Ehecha oĩva pype

Ehecha menú secundario

Testígo de Jehová

guarani

¿Mbaʼépa pe Watch Tower Bible and Tract Society?

Pe Watch Tower Bible and Tract Society of Pennsylvania haʼe peteĩ asosiasión sin fines de lucro, upéva heʼise noñeformaiha oñegana hag̃ua pláta. Ko asosiasión oñepyrũ vaʼekue áño 1884-pe ha ojejapo según pe léi oĩva Pennsylvániape (Estados Unidos). Umi testígo de Jehová oipuru ko asosiasión legál ojapo hag̃ua hembiapo, por ehémplo, oimprimi hag̃ua Biblia ha ojapo hag̃ua umi lívro ha folléto oñeʼẽva la Bíbliare.

Pe kárta de konstitusión omombeʼu maʼerãpa oñeforma ko asosiasión, heʼi ojejapoha oñemboʼe ha oñepytyvõ hag̃ua la héntepe, ha ojepredika hag̃ua umi notísia porã oñeʼẽva Ñandejára Rréinore, omoakãva Jesucristo. Peteĩ persóna oike hag̃ua ko asosiasiónpe oñeinvitámante vaʼerã chupe, ha ndahaʼéi oikéva odona hetavéva pláta. Umi direktór ha miémbro oĩva ko asosiasiónpe oipytyvõ pe Kuérpo Governánte de los testigos de Jehovápe.

Umi ótro entida legál

Umi testígo de Jehová oguereko hetave entida legál diferénte paíspe, ha ndahaʼéi pe Watch Tower Bible and Tract Society of Pennsylvania añónte. Algúno umíva oguereko pe palávra “Watchtower” (o “Watch Tower”) térã ojetradusi upe palávra oñemoĩ hag̃ua pe térape.

Koʼã entida legál rupive ojehupyty heta mbaʼe. Por ehémplo:

  • Ojejapo ha oñeimprimi heta puvlikasión. Ore roimprimíma 220 millónrupi Biblia ha 40 mil millónrupi puvlikasión oñeʼẽva la Bíbliare, mas de 700 idiómape. Pe páhina jw.org rupive umi hénte ikatu olee la Biblia Internétpe gratiete, mas de 120 idiómape. Ikatu avei ohecha upépe umi mbaʼe oikuaaséva jepi la Bíbliagui, por ehémplo, mbaʼépa hína Ñandejára Rréino.

  • Oñemboʼe la héntepe. Ore roguereko heta kúrso oipytyvõva la héntepe oaprendeve hag̃ua la Bíbliagui. Por ehémplo, áño 1943 guive, mas de 8.000 testígo de Jehová ohóma pe Escuela Bíblica de Galaad de la Watchtówerpe, upéva rupive haʼekuéra ikatu oservi de misionéro ótro paíspe térã oipytyvõ ojepredika porãve hag̃ua. Ha káda semána hetaiterei persóna oaprende la Bíbliagui ore rreunionhápe, umíva apytépe umi ndahaʼéiva jepe Testígo. Roipytyvõ avei umi héntepe olee ha oskrivikuaa hag̃ua, upearã rojapo peteĩ folléto ojetradusímava 110 idiómape.

  • Oñepytyvõ umi oikotevẽvape. Ore romondo provísta ha umi mbaʼe oñekotevẽva oiko jave umi sarambi, tahaʼe desástre naturál térã umi mbaʼe vai oikóva umi hénte iñañáva káusare. Por ehémplo, áño 1994-pe roipytyvõ umi oikóvape Ruándape umi hénte upepegua opuʼãmbárõ guare ojuehe ojojuka hag̃ua. Upéi, áño 2010-pe roipytyvõ avei umi oikóvape Haitípe, oikórõ guare upépe peteĩ terremóto.

Añetehápe heta mbaʼéma ojehupyty umi asosiasión ha entida legál roguerekóva rupive. Upéicharõ jepe, pe traváho rojapóva nodependéi umívare. Káda kristiáno oreko pe rresponsavilida opredika ha omboʼévo umi notísia porã (Mateo 24:14; 28:19, 20). Ore roguerovia Ñandejára oapojaha pe traváho rojapóva, ha haʼe hína “upe omongakuaáva” ko tembiapo (1 Corintios 3:6, 7).