Skip to content

Yehowa Sɛɛradoma

Loe Yetɔɣum Farefare

Tomam Kristakɔma Vom La To Na’am Tuuma Zamesegɔ Pa’alegɔ Yɛla

Tomam Kristakɔma Vom La To Na’am Tuuma Zamesegɔ Pa’alegɔ Yɛla

Yelese’a N Boi Gɔŋɔ Wa Poan

 

Kaalegɔ Zɛ’an

Pi’ileŋo

 2

Naayinɛ Tuulum Yɛla

 3

Dekɛ Tum Tuuma Na’am Mɔɔlegɔ Poan

 4

To Bɔna Wuu Kristakɔma

 5

Ki’ileŋɔ Yetɔɣum

 6

Tiregɛ Zamesa Kaalegɔ La Pa’alegɔ

 7

Ka’aŋɔ

 8

Tɛm Dɔlega

 9

Kaarɛ Bisegadaana San Wa’ana

 10

Laɣesegɔ San Bɔna Bakwai La Poan

 11

Tiirɛ Dia San Bɔna Bakwai La Poan

 12

Vom La Na’am Tuuma Zamesegɔ Bisegadaana

 13

Vom La Na’am Tuuma Zamesegɔ Kukazuodaana

 14

Keendoma Tigesego Bisegadaana

 15

Ka’aŋɔdaana

 16

Zamesegɔdoma San Pa’asɛ

 17

Vidiyodoma

 18

1. Tomam Kristakɔma Vom La Na’am Tuuma zamesegɔ la, to wan dɔla wuu ba pa’alɛ ti la bɔna Tomam Kristakɔma Vom La Na’am Tuuma​—Zamesegɔ Gɔŋɔ la poan se’em la. Na’am mɔɔlegɔdoma woo wan ta’an pa’asɛ sukuu tuuma la poan. Sɛba woo n keni zamesegɔ daarewoo ta’an laɣum pa’asɛ sukuu la poan ba san nam Baabule pa’alegɔ la ge ti ba sareŋɔ makɛ la Kristakɔma n nari ba vɔna ba vom se’em.​—be-E gɔn. 282.

 2. Pi’ileŋo: Mita 3 bii la da paɛ. Bakwai woo poan, to san ni yuum ge zusɛ ba’asɛ, Vom La Na’am Tuuma Zamesegɔ kukazuodaana la wan pa’alɛ tɔ to wan zamesɛ sɛla ge soke soke se’ere ti to wan sɔsɛ de yele Vom La Na’am Tuuma Zamesegɔ Lebesego Gɔŋɔ La poan.

 3. Naayinɛ Tuulum Yɛla:

  • Yetɔɣum: Mita 10. Yetɔɣum la zuo wan pa’alɛ tɔ yelepkina ayi bii atã ti la bɔna Vom La Na’am Tuuma Zamesegɔ Gɔŋɔ la poan. Tansugere keenma bii keendoma soŋerɛ daana n kumesɛ n nari ti a tum tuunɛ wa. To san yeti to pɔsɛ la Baabule gɔŋɔ ayima zamesegɔ, to wan dekɛ la vidiyo laɣum pɔsɛ. Yetɔɣumdaana la wan pa’alɛ vidiyo la zuo yetɔɣum la. Bala la, la nari ti a tɔɣɛ yelekpina la za’a wuu zamesegɔ gɔŋɔ la n pa’alɛ se’em la. Leyɛ’ɛsa me, tɛm san bɔna, a ta’an dekɛ fɔɔra la pa’alɛ Gulesegɔ yelekpina la ti la niɛ pa’alɛ zamesegɔ la n pa’alɛ se’em la.

