Skip to content

Zɔɛ keŋɛ yelese'a n boi

Yehowa Sɛɛradoma

Loe Yetɔɣum Farefare

9. Teŋgɔŋɔ Wa Pɔri Ba’asegɔ Mɛ?

9. Teŋgɔŋɔ Wa Pɔri Ba’asegɔ Mɛ?

1 YEHOWA BASƐ TI TO MINA SƐLA N WAN EŊƐ BE’ERE SA’AM

“Mam pɔhɛ yele ya la n wan ta ana se’em. Mam maahom se’ere la wan tom.”Isaiah 46:10

To mi ba’asegɔ dabesa la n wan ta ana se’em?

  • Daniel 7:13, 14

    Yuun 1914 ti Yezu yuun di Na’am saazuo.

  • Matu 24:3-14

    Yezu yuun tɔɣebiŋe la wan kpe’em bo asaala se’em.

  • Liligere 12:7-9, 12

    Yezu n yuun di Na’am la, la ka yue ti a sa’ɛ Sitaana saazuo sa basɛ teŋa wa zuo na. Sitaana sunsua nyii mɛ se’ere n sɔi la “a saŋa la” gee la fii la Naayinɛ sa’am en.

2 TO BOI LA BA’ASEGƆ SAŊA LA POAN

‘Bem n wan ta pa’alɛ . . . teŋa wa ba’asegɔ?’—Matu 24:3

Hon nyɛ Baabule yetɔɣebiŋa ti la tum?

  • Matu 24:7; Luke 21:11

    Nananawa, to nyɛti zaberɛ, kom, teŋmiiŋo la bã’asi.

  • 2 Timoti 3:1-5

    Tuntuna Paul yuun tɔɣɛ pa’alɛ nɛreba n wan ana se’em ba’asegɔ dabesa la poan.

  • Daniel 12:4

    Naayinɛ soŋeri a nɛreba ti ba bɔkera Baabule la soŋa gana yuunse’a n tole la.

  • Matu 24:14

    Ba mɔɔlɛ Na’am yelesoma la paɛ teŋgɔŋɔ wa za’a waabi mɛ.

3 EŊƐ SƐLA NANANAWA TI YEHOWA PUURƐ PEE

“Na’ayenɛ daarɛ wan wa’ana la ana me wo nayiga n me ne ta wa’an yu’uŋɔ na se’em la.”1 Tesalonika 5:2

Ba’asegɔ dabesa n pɔri la, bem ti la nara ti to eŋɛ?

  • Yon 17:3

    Tiregɛ zamesa Baabule la.

  • Hebru 10:24, 25

    Keŋɛ Yehowa Sɛɛradoma zamesegɔ zɛ’an ta zamesɛ yɛla pa’asɛ.

  • Yames 4:8

    Eŋɛ teere ho vom poan ta’an vurege lɛm Naayinɛ.

  • Luke 21:34-36

    Tiregɛ pu’usa Yehowa ge da basɛ ti yɛla gɛ̃rɛ hɔ.