Skip to content

Zɔɛ keŋɛ yelese'a n boi

Yehowa Sɛɛradoma

Loe Yetɔɣum Farefare

 ZASEŊƆ 7

Mina Yetɔɣum Ti La Kɛ̃’ɛra Suure

Mina Yetɔɣum Ti La Kɛ̃’ɛra Suure

Luke 1:3

YELEKPINE: Dekɛ yelese’a ti ba viisɛ a ti nɔkpe’ene ka bɔna la soŋɛ ho kɛleseriba la ti ba bɔkɛ yele la soŋa.

HON WAN EŊƐ DE SE’EM:

  • Dekɛ viisegɔ yɛla n di mi’a tum tuuma. Basɛ ti ho yetɔsum la ze’ele Naayinɛ Yetɔɣum la poan ni kɔ’ɔn kaala de poan. Ho san yeti ho tɔɣɛ naaŋɔ lɔɣɔrɔ zamesegɔdoma viisegɔ yele, lasebaarɛdoma yele, zi’irego poan yele bii yelese’ere n boi, te’ele viisɛ baŋɛ yele la n de yelemɛŋɛrɛ se’em.

  • Dekɛ viisegɔ yɛla tum tuuma yɛm sore poan. Pa’alɛ gulesegɔ la vuurɛ ti la makɛ la kaalegɔ la zɛ’ɛsi la, Baabule la yelesum la, la “birikina la yam yamega” gɔnɔ la n pa’alɛ se’em la. (Matu 24:45) Ho san dekɛ teŋgɔŋɔ wa nɛreba n viisɛ nyɛ sɛla la tuna tuuma, da tee ba puti’irɛ la n de se’em la.

  • Sɔsɛ yɛla la ti la niɛ peelum. Ho san kaalɛ gulesegɔ ba’asɛ bii viisegɔ gɔŋɔ, soke yɛm sokere bii bo makerɛ n wan soŋɛ ho kɛleseriba ti ba bɔkɛ yele la vuurɛ.