Ehecha oĩva pype

Ehecha menú secundario

Testígo de Jehová

guarani

¿Umi testígo de Jehová piko ojeheʼa ótro rrelihiónre oadora hag̃ua Ñandejárape?

Ore testígo de Jehová roñeʼẽseterei voi la Bíbliare entéro persónandi, tahaʼe haʼéva irrelihión, péro ore ndoroadorái Ñandejárape hendivekuéra. La Biblia heʼi umi kristiáno verdadéro oiko vaʼerãha “oñondivepa peteĩ ñeʼẽme”, ha upearã ndojoavýi vaʼerã hikuái umi mbaʼe ogueroviávape (1 Corintios 1:10; Efesios 4:16; Filipenses 2:2). Ore rojapoháicha avei, heta rrelihión omboʼe jajoayhu, ñanembaʼeporã ha ñaporoperdona vaʼerãha, ha koʼã kualida ningo iporãiterei, péro oĩ hína ótra kósa iñimportantevéva. Ore rostudia meme la Biblia ha roñehaʼãmbaite rontende porã umi oĩva pype, upéicha rupi romopyenda porã umi mbaʼe rogueroviáva. Ndaupéichairire ore jerovia ndoservimoʼãi oréve (Romanos 10:2, 3).

La Biblia heʼi peteĩ kristiáno oadoráramo Ñandejárape umi orekóvandi ótra kreénsia, haʼetetaha oñemoĩva peteĩ júgo ojoavýva guýpe (2 Corintios 6:14-17). ¿Mbaʼérepa? Pórke ndorekomoʼãi hikuái la mísma kreénsia, ha upéva operhudikáta pe kristiáno jerovia. Upévare Jesús ndoipotái vaʼekue idisipulokuéra oadora Ñandejárape umi persóna orekóvandi ótra kreénsia (Mateo 12:30; Juan 14:6). Avei Moisés rupive Ñandejára omeʼẽ vaʼekue peteĩ Léi oproivíva umi israelítape oadora Ñandejárape umi ótro tetã ojapoháicha (Éxodo 34:11-14). Tiémpo rire, peteĩ tetã oajudase kuri umi israelítape ojapo hag̃ua peteĩ témplo Ñandejárape g̃uarã, péro upéicharire haʼekuéra ojeheʼáta kuri irrelihionkuérare, upévare umi israelita orrechasa upe ajúda (Esdras 4:1-3).

¿Umi Testígo piko oñemongeta la Bíbliare umi ótro rrelihionguándi?

Si roñemongeta, ore ningo roñehaʼã roñeʼẽ diferénte rrelihionguándi. Por ehémplo, áño 2016-pe ropredika 1.983.763.754 óra. Apóstol Pablo ojapo haguéicha, rontendese mbaʼéichapa opensa umi hénte ha umi mbaʼe ogueroviáva (1 Corintios 9:19-22). Roñemongeta jave hendivekuéra rosegi pe konsého bíblico heʼíva rorrespeta vaʼerãha ore rapichakuérape (1 Pedro 3:15).