Jaire pejumeliweisi

Jaire itsa pewünüpitsapaebajjutota

Jaire wünüpitsapa pejumeliweisi

Petotsipaebaponaewi Jehová

guahibo

Dioso Namujjunaewere neponaponaenejja dajjitamatakabijawabelia

 PELIWEISI 8

¿Dejjuajitsiameta tüpa Jesús?

¿Dejjuajitsiameta tüpa Jesús?

Jesús nakasiwatüpa waja jinonopaenejja dajjitamatakabijawabelia (Juan 3:16)

Akueyabi matakabita Jesús petüpaekuijinae, petiriewi siwajjeinapona mütjünualia i kajjina unüsa. Jehová wajakajena jumali kanawiata.

Bajarajjuakuijinae Jesús tsitanaitajuta pejamatabüjupaenüanü jawabelia, Jesús peitorobinüanü (apóstolevi).

Itsiatajane apo jumali kanawiatatsi peperabütomikuenia yajawa. Dioso jumali kanawiata bepeyatinükuenianejja, bajarajjuajitsia Jesús apopenapebetsinü. Pekujarubiwitsi tanetsi petsiajawa atjübüabetsia. Akonojjae apopenapebetsi saübejenü i apo tüpaetsane.

 Dioso jumali kanawiata Jesús, itapetatsi petujjanenünejja piaja pematakaitorobijawata (Apocalipsis 11:15)

Jesús jiwisiwatüpa peyawenonaenejja piaja nekonijawanü yabara i apopetüpaenejja (Mateo 20:28). Bajarajjuajitsia, Dioso nakarajutsipaeba waja jinonopaenejja dajjitamatakabijawabelia.

Atjübüabetsika Jesús matakaitorobeka ira tsipaji Jehová itapeta. Beitsijine imasia apomatakaitorobitsane. 144.000 pajiwibeje jumekawünütatsi yajawa jinonopaena atjübüabetsia pejumali kanawiabikuijinaetsi. Bajara pa pematakaitorobijawa Dioso jjanepana (Apocalipsis 14:1-3).

Dioso piaja pematakaitorobijawata ajibitsane peamataübejewi, penabejawata, piajanijawata, jiwi apotosajinaetsanetsi itsa kuenejawa. Pejjanianakuatsane. Jamatabükuene jowijowikaya jiwi jinonopaena (2 Pedro 3:13).