Skip to content

Zɔɛ keŋɛ yelese'a n boi

Yehowa Sɛɛradoma

Loe Yetɔɣum Farefare

 TO BƆNA WUU KRISTAKƆMA

Basɛ Ti Homea Zamesegɔ Tara Nyuurɔ Bɔ’ɔra Hɔ

Basɛ Ti Homea Zamesegɔ Tara Nyuurɔ Bɔ’ɔra Hɔ

LA YELE N PAKƐ SE’EM: To san zamesa Naayinɛ Yetɔɣum, la soŋeri to mɛ ti to bɔkera yelemɛŋɛrɛ la “yaleŋa la bo ko’olom n zuni se’em.” (Epe 3:18) La soŋeri to mɛ ti to ka tara taalɛ ge me ka tara tuure teŋbe’o wa poan ge kɔ’ɔn “gurɛ vom yetɔɣum la kankaŋi.” (Flp 2:15, 16) To san zamesa Naayinɛ Yetɔɣum la wan bo to yɔ’ɔ ti to lɔɔra yelese’a n pakɛ tɔ. To wan eŋɛ la wani ta’an nyɛ nyuurɔ zo’e zo’e yese to Baabule zamesegɔ poan?

TO WAN EŊƐ DE SE’EM:

  • Dãalɛ kaalegɔ zɛ’ɛsi la ge gulesa ita homea Baabule zamesegɔ la poan, ho ta’an gulesɛ eŋɛ gɔŋɔ bii elektronik lɔkɔ poan

  • Ho san kaala Naayinɛ Yetɔɣum la ni soke homea yeti: ‘Ani? Bem? Wani ma’a? Bɛ sa? Beni n sɔi? Wani wani?’

  • Baŋɛ yɛla la. Tara to viisegɔ lɔɣɔrɔ seto n boi, nyaa ni viisɛ yele la bii Baabule kaalegɔ zɛ’an

  • Ti’isa taɣesa hon kaali sɛla la ta’an ni bɔkɛ hon wan dekɛ yele la tum tuuma se’em

  • Tara sɛla ti ho zamesa la tuna tuuma daarewoo.​—Lu 6:47, 48

BISƐ VIDIYO LA ZUO N DE “KƆ’ƆN GURƐ KANKAŊI”​—DOOSE LA HON ITI HOMEA ZAMESEGƆ SOŊA SOŊA GE NYAA LEBESE SOKERE ANA WA:

  • Basɛba tɔɣɛ pa’alɛ bamea zamesegɔ yele la wani?

  • Beni n sɔi ti la nara ti to ni zusɛ ge nyaa pɔsɛ tomea zamesegɔ?

  • Bem n wan ta’an soŋɛ tɔ ti to bɔkɛ Baabule kaalegɔ soŋa soŋa?

  • Ho wan ta’an dãala yɛla la wani ho Baabule zamesegɔ la poan?

  • Beni n sɔi ti la yele pakɛ ti to ti’isa taɣesa se’em ma’a ti to zamesa Naayinɛ Yetɔɣum la?

  • To nari ti tara to zamesɛ sɛla la ita la bem?

“Mam nɔŋɛ ho pa’alegɔ la mɛ, mam tɛn’ɛhere de poan la saŋa woo.”—Ym 119:97