  • Ɛɛra Vo’osum Poan Yɛla: Mita 8. Dena dela sokere-la-lebesego sɔsega ma’a. Keenma bii keendoma soŋerɛ daana n kumesɛ n nari ti a tum tuunɛ wa. Yetɔɣumdaana la nari  ti a dekɛ tɛm tum tuuma ta’an basɛ ti yelese’a n pakɛ tansugere la niɛ peelum. Bala la, la nari ti a soke kɛleseriba la sokere la za’a. Leyɛ’ɛsa me la nari ti a bisɛ nyaa saŋa boi ti ba wan ta’an kaalɛ gulesegɔ la za’a. Se’em nyɛ yɔ’ɔ ti a bo lebesego, nari ti a dekɛ kiki 30 bii la da paɛ bala tɔɣɛ.

  • Baabule Kaalegɔ: Mita 4 bii la da paɛ. Mabia n nari ti a tum tuunɛ wa. Mabia la nari ti a kaalɛ ba boi en tuunɛ la zɛ’an la ma’a ge me ka nara ti a dekɛ sɛla pi’ilum bii ki’ilum kaalegɔ la. Zamesegɔ kukazuodaana la nari ti a soŋɛ zamesegɔdoma la ti ba ta’an kaala soŋa soŋa, ti bɔkerɛ bɔna, tɔɣera wai wai, pa’ala gulesegɔ la vuurɛ, tɛɛra a kɔa, su’usa ge kaala wuu ho tɔɣeri me la.

  4. Dekɛ Tum Tuuma Na’am Mɔɔlegɔ Poan: Mita 15 bii la da paɛ. Ba maalɛ bɔberɛ kana wa ti la ta’an maasum tɔ ti to ta’an kumesɛ tomea la to ta’an mɔɔla ge pa’ala soŋa. Zamesegɔdoma la nari ti ba dekɛ pɔsega yetɔɣum la lebe ta bisɛ pa’alegɔ la n boi hon wan tɔɣɛ sɛla gɔnlaka 1 Vom La Na’am Tuuma Zamesegɔ Gɔŋɔ la poan tum tuuma. Na’am mɔɔlegɔdoma san bɔta ba ta’an dekɛ vidiyo n boi to Pa’alegɔ Lɔɣɔrɔ Daka la poan tum tuuma. Vom La Na’am Tuuma Zamesegɔ Gɔŋɔ pa’ali zamesegɔdaana woo n nari ti a dekɛ tɛm se’em tum a tuunɛ la ge le ta’an pa’alɛ yɛla a se’a pa’asɛ. Zamesegɔdoma la ka nari ti ba dekɛ yɛla pa’asɛ ti ba tari tɛm zuo. Sɛba n maasum soŋa ta’an dekɛ mita ayi bii la puɣum kan paɛ bala eŋɛ itipa’alegɔ. La san pakɛ, ba ta’an bo keendoma la tuunɛ sukuu la poan.

  • Hon Wan Tɔɣɛ Sɛla Vidiyo: Ba wan ŋmɛ ge sɔsɛ itipa’alegɔ vidiyo yɛla bakwai woo ŋmarega la poan. Vidiyodoma wa wan tara la pɔsega yetɔɣum, yia lebe ta bisɛ la yi’i lebe ta bisɛ. Vom La Na’am Tuuma Zamesegɔ kukazuodaana la n wan tum tuunɛ wa.

  • Pɔsega Yetɔɣum: Mabia bii mabipɔka wan ta’an tum tuunɛ wa. Tuunɛ la daana san dɛna la buraa, a soŋera la me dɛna buraa bii a deo nɛra, pɔka me dela bala mea. Zamesegɔdaana la, la a soŋera la san bɔta ba ta’an zi’ire bii ba zɛa. Zamesegɔdaana la ta’an loe pu’usegɔ seko ti a bɔta ti a dekɛ tum tuuma ti la makɛ la gingilega la poan. La nari ti ho dekɛ hon wan tɔɣɛ sɛla pɔsɛ sɔsega la.

