Skip to content

Zɔɛ keŋɛ yelese'a n boi

Yehowa Sɛɛradoma

Loe Yetɔɣum Farefare

 TO BƆNA WUU KRISTAKƆMA

Hon Wan Eŋɛ La Wani Maasum Homea Gura Tiirɛ Dia La?

Hon Wan Eŋɛ La Wani Maasum Homea Gura Tiirɛ Dia La?

Kɔ’ɔn pɔsera yuunɛ wa poan yɛ’ɛsa, to wan nyɛ saŋa zo’e zo’e ta’an maasum tomea gura Krista Kum Tiirɛ la. Tiirɛ Dia la san bɔna la bakwai la poan, Vom La Na’am Tuuma Zamesegɔ kan bɔna. La me san bɔna la bakwai la ba’asegɔ poan, yetɔɣum bɔ’a la Watchtower Zamesegɔ kan bɔna. Hon wan dekɛ sankana wa maasum homea soŋa soŋa? Wuu yuun kɔbesɛka n deŋɛ nɛŋa la, la nari ti to eŋɛ maaseŋɔ gura dabeserɛ wa. (Lu 22:7-13; km 3/15 1) Ge to za’a waabi nari ti to maasum to suure gura. To wan eŋɛ la wani?

  • Ti’isɛ bisɛ la de ninmɔɔrɛ se’em ti to laɣum keŋɛ.​—1Ko 11:23-26

  • Zusɛ ge geele bisɛ hon la Yehowa bɔŋa la n ani se’em.​—1Ko 11:27-29; 2Ko 13:5

  • Kaalɛ ge ti’isɛ taɣesɛ Gulesegɔ la n pa’alɛ Tiirɛ Dia la vuurɛ n de sɛla.​—Yon 3:16; 15:13

Mabiisi basɛba ni kaalɛ ge ti’isɛ taɣesɛ Tiirɛ Dia Baabule kaalegɔ la n boi Examining the Scriptures Daily la poan la. Basɛba me ni kaala la Baabule la n boi daka la poan la. Ge ti basɛba me ni geele la Watchtower bɔba ase’a n tɔɣeri Tiirɛ Dia la yele la nɔŋerɛ se’ere ti Yehowa la Yezu tara bɔ’ɔra to la. Sore sɛka woo ti ho wan doose zamesa, la wan soŋɛ hɔ ti ho ta’an vurege lɛm Yehowa la a Dayɔa la.