Ehecha oĩva pype

Ehecha menú secundario

Testígo de Jehová

guarani

¿Oporopytyvõpa umi testígo de Jehová oiko jave desástre naturál?

Si, ore ningo roipytyvõ umi oikotevẽvape oiko rire peteĩ torménta vai, yvyryrýi ha umícha. Roipytyvõ umi testígo de Jehovápe ha avei umi ndahaʼéivape, péicha rokumpli la Biblia heʼíva Gálatas 6:10-pe: “Jajapo memékena iporãva opavave rehehápe, péro koʼýte ñane ermanokuéra rehehápe”. Avei roñehaʼã rokonsola ha romokyreʼỹ umi hénte ohasa asývape (2 Corintios 1:3, 4).

¿Mbaʼéichapa ojejapo koʼã traváho?

Oiko rire peteĩ sarambi, umi kuimbaʼe omoakãva umi kongregasión oñehaʼã oñekomunika enterove Testígo ndive, oikuaa hag̃ua mbaʼéichapa oĩ ha mbaʼépa oikotevẽ. Upéi haʼekuéra oavisa pe sukursálpe mbaʼe mbaʼépa la oiko vaʼekue ha mbaʼépa ojejapóma oñepytyvõ hag̃ua umi oikotevẽvape.

Péro umi kongregasión uperupigua ndaikatúiramo oipytyvõ enterovévape, pe Kuérpo Governánte de los testigos de Jehová ohecha mbaʼépa ojejapóta. Pe sukursál oiporavo máva mávapa omoakãta la traváho, ha umi Testígo oparupigua oipuru itiémpo ha umi mbaʼe orekomíva oipytyvõ hag̃ua (Proverbios 17:17). Primer síglope ojejapo vaʼekue avei péicha oĩrõ guare heta kristiáno ohasáva ñembyahýi (1 Corintios 16:1-4).

¿Moõguipa oñeguenohẽ umi gastorã?

Pe sukursálpe ojeguerahaka umi kontrivusión ha upévagui ojepuru peteĩ párte oñepytyvõ hag̃ua umi oikotevẽvape (Hechos 11:27-30; 2 Corintios 8:13-15). Umi ohóva ombaʼapo ningo ijeheguieténte ojapo ha ndojepagái chupekuéra, upévare pe pláta ojepurupaite umi oikotevẽva rehehápe. Umi kontrivusión oñemeʼẽva siémpre ojepuru hendaitépe (2 Corintios 8:20).