  • Yia Lebe Ta Bisɛ: Mabia bii mabipɔka wan ta’an tum tuunɛ wa. Tuunɛ la daana san dɛna la buraa, a soŋera la me dɛna buraa bii a deo nɛra, pɔka me dela bala mea. (km-E 5/97 gɔn. 2) Zamesegɔdaana la, la a soŋera la san bɔta ba ta’an zi’ire bii ba zɛa. Zamesegɔdaana la nari ti a eŋɛ pa’alɛ eŋa n yeti a ta yele sɛla a san lebe ti a ta bisɛ se’em n boti yelesum la. La nari ti ho dekɛ hon wan tɔɣɛ sɛla n boi Vom La Na’am Tuuma Zamesegɔ Gɔŋɔ la poan pɔsɛ sɔsega la.

  • Yi’i Lebe Ta Bisɛ: Mabia bii mabipɔka wan ta’an tum tuunɛ wa. Tuunɛ la daana san dɛna la buraa, a soŋera la me dɛna buraa bii a deo nɛra, pɔka me dela bala mea. (km-E 5/97 gɔn. 2) Zamesegɔdaana la, la a soŋera la san bɔta ba ta’an zi’ire bii ba zɛa. Zamesegɔdaana la nari ti eŋɛ pa’alɛ eŋa yeti a ta yele sɛla a san lebe ti a ta bisɛ se’em n boti yelesum la. La nari ti ho dekɛ hon wan tɔɣɛ sɛla pɔsɛ sɔsega la.

  • Baabuele Zamesegɔ: Mabia bii mabipɔka wan ta’an tum tuunɛ wa. Tuunɛ la daana san dɛna la buraa, a soŋera la me dɛna buraa bii a deo nɛra, pɔka me dela bala mea. (km-E 5/97 gɔn. 2) Zamesegɔdaana la, la a soŋera la san bɔta ba ta’an zi’ire bii ba zɛa. Eŋɛ itipa’alegɔ pa’alɛ Baabule zamesegɔ n puɣum nyɛta nɛŋa tɔlega se’em. La ka nari ti ho tɔɣɛ sɛla pi’ilum ge ki’ilum san daɣana la ho zamesegɔdaana la tuni la yelese’ere wana mɔpi zamesegɔ yelekpina la poan. La daɣɛ pɛregɛ ti a kaalɛ kaalegɔ la za’a kpe’eŋo kpe’eŋo ge a san bɔta a ta’an eŋɛ bala. Mina pa’alegɔ soŋa soŋa.

  •   Yetɔɣum: Mabia n nari ti a tum tuunɛ wa ge me eŋɛ de wuu a bo’ori la tansugere yetɔɣum la.

  5. To Bɔna Wuu Kristakɔma: Ba san yuum ba’asɛ, mita 15 ti ba wan dekɛ sɔsɛ bɔberɛ deyima bii buyi n wan soŋɛ kɛleseriba la ti ba dekɛ Naayinɛ Yetɔɣum la tum tuuma. San daɣana la ba yele la sɛla pa’asɛ, tuunɛ wa dela keendoma bii keendoma soŋeredoma tuunɛ ge la san dɛna yelese’a n pakɛ tansugere la ti keenma ma’a wan tum.

