Skip to content

Zɔɛ keŋɛ yelese'a n boi

Yehowa Sɛɛradoma

Loe Yetɔɣum Farefare

 ZASEŊƆ 3

Yelesoma La Sirum Ze’ele La Naayinɛ Ze’an Na?

Yelesoma La Sirum Ze’ele La Naayinɛ Ze’an Na?

1. Ani n Gulesɛ Baabule la?

Nɛreba n wan ta vɔna daarewoo teŋgɔŋɔ wa poan la, dela yelesonɛ n boi Baabule la poan. (Yooma 37:29) Baabule la za’a tari la gɔnpiɣesi 66. Naayinɛ yun basɛ ti nɛreba n de wuu 40 gulesɛ a. Moses n gulesɛ gɔnɔ tonuu n deŋɛ nɛŋa, la dekɛ wuu yuun 3,500 n tole. Tuntuna Yon n gulesɛ gɔnseko n yee pooren, la gaŋɛ yuun 1,900 n tole. Ani yɛla ti ba gulesɛ eŋɛ Baabule la poan? Naayinɛ doose la a vo’osum poan tɔɣɛ bo sɛba n gulesɛ Baabule la. (2 Samuel 23:2) Ba yun gulesɛ la Naayinɛ puti’irɛ, daɣɛ bamea denɛ. Bala zuo Yehowa n Gulesɛ Baabule la.​—Kaalɛ 2 Timoti 3:16; 2 Peter 1:20, 21.

Bisɛ Ani N Gulesɛ Baabule La? vidiyo la

2. To wan eŋɛ la wani baŋɛ ti Baabule la tari yelemɛŋɛrɛ?

Baabule la ze’ele la Naayinɛ ze’an na, sɛla n sɔi la yelese’a woo n bo bim la kɔ’ɔn tuna dɔla la nima nima. Nɛra kan ta’an eŋɛ bala. (Yosua 23:14) Paŋa Za’a Daana Naayinɛ la ma’a n wan ta’an baŋɛ asaala beere sa’am n wan ana se’em.​—Kaalɛ Isaiah 42:9; 46:10.

To mi ti Naayinɛ ma’a n wan ta’an bo to gɔŋɔ n ka tari makerɛ wa. Ba gulesɛ Baabule la yetɔɣum buuri buuri kɔbesi poan ge tɔrɛ ku bo nɛreba n gaŋɛ tus tustusa. La bo bim ti Baabule la dela diimi gɔŋɔ, ge ku pa’alegɔ la naaŋɔ lɔɣɔrɔ zamesegɔ yɛla kɔ’ɔn tɔ mɛ. Leyɛ’ɛsa, nɛreba 40 la n gulesɛ Baabule la yun ka gulesɛ tue taaba. * Baabule la le pa’alɛ la Naayinɛ nɔŋerɛ n ka tari makerɛ ge kelum tara paŋa n wan nyaŋɛ tee nɛreba vom se’em ti la ana soŋa bɔ’ɔra ba. Yele ana n basɛ ti nɛreba tustusa sakɛ ti Baabule la sirum dela Naayinɛ Yetɔɣum.​—Kaalɛ 1 Tesalonika 2:13.

Bisɛ To Wan Eŋɛ La Wani Baŋɛ Ti Baabule La Tari Yelemɛŋɛrɛ? vidiyo la

 3. Bem ti Baabule la pa’ala wana mɔpi?

Baabule yelesoma la pa’alɛ la Naayinɛ n nɔŋɛ asaala se’em ge tara putɛsonɛ bɔ’ɔra ba. Gulesegɔ la pa’alɛ asaala n yun nyɛ yɔ’ɔ ti a zi’ire paradiisi poan ge ti la yun pĩɛ a nu’usin se’em ge me le pa’alɛ Naayinɛ n wan basɛ ti paradiise ze’ele se’em.​—Kaalɛ Liligere 21:4, 5.

Naayinɛ Yetɔɣum la le tara la kisa, naresum yɛla la kã’ãŋɔ. Leyɛ’ɛsa, Baabule la le pa’alɛ Naayinɛ n yun ani la asaaleba se’em diimi sa—diimi yɛla n yun niɛ Naayinɛ hala pa’alɛ. Bala, Baabule la ta’an soŋɛ ho ti ho baŋɛ Naayinɛ. La pa’alɛ hon wan ta’an dɛna a zɔ se’em.​—Kaalɛ Yooma 19:7, 11; Yames 2:23; 4:8.

4. Ho wan eŋɛ la wani ta’an bɔkɛ Baabule la?

Gɔnlɛmlɛm wa wan soŋɛ ho ti ho baŋɛ Baabule la doose Yezu n yun doose fole se’ere la. A yun ni dekɛ la Baabule la ze’esi a se’a tɔɣɛ ge pa’alɛ ‘Gulesegɔ la poan vɔɔrɛ n de se’em.’​—Kaalɛ Luke 24:27, 45.

Yɛla wana fii wa n bo’ore to pupeelum wuu yelesoma n ze’ele Naayinɛ ze’an na la. Ge basɛba ka boti ba kelesa, hali ba sunsɔa ni nyiie mɛ. Da basɛ ti la dɛna giilekɔ’ɔsegɔ. Ho san wan nyɛ daarewoo nyɔvore dela ho mina Naayinɛ.​—Kaalɛ Yon 17:3.

 

^ par. 3 Bisɛ A Book for All People gɔnlɛmlɛm la.