Ehecha oĩva pype

Ehecha menú secundario

Testígo de Jehová

guarani

¿Ogueroviápa umi testígo de Jehová pe kreasionísmo?

Nahániri. Ore testígo de Jehová roguerovia Ñandejára ojapo hague opa mbaʼe, péro umi kreasionísta oguerovia heta mbaʼe noĩriva la Bíbliape. Jahechamína mokõi ehémplo:

  1. Mboy tiémpopepa Ñandejára ojapopa ko univérso. Oĩ heta kreasionísta heʼíva Ñandejára ojapo hague opa mbaʼe seis día de 24 órapente. Péro la Bíbliape ojepuru jave pe ñeʼẽ día, heʼise jepi avei peteĩ tiémpo ipukúva, ndahaʼéi 24 óra katuete (Génesis 2:4; Salmo 90:4).

  2. Mboy tiémpomapa ojapo oexisti hague ko yvy. Oĩ avei kreasionísta ogueroviáva 10 mil áñorupi ramo ko yvy oexistiha. Péro la Biblia heʼi porã Ñandejára ojapo mboyve opa mbaʼe umi seis díape, oĩma hague ko yvy ha ko univérso (Génesis 1:1). Upévare, ore testígo de Jehová roguerovia umi infórme ojapóva umi sientífiko, heʼíva ko yvy oĩma hague ymaiterei guivéma, ndahaʼéi 10 mil áñorupi ramo.

Ore ningo roguerovia Ñandejára haʼeha ñande Apohare, péro upéva ndeʼiséi ndorogueroviaiha umi sientífiko heʼíva. Roikuaa porã heta mbaʼe heʼíva umi sientífiko ndojoavyiha la Biblia omboʼévandi.