  • Tansugere Baabule Zamesegɔ: Mita 30. Tundena dela keenma n kumesɛ tuunɛ. (Zɛ’an ti keendoma ka zo’e, keendoma soŋerɛdoma n kumesɛ ta’an tum tundena wa.) Keendoma tigere la n wan bisɛ se’em n kumesɛ nara ti a eŋɛ Tansugere Baabule Zamesegɔ la. Sɛba ti ba loe ba la nari ti ba ta’an bisɛ zamesegɔ la ti la niɛ soŋa, ta’an ba’asɛ saŋa la ti ba dekɛ bo la poan, basɛ ti gulesegɔ la poan yelekpina la niɛ peelum ge soŋɛ nɛra woo ti ba bɔkɛ gulesegɔ la n pa’alɛ se’em la. Ba san bisɛ ba pa’alɛ Watchtower Zamesegɔ se’em la, ba wan nyɛ yelekpina n nari ti ba dekɛ tum tuuma. La san wan ta’an eŋɛ bakwai woo poan, ba tɛɛsina sɛba n biseri zamesegɔ la, la kaalegɔ la. Vom La Na’am Tuuma Zamesegɔ kukazuodaana san yeti ba eŋɛ zamesegɔ la gi’a gi’a, mina n biseri zamesegɔ la n wan mina eŋa n wan ŋmaɛ de gi’a gi’a se’em. A ta’an basɛ ti kaalegɔdaana la zɔɔsɛ kaalegɔ zɛ’ɛsi ase’a.

  6. Ki’ileŋɔ Yetɔɣum: Mita 3 bii la da paɛ. Vom La Na’am Tuuma Zamesegɔ kukazuodaana la wan pa’alɛ tɔ to zamesɛ sɛla ge tɔɣɛ sokere ayima ti to sɔsɛ de yele la Vom La Na’am Tuuma Zamesegɔ Lebesego Gɔŋɔ la poan la. A me le malum tiɛ yelese’a ti to wan zamesɛ bakwai sɛka n keni na la, a ta’an soke sokere se’ere ti to wan sɔsɛ de yele la. Saŋa san bɔna, a ta’an yi sɛba n tari tuunɛ bakwai sɛka n keni na la yu’ura. San daɣana ba yele la sɛla, kukazuodaana la n nari ti a mɔɔlɛ ge kaalɛ lɛtadoma bo tansugere la a ki’ileŋɔ sɔsega la poan wuu la san bɔna. Yelese’a ti to ita saŋa woo maɣesɛ wuu na’am mɔɔlegɔ maaseŋɔ la duusego maaseŋɔ nari ti ba dekɛ labelɛ ge da mɔɔlɛ a yetɔɣum bimbine la zuo. Kukazuodaana la san bisɛ ti saŋa la ka zo’e ti a wan ki’ileŋɔ sɔsega ge mɔɔlɛ bii kaalɛ lɛtadoma la, a nari ti a yele mabiisi sɛba n tari tuunɛ To Bɔna Wuu Kristakɔma zamesegɔ la poan ti ba tum ba tuuma la gi’a gi’a ti la nara. (Bisɛ  kaalegɔ zɛ’ɛsi 5 la   9.) To wan dekɛ la yuunɛ la zusega ki’ilum to zamesegɔ la.

 7. Tiregɛ Zamesa Kaalegɔ La Paalegɔ: Bakwai sɛka n pɔseri January 7, 2019 la poan, Vom La Na’am Tuuma Zamesegɔ kukazuodaana la nari ti a tara Pa’alegɔ gɔnlɛmlɛm la bisera ku poan pɛɣera ge ka’ana. Zamesegɔdaana woo sonti a tum ba dekɛ zamesegɔ yelese’ere n boi parentheses Vom La Na’am Tuuma Zamesegɔ Gɔŋɔ la poan la tum tuuma. Ŋmarega woo poan bakwai sɛka n deŋɛ nɛŋa la, Vom La Na’am Tuuma Zamesegɔ kukazuodaana la wan naɛ la kɛleseriba la sɔsɛ zamesegɔ yele deyima n boi Pa’alegɔ gɔnlɛmlɛm la poan. Zɛsɛka n pa’alɛ “Gulesa Hon Tole Nɛŋa Se’em Biŋe” la dela zamesegɔdaana la denɛ, la ka nari ti kukazuodaana la gulesɛ bim.

