2023
Yemboatɨ ikaviete vae ñanemaendúa vaerä Jesús imano re
¿Kërai pa ipuere ndemborɨ Jesús oyapo vae?
Roparea oremoïru vaerä mókoi yemboatɨ reta pe:
-
Ñemoñee ikaviete vae, “Ndepuere remae tenonde kotɨ kɨɨyembae reve”.
-
Yemboatɨ ñanemaendúa Jesús imano re.
Yemboatɨ ikaviete vae ñanemaendúa vaerä Jesús imano re
Martes 4 de abril, 2023
Año ñavo, Testigo de Jehová reta oyemboatɨ imaendúa vaerä Jesús imano re, jae etei jei rami: “Peyapo kuae pemaendúa cheré vaerä” (Lucas 22:19).
Kia pe pa oyeapota kuae yemboatɨ ñanemaendúa vaerä Jesús imano re
ÑEMOÑEE IKAVIETE VAE
“Ndepuere remae tenonde kotɨ kɨɨyembae reve”
Kuae ñemoñee oyeapota semana ndei oväe mbove yemboatɨ ñanemaendúa vaerä Jesús imano re. Omoësakata kërai yandepuere ñamae tenonde kotɨ kɨɨyembae reve yaiko Jehová iamigo ramo, yasoropai Jesús oyapo vae rupi.
Ipuere nde reparandu:
¿Mbovɨ tiempo pa oyeapota?
Metei hora seri.
¿Kia pe pa oyeapota?
Eparandu amogüe Testigo de Jehová yogüɨreko köiño ndegüi vae pe.
¿Oyekovara pa korepoti yaike vaerä?
Mbaetɨ.
¿Oyekovara pa korepoti japɨpe?
Mbaetɨ. Testigo de Jehová reta ngaraa okovara korepoti.
¿Mbae nunga temimonde pa ikavi?
Mbaetɨ oime amogüe temimonde opaete Testigo de Jehová reta peguarä. Ikavi oime yave temimonde ikɨambae jare ikavi, Tumpa Iñee jei vae rami (1 Timoteo 2:9). Mbaetɨ remonecesita amogüe temimonde jepɨ yae.
¿Kërai pa oyeapo jókuae yemboatɨ?
Kuae yemboatɨ omboɨpɨ tairari jare yerure reve. Javoi, oime metei ñemoñee ñanemaendúa vaerä ikaviete vae Jesús imano re jare kërai yandemborɨ Tumpa jare Cristo oyapo yanderé vae re. Jaɨkue rupi, otairari yé jare oyerure.
Reikuaa katu vaerä, emongeta kuae artículo: “¿Por qué los testigos de Jehová celebran la Cena del Señor de forma diferente a otras religiones?”.
Reikuaa katu vaerä, emae kuae vídeo reta re.
Ñanemaendúa Jesús omanogüe iara
Emae moroäro ikavigüe ñanoita vae Jesús omano yanderé ramo
Ipuere ndipo reendu Jesús omano yandeyoa re. Ërei, ¿ipuere ra metei kuimbae imano rupi omborɨ opaete vae?
Ndepuere rembogüeyɨ jare remboimprime kuae mbarea.