Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Núm. 1 2017

 KO RREVÍSTAPE OÑEANALISA | NDE IKATU VYʼÁPE RELEE LA BIBLIA

¿Mbaʼéichapa ikatu vyʼápe relee la Biblia?

¿Mbaʼéichapa ikatu vyʼápe relee la Biblia?

¿Mbaʼéguipa odependéta hína relee hag̃ua vyʼápe la Biblia ha ani hag̃ua ikaigue ndéve? Upéva en párte odependéta nderehe, péro jahechamína mbaʼe mbaʼépa ikatu nepytyvõ upearã.

Elehi peteĩ Biblia ojetradusíva hekópe ha ndahasýiva oñentende hag̃ua. Katuete ningo nemongaiguéta releéramo peteĩ Biblia orekóva umi palávra ndojepuruvéimava térã hasyetereíva oñentende hag̃ua. Upévare reheka vaʼerã peteĩ Biblia isensíllova ha ikatúva opoko ne korasõre, péro avei ojetradusíva hekópe ha ojeskrivi vaʼekue oĩ hagueichaite pe orihinálpe. *

Eipuru pe teknolohía. La majoría umi Biblia jaikuaáva ningo haʼe peteĩ lívro, péro koʼág̃arupi ikatu avei remboguejy upéva Internétgui térã releéntema upégui, tahaʼe ne komputadóra, távlet térã selulárpe. Sapyʼánte ikatu voi rekompara peteĩ versíkulo ótrore térã ehecha mbaʼépa heʼi ótra Biblia. Ereko avei la opsión rehecha hag̃ua mbaʼéichapa ojetradusi upe versíkulo ótro idiómape. ¿Ha oiméramo rehendusénte relee rangue? Oĩ avei Biblia ojegraváva heta idiómape. Ikatu rehendu umíva rehokuévo nde travahohápe, rejaojohéivo térã rejapo jave ótra kósa natekotevẽihápe reñekonsentraiterei. Etanteána peteĩva koʼã mbaʼégui rehecha hag̃ua mavaitévapa ou porãvéta ndéve.

Eheka informasión. Oĩ heta puvlikasión ojejapóva oñentende porãve hag̃ua la Biblia ha ikatúva ideprovécho ndéve. Por ehémplo, oĩ mápa ohechaukáva umi lugár oñemensionáva la Bíbliape ha ikatúva nepytyvõ  reñeimahina hag̃ua umi mbaʼe oiko vaʼekue upépe. Ha ikatu hag̃uáicha rentende heta párte oĩva la Bíbliape, oĩ umi artíkulo osẽva jepi ko rrevístape oexplikáva umi mbaʼe, térã ikatu avei reike ore páhina de Internétpe: www.jw.org/gug.

Eñepyrũ ótra pártegui. Oiméramo nandestirapái relee la Biblia oñepyrũ guive opa peve, ikatu reñepyrũ ótra párte ndegustavévagui. Por ehémplo, ikatu relee umi personáhe bíblico istória reikuaa porãve hag̃ua chupekuéra. Upearã ikatu nepytyvõ pe rrekuádro “ Eikuaa umi personáhe bíblicope rentende porãve hag̃ua la Biblia”. Ikatu avei relee por téma térã en órden asegún umi mbaʼe oiko vaʼekue. ¿Mbaʼépa ere etanteáramo peteĩva koʼã mbaʼégui?

^ párr. 4 Heta persóna ohechakuaa pe Traducción del Nuevo Mundo de las Santas Escrituras ojetradusi hague hekópe ha ndahasyiha ojelee hag̃ua. Ko Biblia oguenohẽ umi testígo de Jehová ha ojetradusíma mas de 130 idiómape, umíva apytépe oĩ avei guarani (Nuevo Testamento, térã Escrituras Griegas Cristianas). Ko Biblia ikatu remboguejy Internétgui: www.jw.org/gug, térã emboguejy pe aplikasión JW Library. Ikatu avei rejerure peteĩ testígo de Jehovápe ogueraha hag̃ua ndéve peteĩ Biblia nde rogaitépe voi.