  8. Ka’aŋɔ: Zamesegɔdaana la san tum a tuunɛ la ba’asɛ, Vom La Na’am Tuuma Zamesegɔ kukazuodaana la nari ti a dekɛ Pa’alegɔ gɔnlɛmlɛm la pɛɣɛ ge ka’am en mita ayina poan. Kukazuodaana la san yi mina n tari tuunɛ la, la ka nari ti a pa’alɛ zamesegɔ yele la n boi zɛ’an. Bala la, zamesegɔdaana la san ba’asɛ a tuunɛ la, kukazuodaana la ta’an pɛɣɛ en ge nyaa pa’alɛ zamesegɔ yele la n boi zɛ’an ge pa’alɛ sɛla zuo n sɔi ti zamesegɔdaana la tum a tuunɛ la soŋa. Kukazuodaana la ta’an le pɛɣɛ bɔbese’ere ti zamesegɔdaana la mɔ ge me wan soŋɛ kɛleseriba la. Ka’aŋɔ san bɔna Pa’alegɔ gɔnlɛmlɛm la bii Ministry School gɔŋɔ la poan ho ta’an dekɛ ka’aŋɔ la bo en de daarɛ bii daanse’ere daarɛ sa, ho ta’an basɛ ti a taɣesɛ zamesegɔ yele la bii ho tee bo en.​—Ho san bɔta ti ho baŋɛ Vom La Na’am Tuuma Zamesegɔ bisegadaana, la ka’aŋɔdaana tuunɛ n de sɛla bisɛ  kaalegɔ zɛ’ɛsi 13 la  16.

     9. Tɛm Dɔlega: Sɛba n tari tuunɛ la, la Vom La Na’am Tuuma kukazuodaana la ka nari ti ba tum zɔɛ ba tuunɛ la tɛm. Zamesegɔdaana la san dita tɛm, kukazuodaana la ta’an doose yɛm sore poan tiɛ en ti a tɛm la paɛ ya. Sɛba woo n tari tuunɛ zamesegɔ la poan san di tɛm, ka’aŋɔdaana la nari ti a ka’am ba. Yuuma la zusega la zamesegɔ la za’a nari ti la dɛna la awa ayima la mita 45.

 10. Kaarɛ Bisegadaana San Wa’ana: Kaarɛ bisegadaana san wa’an ya tansugere la na, ya nari ti ya doose pa’alegɔ seko woo n boi Vom La Na’am Tuuma Zamesegɔ Gɔŋɔ la poan la san daɣana la: Tansugere Baabule Zamesegɔ la n boi To Bɔna Wuu Kristakɔma bɔberɛ la n de mita-30 la ti kaarɛ bisegadaana la wan dekɛ bo a pɔsega yetɔɣum la. Ge ti kaarɛ bisegadaana la nyaa bo a pɔsega yetɔɣum la, Vom La Na’am Tuuma Zamesegɔ kukazuodaana la nari ti a tiɛ to wan zamesɛ sɛla bakwai sɛka n keni na la yɛla, mɔɔlegɔ san bɔna a mɔɔlɛ bii a kaalɛ lɛtadoma ge nyaa yi kaarɛ bisegadaana la. Kaarɛ bisegadaana la san bo a yetɔɣum la ba’asɛ, a wan loe yuunɛ ti to yuum ki’ilum to zamesegɔ la. Sɛba n tari sukuu tuunɛ deo sɛka n pa’asɛ buyi la poan la kan tum ba tuunɛ la ge ba wan laɣum la sɛba n boi deo kãtɛ la poan la. Yetɔɣum sebo n daɣɛ teŋa la yetɔɣum ge dɛna group laɣum la ya bɔna na’am pu’usegɔ deo la poan la, ta’an ita bamea zamesegɔ hali kaarɛ bisegadaana la san wa’an tansugere la poan na. Ge group la nari ti ba laɣum la tansugere la kelese kaarɛ bisegadaana pɔsega yetɔɣum la.

