakọbu tọn lọ dọ.
22 “Mì na kunnudenu mìtọn bo dọ nuhe na wá jọ lẹ na mí.
Mì dọ nuhe ko jọ wayi* lẹ na mí,Na mí nido lẹnnupọndo* yé ji bo yọ́n kọdetọn yetọn.
Kavi mì lá nuhe na wá jọ to nukọn mẹ lẹ na mí.+
23 Mì dọ nuhe na wá jọ to sọgodo na mí,Na mí nido yọnẹn dọ yẹwhe lẹ wẹ mì nugbonugbo.+
Mọwẹ, mì yí nude wà, vlavo dagbe kavi oylan,Na e nido jiawu na mí to whenuena mí na mọ ẹn.+
24 Pọ́n! Nuhe ma tin de wẹ mìwlẹ yin,Podọ ovọ́ wẹ nuwadotana mìtọn lẹ.+
Mẹdepope he de mìwlẹ, osùnú de wẹ ewọ.+
25 Yẹn ko ze mẹde daga sọn agewaji, bọ ewọ na wá,+Yèdọ mẹdopo sọn whèzẹtẹn-waji+ he na dawhá ylọ oyín ṣie.
Ewọ na tùnafọ gandutọ* lẹ ji taidi dọ okò tata wẹ yé yin,+Kẹdẹdi zẹ́ndotọ de he yí afọ do to okò yàn.
26 Mẹnu wẹ ko dọ ehe sọn bẹjẹeji, na mí nido yọnẹn,Kavi sọn ojlẹ he wayi lẹ mẹ, na mí nido dọ dọ, ‘Nuhe e dọ sọgbe’?+
Na nugbo tọn, mẹdepope ma dọ ehe!
Mẹdepope ma lá ehe!
Mẹdepope ma sè nude sọn mì dè!”+
27 Yẹn whẹ́whẹ́ wẹ dọna Ziọni dọmọ: “Pọ́n! Nuhe na jọ lẹ die!”+
Podọ yẹn na do mẹhe hẹn wẹndagbe de hlan Jelusalẹm.+
28 Ṣigba, yẹn to nukundo, mẹdepope masọ tin;Mẹdopo tata ma tin to yé mẹ nado na ayinamẹ.
Yẹn sọ to bibiọ to yé si mapote nado gblọn.
29 Pọ́n! Odlọ* de poun wẹ yemẹpo.
Ovọ́ sọ wẹ azọ́n yetọn lẹ.
Jẹhọn po onú ovọ́ lẹ po wẹ boṣiọ kinkọ̀n yetọn lẹ.+
Nudọnamẹ Odò Tọn
^ Kavi “Mì nabọẹ to nukọn ṣie.”
^ Kavi “sọn whèzẹtẹn-waji.”
^ Enẹ wẹ, nado wadevizọn na ẹn.
^ Enẹ wẹ, ogàn pinpẹn he ji yè nọ tùn ogàn te.
^ To paa mẹ, “okún.”
^ Enẹ wẹ, mẹhe yin madogánnọ podọ agbátọnọ.
^ To paa mẹ, “dọ onú tintan.”
^ Kavi “ze ahun mítọn do.”
^ Kavi “ogán nukunpedonugotọ.”
^ Kavi “Nuhe ma tin.”
