Jaire pejumeliweisi

Jaire itsa pewünüpitsapaebajjutota

Jaire wünüpitsapa pejumeliweisi

Petotsipaebaponaewi Jehová

guahibo

Dioso Namujjunaewere neponaponaenejja dajjitamatakabijawabelia

 PELIWEISI 5

Ayaiwajubüajjaneto: ¿depajiwi Dioso namujjunaewetatsi?

Ayaiwajubüajjaneto: ¿depajiwi Dioso namujjunaewetatsi?

Noé piaja matakabianüta jiwimonae pebisiakuenejawanü ejjana (Génesis 6:5)

Adán i Eva pejji jjeinaponabeje, bajarapakuenia jiwimonae yabunukapona irata. Nejjata, itsa apopenapebetsiwi na akuijirubeje beDowatjinü i apojumekawünütsi Dioso.

Bajarapamonae runeika irabetsika i naperabüruba bejiwikuenia pebaranakojiobinejja petiriewi. Jjeinapona pejji peamataübejewi i asaübeje bitso aponatsoninae ata apo beitsamonae.

Ira yawünüka üpeamataübejewi. Dioso Pejumeliweisibajjuto jumeitsi “nakuata bitso peyawünükajewa jiwimonae pebisiakuene pe ejjanaewi” i jiwinua waja kajena najamatabüjjeinabiaba üpebisiakuene peitsijinonopaenejja.

 Noé nakueneba pinijijerajjenato pejumekawünütsijjae Dioso(Génesis 6:13, 14, 18, 19, 22)

Noé ikani pejamatabü jjanepanaenü. Bajarajjuajitsia Jehová tsipaeba peweretsinejja peamataübejewi ayaiwajubüajjanetota.

Bajarajjuajitsia nakuenabia ejjanatsi naepanuta pinijijerajjenato pekotonaekuenia: Noé piaja pinijijerajjenato. Bajarajota pekajonenejja piajamonae i dajjita dajubi itsawirianüanüyajawa.

Ikani Noé natsipaeba itsamonae penajetarukaenejja ayaiwajubüajjaneto, itsiata aponamujjunaewetatsi. Itsamonae kapokaponatsi, itsamonae anaepana.

Noé kajunua dajubi itsawirianüanüyajawa itsawerta penakuenewi pinijijerajjenato.