 11. Laɣesegɔ San Bɔna Bakwai La Poan: Tansugere zamesegɔ kan bɔna bakwai sɛka ti ya tara teŋgirega bii teŋkãtɛ laɣesegɔ la. Yelese’a ti ya wan zamesɛ bakwai la poan dela deodoma bii nɛra woo dekɛ eŋɛ bamea bii a mea zamesegɔ.

 12. Tiirɛ Dia San Bɔna Bakwai La Poan: Tiirɛ Dia san bɔna bakwai la poan, Vom La Na’am Tuuma Zamesegɔ la kan bɔna. La nari ti na’am mɔɔlegɔ laɣesegɔ bɔna Tiirɛ Dia daarɛ la.

  13. Vom La Na’am Tuuma Zamesegɔ Bisegadaana: Keenma se’em ti keendoma tigesego la loe en la n nari ti a dɛna Vom La Na’a’m Tuuma Zamesegɔ bisegadaana. A nari ti a bisɛ ti zamesegɔ la kena nima nima ge me dɔla pa’alegɔ la soŋa soŋa. Eŋa la ka’aŋɔdaana la nari ti ba bɔkera taaba soŋa. Ŋmarega la poan, Vom La Na’am Tuuma Zamesegɔ Gɔŋɔ la san paɛ na, Vom La Na’am Tuuma Zamesegɔ bisegadaana la wan maasum zamesegɔdoma la tuunɛ ŋmarega la poan. (Bisɛ  kaalegɔ zɛ’an 4.) Zamesegɔdaana woo nari ti a nuo gurɛ a tuunɛ la n boi Tomam Kristakɔma Vom La Na’am Tuuma Zamesegɔ Tuunɛ la (S-89) form la poan ge ti bakwai atã nyaa paɛ ti a tum a tuunɛ la.

 14. Vom La Na’am Tuuma Zamesegɔ Kukazuodaana: Bakwai woo, keenma n nari ti a dɛna Vom La Na’am Tuuma Zamesegɔ kukazuodaana. (Zɛ’an ti keendoma ka zo’e, keendoma soŋerɛdoma n kumesɛ ta’an tum tundena wa.) Eŋa n wan pi’ilum, bisɛ itipa’alegɔ vidiyo la, la vidiyo se’a n wan tɔɣɛ Pa’alegɔ gɔnlɛmlɛm la yele ge nyaa tiɛ to zamesɛ sɛla dekɛ ki’ilum. Eŋa n wan yi sɛba woo n tari tuunɛ la ge me le tum tuuma a se’a keendoma la san ka zo’e tansugere la poan. Zamesegɔdaana woo ti ho wan pɛɣɛ bii ka’am en la nari ti la dɛna gi’a gi’a. Keendoma la n wan bisɛ se’em n nari ti a tum tundena wa. Saŋa woo poan keendoma sɛba n kumesɛ la n nari ti ba dɛna zamesegɔ kukazuodoma. Vom La Na’am Tuuma Zamesegɔ bisegadaana la ta’an dɛna zamesegɔ kukazuodaana tabela gana keendoma bana la doose la bɔŋa la poan n ani se’em. Keenma san bisera Tansugere Baabule Zamesegɔ, a wan ta’an dɛna zamesegɔ kukazuodaana. Soso tɛra ti, keenma la n de kukazuodaana la nari ti a dekɛ pɛ̃ka la ka’aŋɔ bo sɛba n tari tuunɛ zamesegɔ la poan la ti la soŋɛ ba. Kukazuodaana la nari ti a bisɛ ti zamesegɔ la za’a da di tɛm. (Bisɛ  kaalegɔ zɛ’ɛsi 6 la  9.) Kukazuodaana la san bɔta, a ta’an basɛ ti ba dekɛ makrofon ayima  ze’ele pa’asɛ se’em n puɣum bɔna la poan la wan eŋɛ se’em ti a san yi’ira sɛba n tari tuuma la, sɛla woo wan eŋɛ kalam. Bala mea ti kukazuodaana nara ti a zi’a yetɔɣum bimbine la zuo se’em ma’a ti zamesegɔdaana kaala Baabule la, la sɛba n tari tuunɛ bɔbese’ere n de Dekɛ Tum Tuuma Na’am Mɔɔlegɔ Poan la. Wana wan basɛ ti to kan di tɛm.

