Ehecha oĩva pype

Ehecha menú secundario

Testígo de Jehová

guarani

¿Umi testígo de Jehová piko protestánte?

Nahániri. Ore ningo kristiáno ha ndoroʼéi orejehe protestanteha. ¿Mbaʼérepa?

Protestánte ningo heʼise “peteĩ grúpo oñemoĩva pe iglésia katólika rehe”. Oréve g̃uarã añetehápe noĩporãi heta mbaʼe umi katóliko omboʼéva, péro upéva ndeʼiséi ore haʼeha protestánte. Ore orediferénte umi protestántegui mokõi mbaʼépe:

  1. Heta mbaʼe umi protestánte omboʼéva noĩri la Bíbliape. Por ehémplo, la Biblia heʼi Ñandejára peteĩnteha, ndeʼíri haʼeha peteĩ trinida (Juan 14:28; 1 Timoteo 2:5). Avei la Biblia omboʼe Ñandejára ohundietetaha umi iñañávape, péro ndeʼíri okastigataha chupekuéra tatarendýpe pe infiérnope (Salmo 37:9; 2 Tesalonicenses 1:9).

  2. Noroñehaʼãi rokambiaka pe iglésia katólikape ni mbaʼeveichagua rrelihiónpe umi mbaʼe omboʼéva. Upéva rangue, ore roñehaʼã romombeʼu enterovépe pe marandu porã oñeʼẽva Ñandejára Rréinore ha roipytyvõ chupekuéra ojerovia hag̃ua upévare (Mateo 24:14; 28:19, 20). Ore ndoroikói rotaky umi ótro rrelihionpegua omboʼévare, síno roñehaʼã roipytyvõ ore rapichakuérape oikuaa hag̃ua la Biblia omboʼéva ha oñemoag̃ui hag̃ua Ñandejárare (Colosenses 1:9, 10; 2 Timoteo 2:24, 25).