Dioso rajuta pejjaniakuenejawanü Adán i Eva (Génesis 1:28)

Jehová ejjana Eva kopiayawa, perajutsinejjatsi Adán piajawanejja (Génesis 2:21, 22).

Dioso ejjana Adán i Eva anekoni jibinejawa penajamatabü jjeinaejawata i peperabütobekuata.

Ponaponabeje pejjania ira Edénta: jota pejjaniakuene yajawa penajatonu, naekuainaenü i dajubiyajawa. Ikani pejjanianakuata.

Jehová barkueikueijei tsaponae tsibukeitsi kujarubabiaba pona. Itsiata beitsijine itsa ponaponaejitsiabeje bajarapapejjanianakuata, namujjunaewetsipabeje Dioso i jumekawünütsipabeje.

 Dioso itorobatsi apopejjaenejjabeje kae naekuainae (Génesis 2:16, 17)

Kae apopenapebetsinü apo jumekawünütsi Dioso. Bajaraponü amataübeje i ajenata yapütanetsi Dowatjinükuene.

Dioso itoroba Adán i Eva apopejjaenejjabeje kae penukaenaekuai pejjanianakuata. Beitsipina itsa jjaejitsipa tüpaejitsipabeje.

Dowatjinü kajena apojitsipae bajarapajiwibeje pejume kawünütsinejja Jehová. Nejjata jomota najumekanaitajutsia ejjana, Eva jumeitsitsi itsa jjaejitsipame panaekuainae, jemajai apotüpaemütsipae. BeDioso jamatabükuene jüpaejitsipame. ¡Ayaikueneta kajena najumetsünüta! (Génesis 3:1-5.)