Ehecha oĩva pype

Ehecha menú secundario

Testígo de Jehová

guarani

¿Mbaʼéichapa umi testígo de Jehová ojapo peteĩ estúdio bíblico?

Umi testígo de Jehová oikuaveʼẽ estúdio bíblico ikatu hag̃uáicha reikuaa hetave mbaʼe. Por ehémplo:

  • ¿Mávapa Ñandejára?

  • ¿Ojepyʼapýpa cherehe Ñandejára?

  • ¿Mbaʼépa ikatu ajapo aiko porãve hag̃ua che ména térã che rembirekóndi?

  • ¿Mbaʼépa ikatu ajapo avyʼa hag̃ua?

Koʼápe retopáta umi mbaʼe heta hénte oikuaaséva ko estúdio bíblicogui:

¿Mbaʼéichapa ojejapo ko estúdio bíblico? Ojeporavo raẽ peteĩ téma, por ehémplo “Ñandejára” térã “ñemenda”, ha ojelee umi versíkulo oĩva la Bíbliape oñeʼẽva koʼã témare. Upéi oñembojoja ótro versíkulore ojehecha hag̃ua mbaʼépa añetehápe omboʼe la Biblia. Ha upéicha Ñandejára Ñeʼẽ voi omyesakã mbaʼépa oĩ pype.

Rostudia hag̃ua la Biblia umi hénte ndive roipuru lívro Mbaʼépa añetehápe omboʼe la Biblia? Ko lívro omyesakã porã mbaʼépa heʼi la Biblia Ñandejárare, Jesúsre, ñane renonderãre ha ambue mbaʼére.

¿Mboýpa apaga vaʼerã? Natekotevẽi repaga mbaʼevete ko estúdiore ni umi puvlikasión reipurútavare.

¿Mboy órapa ipuku ko estúdio? Heta hénte omboyke una órarupi káda semána ostudia hag̃ua la Biblia orendive. Péro ikatu hína mbykyve térã ipukuve, opyta porãveháicha ndéve.

¿Mbaʼépa oikóta ajeruréramo peteĩ estúdio bíblico? Rejeruréramo peteĩ estúdio bíblico, peteĩ testígo de Jehová ohóta nerendápe pe óra ha lugár opyta porãvehápe ndéve. Sapyʼaitépe haʼe ohechaukáta ndéve mbaʼéichapa rostudia la Biblia umi hénte ndive, ha ndegustáramo, ikatu resegi restudia.

Astudiáramo la Biblia, ¿oikómante vaʼerã piko chehegui testígo de Jehová? Nahániri. Ore ningo romboʼese ore rapichakuérape la Biblia, péro arakaʼeve ndorovligái avavépe oiko hag̃ua chugui testígo de Jehová. Romboʼe porãnte mbaʼépa heʼi la Biblia ha roikuaa káda uno odesidi vaʼerãha mbaʼépa ogueroviáta (1 Pedro 3:15).