Skip to content

Zɔɛ keŋɛ yelese'a n boi

Yehowa Sɛɛradoma

Loe Yetɔɣum Farefare

 ZASEŊƆ 6

Beere Putɛdene Ti To Tara Bɔ’ɔra Sɛba N Ki La?

Beere Putɛdene Ti To Tara Bɔ’ɔra Sɛba N Ki La?

1. Bem yelesoma n boi bɔ’ɔra sɛba n ki la?

Yezu n yun ta paɛ Betani teŋa n lɛm Yerusalem la, a zɔ Lazarus yun puɣum ki mɛ dabesa anaasi. Ti Yezu yun doose Marta la Mari keŋɛ a yɔɔ la poan. La ka yue ti nɛreba zo’e zo’e laɣesɛ. Nyaa wɔ̃ɔ̃lum bisɛ pupeelum sebo n yun kɛ̃ Marta la Maria se’em ma’a ti Yezu yun isige Lazarus kum poan la?​—Kaalɛ Yon 11:21-24, 38-44.

Marta yun mi yelesoma se’a n boi bɔ’ɔra sɛba n ki la. A yun mi Yehowa wan le isige sɛba n ki la ti ba le zi’ire teŋgɔŋɔ wa zuo.​—Kaalɛ Yob 14:14, 15.

2. Nɛra ni ki ana la wani?

Naayinɛ yun yele Adam yeti: “Ho dela tentɔnɔ, tentɔnɔ mea poan te ho wan lebe.”​—PIN’ILEŊƆ 3:19.

Tontɔnɔ ti ba dekɛ naam asaala. (Pin’ileŋɔ 2:7; 3:19) To daɣɛ siisi n boi innaanɛ poan. Tomea n de naaŋɔ la, bala to san ki, to ka boi ze’an. To san ki to zuo la to puti’irɛ ka le tuna. To san bisɛ, Lazarus yun ka yele eŋa n ki ti la ana en se’em sɛla n sɔi la kum ka mi sɛsɛla.​—Kaalɛ Yooma 146:4; Pa’ala 9:5, 6, 10.

Naayinɛ ni namesɛ nɛreba mɛ buɣum poan ba san ki? Baabule la pa’alɛ ti kum ka mi sɛsɛla, bala teŋmɔlega dela pumpɔreŋɔ pa’alegɔ ti nɛreba tara zɛregera Naayinɛ. Ba yeti a nyɔ’ɔre nɛreba bugum poan la, dela sɛla ti a kisa.​—Kaalɛ Yeremia 7:31.

Bisɛ Nɛra Ni Ki Ana La Wani? vidiyo la

 3. Sɛba n ki la wan ta’an tɔɣɛ bo to?

Sɛba n ki la kan ta’an tɔɣɛ kan bem ti ba wum. (Yooma 115:17) Ge kolekpabɛ’ɛsi la pã’ãsi la nɛreba tɔɣera bɔ’ɔra ba ge ni parum eŋɛ wuu ba dela sɛba n ki la. (2 Peter 2:4) Yehowa ka boti to ti ɛɛ baŋɛ sɛla n sɔi ti nɛra ni ki.​—Kaalɛ Tɛɛnhegɔ 18:10, 11.

4. Ani n wan nyɛ kum isigere?

Nɛreba tustusa zo’e zo’e n ki gã’ã yɔɔrɔ poan la wan le vo’e bɔna teŋgɔŋɔ wa zuo. Hali sɛba n ka mi Naayinɛ ge tum tuunbe’ero la wan nyɛ kum isigere.​—Kaalɛ Luke 23:43; Tooma 24:15.

Sɛba wan nyɛ kum isigere la wan zamesɛ baŋɛ Naayinɛ, tara sakerɛ ge nana bɔ’ɔra Yezu. (Liligere 20:11-13) Sɛba n wan isige kum poan ge tuna tunsoma la wan vɔna daarewoo teŋgɔŋɔ wa zuo.​—Kaalɛ Yon 5:28, 29.

5. Kum isigere la pa’alɛ to la bem yese Yehowa ze’an?

Naayinɛ n tum a Dayɔa ti a wa’ana ki bo to la n basɛ ti to tara beere sa’am kum isigere puti’irɛ. Kum isigere la pa’alɛ to la Yehowa nɔŋerɛ la a itisoŋɔ se’ere n ka nari ni to ti a tara bɔ’ɔra to. Sɛba n ki la san isige, ho wan bɔta ti ho nyɛ la ani?​—Kaalɛ Yon 3:16; Arom 6:23.