Howhinwhẹn lẹ 3:1-35
3 Visunnu ṣie, a wọn nuplọnmẹ* ṣie blo,Podọ hiẹ ni nọ yí ahun towe lẹpo do payi gbedide ṣie lẹ go,
2 Na yé na yidogọna tedidi gbẹzan towe tọnBo na hẹn gbẹ̀gaa po jijọho po wá na we.+
3 A dike owanyi nugbo po nugbonọ-yinyin* po yì sọn dè we blo.+
Sìn yé do okọ̀ towe;Kàn yé do ahun towe mẹ;+
4 To whenẹnu, hiẹ na mọ nukundagbe po wuntuntun poTo nukun Jiwheyẹwhe po gbẹtọ po tọn mẹ.+
5 Nọ yí ahun towe lẹpo do dejido Jehovah go,+Bo ma nọ ganjẹ nukunnumọjẹnumẹ towe titi go blo.+
6 Nọ hẹn ewọ do ayiha mẹ to nuhe wà a te lẹpo mẹ,+Ewọ nasọ jlọ ali towe lẹ.+
7 A lẹzun nuyọnẹntọ to nukun towe titi mẹ blo.+
Nọ dibusi Jehovah bo nọ họ̀nna oylan.
8 Azọ̀nhẹngbọ wẹ ehe na yin na agbasa* towePodọ kọfanamẹ na ohú towe lẹ.
9 Nọ yí nuhọakuẹ towe lẹ do gbògbéna Jehovah,+Yèdọ sinsẹ́n tintan* jinukun* towe lẹpo tọn;+
10 To whenẹnu, agbànhọ towe lẹ na yin hinhẹn gọ́ petepete,+Ovẹn-dò* towe lẹ nasọ gọfla na ovẹn yọyọ.
11 Visunnu ṣie, a gbẹ́ mẹplọnlọ Jehovah tọn dai blo,+A sọ gbẹwanna wọhẹ etọn blo,+
12 Na mẹhe Jehovah yiwanna lẹ wẹ e nọ wọhẹ,+Kẹdẹdile otọ́ de nọ wà do na ovi he go homẹ etọn hùn do.+
13 Ayajẹnọ wẹ mẹlọ he mọ nuyọnẹn,+Podọ mẹlọ he tindo wuntuntun;
14 E pọnte nado tindo e hú nado tindo fataka,Podọ e pọnte nado tindo e di ale hú nado tindo sika.+
15 E họakuẹ hú aṣápán* lẹ;Nuhe hiẹ tindo ojlo na depope ma gán yin yiyijlẹdo e go.
16 Gbẹ̀gaa tin to adusilọ etọn mẹ;Adọkun po gigo po sọ tin to amiyọnlọ etọn mẹ.
17 Aliho etọn lẹ gọ́ na awuvivi,Ali etọn lẹpo wẹ sọ gọ́ na jijọho.+
18 Atin ogbẹ̀ tọn de wẹ e yin na mẹhe nọ tẹdego lẹ,Podọ ayajẹnọ wẹ mẹhe nọ hẹn e go gligli lẹ.+
19 Nuyọnẹn mẹ wẹ Jehovah do dodonu aigba tọn ai te.+
Wuntuntun wẹ e yí do dó olọn ai gligli.+
20 Gbọn oyọnẹn etọn dali wẹ osin daho-gbó lẹ yin mimáBọ ahun kùn sọn aslọ agahomẹ tọn lẹ mẹ.+
21 Visunnu ṣie, a dekọ sọn onú ehelẹ* go blo.
Whlá nuyọnẹn yọ́n-na-yizan po nugopipe nulẹnpọn tọn po;
22 Yé na na we* ogbẹ̀Bo nasọ yin aṣọ́donu na okọ̀ towe;
23 To whenẹnu, hiẹ na nọ zinzọnlin to hihọ́ mẹ to aliho towe ji,Bọ afọ towe ma na dahli* gbede.+
24 Eyin a mlọnai, obu nudepope tọn ma na nọ di we;+A na nọ mlọnai bọ amlọn towe na nọ yìkànmẹ.+
25 Hiẹ ma na nọ dibuna nugbajẹmẹji ajiji depope+Kavi yujẹhọn he ja mẹylankan lẹ ji.+
26 Na Jehovah na lẹzun asisa jidenamẹ tọn towe;+Ewọ na nọ basi hihọ́na afọ towe ma nado jẹ omọ̀ mẹ.+
27 A gọ̀n dagbe wà na mẹhe a dona wà ẹ na* lẹ blo+Eyin a tindo nugopipe* nado gọalọ.+
28 A dọna kọmẹnu towe blo dọ, “Yì; lẹkọwa whedevonu! Yẹn na na we to osọ,”To whenuena e yindọ hiẹ sọgan na ẹn hadopo.
29 A blasé do kọmẹnu towe go blo+To whenue ewọ lẹndọ emi tin to hihọ́ mẹ to apá towe.
30 A do whẹgbè hẹ mẹde matin whẹwhinwhẹ́n blo+Eyin ewọ ma ko waylan depope do we.+
31 A whànwu danuwatọ blo,+Mọdopolọ, a de depope to aliho etọn lẹ mẹ blo,
32 Na Jehovah gbẹwanna mẹhe nọ yinuwa po oklọ po,+Ṣigba, nugbonọ lẹ wẹ nọ jihọntọn pẹkipẹki hẹ Ẹ.+
33 Dẹ̀hodo Jehovah tọn nọ tin to owhé mẹylankan tọn ji,+Ṣigba, e nọ dona owhé dodonọ tọn.+
34 Na ewọ nọ vlẹ mẹṣankotọ lẹ kò,+Ṣigba, e nọ do nukundagbe hia homẹmimiọnnọ.+
35 Nuyọnẹntọ na dugu gbégbò tọn,Ṣigba, winyan mẹ wẹ nulunọ lẹ nọ doawagun te.+
Nudọnamẹ Odò Tọn
^ Kavi “osẹ́n.”
^ Kavi “nugbo.”
^ To paa mẹ, “ahọ́n.”
^ Kavi “dagbe hugan.”
^ Kavi “ale.”
^ Kavi “Ovẹn-finyọ́ndo.”
^ E họnwun dọ ehe to alọdlẹndo jẹhẹnu Jiwheyẹwhe tọn lẹ he yin nùdego to wefọ he jẹnukọn lẹ mẹ.
^ Kavi “alindọn towe.”
^ Kavi “hò do nudepope go.”
^ Kavi “Eyin e tin to huhlọn alọ towe tọn mẹ.”
^ Kavi “mẹhe a duahọ etọn do.”