 15. Keendoma Tigesego Bisegadaana: Keendoma tigesego bisegadaana la n bo’ori tunse’a n daɣɛ sukuu tuuma la. Tuun ana dela keendoma sɛba n wan dɛna kukazuodoma bakwai woo poan. Eŋa la Vom La Na’am Tuuma Zamesegɔ bisegadaana la n tuni ba tuuma se’em la, Keendoma tigesego bisegadaana la nari ti a dekɛ tuuma la woo labelɛ information board la zuo.

  16. Ka’aŋɔdaana: La san wan ta’an eŋɛ, ya loe keenma sɛka n ta’an bɔ’ɔra yetɔɣum soŋa ti a ka’ana. Ka’aŋɔdaana la tuunɛ dela a ni yi mabia la ma’a bo en ka’aŋɔ la, a san bisɛ ti la nari, keendoma la keendoma soŋerɛdoma san ni tum tuunɛ ti gelegere bɔna bim a ka’am ba la tuunɛ la woo ka’aŋɔ n de se’em bɔna Vom La Na’am Tuuma Zamesegɔ la poan, yetɔɣedaa bɔ’a, Watchtower Zamesegɔ bisega, kaalegɔ la Tansugere Baabule Zamesegɔ. (Bisɛ  kaalegɔ zɛ’an 9.) Tansugere keendoma la zo’e zo’e san mina yetɔɣum bɔ’a la pa’alegɔ soŋa, ba ta’an tɛɛsena ka’aŋɔdaana la yuunɛ woo. La kɔ’ɔn daɣana ti ka’aŋɔdaana la bɔ’ɔra ka’aŋɔ tuunɛ woo poan.

 17. Zamesegɔdoma San Pa’asɛ: Sukuu poan tuumadoma la san zo’e, tansugere la ta’an pu sukuu zamesegɔ la. Zamesegɔ se’a n pa’asɛ la woo nari ti ba tara ka’aŋɔdaana n de keenma. La san nara, keendoma soŋerɛdaana n kumesɛ ta’an bisɛ tuunɛ la. Keendoma la wan bisɛ sɛba n wan ta’an tum ge baŋɛ nyaa la nari ti ba sɔɔsena. Ka’aŋɔdaana la nari ti a dɔla  kaalegɔ zɛ’an 8 n pa’alɛ se’em la. Zamesegɔ n pa’asɛ san bɔna, ba wan isige kɛ̃ deo seko n pa’asɛ buyi la poan ba san ba’asɛ Ɛɛra Vo’osum Poan Yɛla la n boi Naayinɛ Tuulum Yɛla bɔberɛ la. Ba wan le lebena ba san ba’asɛ Dekɛ Tum Tuuma Na’am Mɔɔlegɔ Poan zamesegɔ la. Ba san sɔsera la vidiyo la yele, ba ta’an kelum zi’a ge bisera bii kɛlesera sɔsega la. La san kan ta’an eŋɛ, ka’aŋɔdaana la ŋmɛ vidiyo la fom poan bo ba ti ba sɔsɛ.

 18. Vidiyodoma: Ba wan loe vidiyo ase’a ti to wan dekɛ tum tuuma zamesegɔ wa poan. Bakwai woo zamesegɔ vidiyo wan bɔna JW Library app la poan ti to wan ta’an ve’e. Saŋa ase’a, ba wan ta’an le ŋmɛ ho wan tɔɣɛ sɛla vidiyo la na’am mɔɔlegɔ sɔsega poan ba san puɣum ŋmɛ ka Vom la Na’am Tuuma Zamesegɔ la poan ba’asɛ.