Ehecha oĩva pype

Ehecha menú secundario

Testígo de Jehová

guarani

¿Mbaʼérepa umi testígo de Jehová okambia mimi jepi umi mbaʼe ogueroviáva?

Opa mbaʼe ore rogueroviáva ningo roguenohẽ la Bíbliagui añoite. Upévare amáske rontende porãve la Biblia, rokambia rohóvo umi mbaʼe rogueroviáva. *

Proverbios 4:18 ñanepytyvõ ñantende porãve hag̃ua mbaʼérepa tekotevẽ ojejapo koʼã kámbio. Upépe heʼi: “Umi hekopotĩva rape katu haʼete ku koʼẽju hesakãháicha, hesakã hesakãve ohóvo koʼẽmbaite peve” [Ñande Ruete Ñeʼẽ Bíblia]. Koʼẽmbávo ohóvo ningo jahecha porãve jahávo umi mbaʼe oĩva ñande jerére, péicha avei Ñandejára mbeguekatúpe ha hiʼoraitépe omyesakãve ohóvo umi mbaʼe oĩva iñeʼẽme (1 Pedro 1:10-12). La Biblia heʼi voi Ñandejára pyaʼeve omyesakãtaha upéva umi ára pahápe (Daniel 12:4).

Koʼã kámbio ojejapóva ningo nañandepyʼapýi ni nañanesorprendéi vaʼerã. Ñandejára siervokuéra yma guare tekotevẽnte avei kuri okambia umi mbaʼe opensáva térã ohaʼarõva.

  • Moisés oguenohẽse vaʼekue umi israelítape Egipto poguýgui 40 áño Ñandejára ojerure mboyve upéva (Hechos 7:23-25, 30, 35).

  • Umi apóstol nontendéi vaʼekue umi profesía ohechaukáva pe Mesías omano ha oikove jey vaʼerãha (Isaías 53:8-12; Mateo 16:21-23).

  • Oĩ vaʼekue unos kuánto kristiáno ypykue ontende vaíva arakaʼépa oñepyrũta “Jehová ára” (2 Tesalonicenses 2:1, 2).

Kon el tiémpo Ñandejára okorrehi isiervokuérape opensa lája. Ha rojerure asy osegi hag̃ua ojapo upéva koʼág̃a peve (Santiago 1:5).

^ párr. 2 Ore núnka noromongañýiva rokambiáramo umi mbaʼe rogueroviáva. Roanotapa voi katu ha roguenohẽ ore puvlikasionkuérape. Reikuaa hag̃ua umíva, ikatu rehecha pe Gía oipurúva testígo de Jehová. Eike heʼihápe Testígo de Jehová > Ñane kreensiakuéra > Oñemyesakãve umi mbaʼe jagueroviáva.