Skip to content

Zɔɛ keŋɛ yelese'a n boi

Yehowa Sɛɛradoma

Loe Yetɔɣum Farefare

8. Naayinɛ Na’am La Dela Bem?

8. Naayinɛ Na’am La Dela Bem?

1 NAAYINƐ NA’AM LA DELA GƆMƐT N SIRUM BOI

“Ho sɔ’ɔlom wa’ana, ho sunboolom tom teŋa wa zuo wo lan ane se’em saazuo ha la.”—Matu 6:9-13

Naayinɛ Na’am la dela bem?

  • Liligere 11:15

    Naayinɛ Na’am la bii gɔmɛt la wan bɔna saazuo ge bisera teŋgɔŋɔ wa.

  • 1 Timoti 6:15

    Yezu n de Naayinɛ Na’am la Naba.

  • Liligere 14:1, 4

    Nɛreba 144,000 wan naɛ la Yezu ti ba di na’am saazuo sa.

  • Hebru 4:15; 5:8

    Yezu la nɛreba 144,000 bɔkeri la ani nɛreba se’em la yeledaaŋɔ seto n paari ba.

2 YEZU WAN DƐNA BISEGADAANA N GANI ZA’A

“Tontɔɔ te a wan dekɛ tɔgɛ soŋɛ nahadoma.”—Isaiah 11:4

Beni n sɔi ti la nara ti Yezu dɛna Naayinɛ Na’am la Naba?

  • 1 Timoti 6:16

    Asaala bisegadoma kiiri mɛ ge Yezu kan malum ki. Yelesoma se’a ti Yezu yeti a eŋɛ la wan bɔna la bala wuusa.

  • Isaiah 11:2-4

    Yezu wan ta’an eŋɛ yɛla zo’e zo’e gana asaala bisegadoma. A tari paŋa gana asaala bisegadoma za’a mɛ. A tari la nɛreba giile ge me ka gasera.

3 NAAYINƐ NA’AM LA WAN BASƐ TI NAAYINƐ PUTI’IRƐ TUM

“Saazuo Yenɛ wa wan sɛ sɔ’ɔlom te bo bɔna ka tara ba’ahegɔ.”Daniel 2:44

Na’am la nyaŋɛ tum la bem? Bu wan eŋɛ la bem beere sa’am?

  • Liligere 12:7-12

    Ba yuun bobe Yezu Na’am yuun 1914 la, a yuun sa’ɛ Sitaana saazuo basɛ teŋgɔŋɔ wa zuo na. Bala n sɔi ti daaŋɔ, induŋa la namesegɔ pirɛ teŋgɔŋɔ wa zuo la.

  • Pa’ala 8:9; Liligere 16:16

    Armagedon poan, Naayinɛ Na’am la wan sa’am asaala gɔmɛt woo n tari kinkisum la putoo tuuma la.

  • Yooma 37:10

    Nɛresɛba n kɔ’ɔn tuna putoo tuuma wan nyɛ sa’aŋɔ.

  • Liligere 22:1-3

    Naayinɛ Na’am la san bisera teŋgɔŋɔ wa, nɛnɛra kan bɛ̃ bii ki ge nɛra woo wan na’asa Naayinɛ.