Ehecha oĩva pype

Ehecha menú secundario

Testígo de Jehová

guarani

¿Mbaʼére piko umi testígo de Jehová nomoĩkái tuguy?

Umi mbaʼe ojeʼéva jepi ha umi mbaʼe añeteguáva

Ojeʼéva jepi: Umi testígo de Jehová ndoroviái umi doktór ni umi pohã oipytyvõtaha chupekuéra.

Añetegua: Ore testígo de Jehová roho doktórpe ha roheka umi tratamiénto iporãvéva. Ore família hasy térã ojoperátaramo, roheka umi doktór ivaléva ha ojapóva umi tratamiénto oipuruʼỹre tuguy. Avei rovyʼa rohechávo mbaʼéichapa a más día umi doktór oikuaave heta tratamiénto natekotevẽihápe ojepuru tuguy. Heta tetãme umi ndahaʼéiva testígo de Jehová jepe oipurúma avei koʼã tratamiénto. Ñane tiémpope, oimeraẽva ikatu oiporavo koʼãva ha péicha ojehekýi heta provlémagui. Por ehémplo, ñamoĩkáramo tuguy ikatu ova ñanderehe heta mbaʼasy, térã ñande rete orrechasa pe tuguy ha ñanembyai, ikatu avei umi doktór ojavy ha omoĩ ñandéve tuguy idiferénteva ñanembaʼégui.

Ojeʼéva jepi: Umi testígo de Jehová heʼi ojeroviáramo Ñandejárare ikatuha okuera peteĩ milágro rupive.

Añetegua: Ore ndoroʼéi ikatuha rokuera peteĩ milágro rupive. Ni noropensái ikatuha romonguera ótrope.

Ojeʼéva jepi: Hepyeterei umi tratamiénto ndojepuruihápe tuguy.

Añetegua: Tovale la ovaléva, amo ipahápe okonvenive jey ñandéve. *

Ojeʼéva jepi: Káda áño omano heta Testígo nomoĩkái rupi tuguy, umíva apytépe mitã.

Añetegua: Upéva ndaikatúi jaʼe siertoha. Koʼág̃a rupi umi doktór ojapo umi operasión ijetuʼuetereíva oipuruʼỹre tuguy. Por ehémplo, umi ojoperávape ikadérape, ikorasõme térã oĩkotevẽvape peteĩ trasplánte de órgano. * Umi nomoĩkáiva tuguy, tahaʼe jepe raʼe mitã, lomímonte ojerrekupera porã, ha sapyʼánte katu pyaʼeve voi umi omoĩkávagui. * Avave ningo ndaikatúi heʼi peteĩ hasýva omanotaha nomoĩkáiramo tuguy, ha ojesalvataha omoĩkáramo.

¿Mbaʼérepa umi testígo de Jehová nomoĩkái tuguy?

Rojapo rupi la Biblia heʼíva. Upépe jatopa Ñandejára omandaha pono jaipuru tuguy (Génesis 9:4; Levítico 17:10; Deuteronomio 12:23; Hechos 15:28, 29). Ñandejárape g̃uarã pe tuguy orrepresenta ñande rekove (Levítico 17:14). Oreñeʼẽrendu rupi Ñandejárape ndoroipurúi tuguy, ha péicha rohechauka romombaʼeha ñande Apoharépe.

Okambia umi mbaʼe oñepensáva

Koʼág̃a rupi ikatúma ojejapo umi operasión ijetuʼúva ojepuruʼỹre tuguy

Yma umi doktór opensa vaʼekue umi tratamiénto ndojepuruihápe tuguy ipeligrosoitereiha, ha heʼi voi umi oipotáva koʼãichagua tratamiénto omanoseha. Péro koʼág̃a rupi haʼekuéra nopensavéima upéicha. Por ehémplo, áño 2004-pe peteĩ rrevísta oñeʼẽva umi tratamiéntore, heʼi: “Koʼẽrõite enterove jaipurúta umi tratamiénto testígo de Jehová oipurúva”. * Ha áño 2010-pe, peteĩ rrevísta hérava Corazón, Pulmón y Circulación (Heart, Lung and Circulation) heʼi: “Umi operasión ndojepuruihápe tuguy ojejapo vaʼerã enterovépe, ndahaʼéi umi testígo de Jehovápe añónte”.

Opárupima oĩ doktór oipurúva hína heta téknika pono ojeperdeterei tuguy, ojapo jave umi operasión ijetuʼúva ndojepuruihápe tuguy. Koʼã téknika ikatu avei ojepuru umi tetã imboriahuvévape, ha umi ndahaʼéiva testígo de Jehová jepe oipurúma.

^ párr. 8 Medicina transfusional, páhina 14; Transfusion and Apheresis Science, volúmen 33, número 3, páhina 349.

^ párr. 10 Rrevísta Española de Cardiología, volúmen 59, número 5, páhina 507-509; Acta Médica Colombiana, volúmen 26, número 5, páhina 261; The Journal of Thoracic and Cardiovascular Surgery, volúmen 134, número 2, páhina 287 ha 288; Texas Heart Institute Journal, volúmen 38, número 5, páhina 563; Basics of Blood Management, páhina 2; Continuing Education in Anaesthesia, Critical Care & Pain, volúmen 4, número 2, páhina 39.

^ párr. 10 Rrevísta de la Federación Argentina de Cardiología, volúmen 34, número 3, páhina 407 ha 408; Rrevísta Española de Cardiología, volúmen 60, número 7, páhina 727-731.

^ párr. 14 Continuing Education in Anaesthesia, Critical Care & Pain, volúmen 4, número 2, páhina 39.