Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Núm. 1 2017

 KO RREVÍSTAPE OÑEANALISA | NDE IKATU VYʼÁPE RELEE LA BIBLIA

¿Mbaʼérepa relee vaʼerã la Biblia?

¿Mbaʼérepa relee vaʼerã la Biblia?

“Che apensa vaʼekue ijetuʼuha ñantende la Biblia” (Jovy).

“Che aimoʼã kuri ikaiguetereitaha alee la Biblia” (Queennie).

“Ahechárõ guare la Biblia orekoha hetaiterei páhina, ndaleeseveietéma voi” (Ezekiel).

Ikatu oime nde releese vaʼekue avei la Biblia, péro ejedehánte reñeñandu rupi koʼã persónaicha. Hetápe ijetuʼúnte voi olee hag̃ua la Biblia. Péro, ¿resegínepa repensa upéicha reikuaáramo umi konsého oĩva upépe ikatuha nepytyvõ revyʼave hag̃ua? ¿Reñanimánepa relee reikuaáramo mbaʼépa rejapo vaʼerã igustove hag̃ua ndéve relee jave?

Heta persóna ningo oñepyrũ olee la Biblia ha ohechakuaa mbaʼeichaitépa ideprovécho chupekuéra. Jahechamína mbaʼépa heʼi hikuái.

Ezekiel, orekóva 20 áño arimi, heʼi: “Yma ningo che aikomínte vaʼekue, haʼete umi omaneháva ohóvo ikóche péro ni ndoikuaáiva moõitépa ohose. Péro alee rire la Biblia aikuaáma mbaʼépa la ahupytyséva che rekovépe. Upépe atopa umi konsého káda día ideprovéchova chéve”.

Frieda, orekóva avei 20 áño arimi, heʼi: “Che ningo chepochypa rei vaʼekue, péro koʼág̃a alee rire la Biblia ajejokokuaavéma. Upéva chepytyvõ ajogueraha porãve hag̃ua che rapichakuérandi, ha koʼág̃a hetavéma che amígo”.

Peteĩ kuñakarai hérava Eunice ha orekómava mas de 50 áño, heʼi: “La Biblia tuichaiterei chepytyvõ hína akambia hag̃ua che rekove, koʼág̃a añehaʼã meme ajapo umi mbaʼe iporãva”.

Nde ikatu avei revyʼave releéramo la Biblia, ojapoháicha koʼã ha hetaiteve persóna (Isaías 48:17, 18). La Biblia ikatu nepytyvõ redesidi porã hag̃ua, reguereko hag̃ua amígo tee, reñeñandu porãve hag̃ua ha reñemoag̃ui hag̃ua Ñandejárare, upéva peteĩ mbaʼe ndaijojaháiva. La Biblia ou Ñandejáragui voi, ha haʼe siémpre omeʼẽ umi konsého ideprovéchotava ñandéve. Upévare jasegíramo koʼãva katuete ñasẽ porãta.

Péro ñañepyrũ hag̃uánte la ijetuʼu. ¿Mbaʼépa nepytyvõta releese hag̃ua la Biblia ha igústo hag̃ua ndéve? Umi ótro artíkulo oñeʼẽta upévare.