Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Núm. 1 2017

 KO RREVÍSTAPE OÑEANALISA | NDE IKATU VYʼÁPE RELEE LA BIBLIA

¿Mbaʼéichapa la Biblia ikatu nepytyvõ?

¿Mbaʼéichapa la Biblia ikatu nepytyvõ?

Umi konsého oĩva la Bíbliape ningo ou ñande Apoharégui voi, upévare jaʼekuaa haʼeha peteĩ lívro ndaijojaháiva (2 Timoteo 3:16). Umi mbaʼe oĩva pype ikatu okambiaite hína nde rekove. La Biblia voi heʼi: “Ñandejára Ñeʼẽ oikove ha ipoderosoiterei” (Hebreos 4:12). Jahechamína mbaʼéichapa la Biblia ikatu nepytyvõ, primero omeʼẽvo umi konsého ideprovéchotava ndéve káda día, ha segundo reikuaa porãve hag̃ua Ñandejárape ha ipromesakuéra (1 Timoteo 4:8; Santiago 4:8).

Ikatu ndegia koʼág̃ama voi. La Bíbliape oĩ konsého nepytyvõtava remehora hag̃ua, por ehémplo:

Vicent ha Annalou ningo peteĩ matrimónio imitãva oikóva Ásiape. Haʼekuéra ohechakuaa mbaʼeichaitépa ideprovécho umi konsého oĩva la Bíbliape. Umi omenda ramóvape ningo ijetuʼúnte voi ojepokuaa hag̃ua ojuehe ha oñemongeta meme hag̃ua, ha chupekuéra ijetuʼu avei kuri. Péro haʼekuéra oñepyrũ osegi umi konsého oĩva la Bíbliape. ¿Oipytyvõpa raʼe upéva chupekuéra? Vicent omombeʼu: “Umi mbaʼe alee vaʼekue la Bíbliape chepytyvõ ambohovaikuaa hag̃ua umi provléma roguerekóva ha rovyʼave hag̃ua”. Hembireko heʼi avei: “Umi ehémplo oĩva la Bíbliape tuichaiterei orepytyvõ. Koʼág̃a avyʼaiterei che ménandi, ha roguereko méta oñondive orembovyʼáva avei”.

Nepytyvõ reikuaa hag̃ua Ñandejárape. Péro la Biblia ndahaʼéi imatrimóniope añónte oipytyvõva Vícentpe. Haʼe heʼive: “Alee rupi la Biblia, koʼág̃a añandu aikuaa porãveha Jehovápe”. Vicent heʼi vaʼekue ohechauka porã la Biblia ikatuha avei nepytyvõ reñemoag̃ui hag̃ua Ñandejárare. Resegi rupi ikonsehokuéra ndahaʼéi revyʼátanteva, síno ikatúta voi reiko iñamígoramo. Rehechakuaáta avei Iñeʼẽme heʼiha enterove ikatuha jaiko vyʼápe pára siémpre (1 Timoteo 6:19). ¡Ajépa iporãite ko promésa! Ndaipóri ótro lívro ikatu vaʼerã omeʼẽ peichagua esperánsa.

Reñepyrũramo relee la Biblia, ha rejepokuaáramo rejapo upéva, rehechakuaáta mbaʼéichapa ikatu ndegia koʼág̃ama voi ha avei ikatúta reikuaa porãve Ñandejárape. Péro amáske relee rehóvo retopáta katuete heta párte ijetuʼu léntova rentende hag̃ua. ¿Mbaʼépa rejapokuaa umícha jave? Ojapo 2.000 áño rasa peteĩ etíope ohasa hague avei upe situasiónre. Haʼe oreko vaʼekue heta pregúnta la Bíbliagui, ha oñeporandúrõ guare chupe ontendépa umi mbaʼe oleéva, haʼe heʼi: “Añetehápe, ¿mbaʼéicha piko antendéta, ndaipóriramo omyesakãva chéve?”. * Upéi oheja peteĩ mboʼehára katupyry hérava Felipe oipytyvõ chupe ontende hag̃ua (Hechos 8:30, 31, 34). Nde avei rentende porãsevéramo la Biblia, ikatu remyenyhẽ pe formulário oĩva Internétpe www.jw.org/gug, térã ikatu reskrivi peteĩva umi direksiónpe oĩva páhina 2-pe. Ikatu avei reñemongeta umi testígo de Jehovándi, térã eho peteĩ Salón del Reino opyta porãvehápe ndéve. ¿Mbaʼére piko nereñehaʼãi koestediaitéma voi ekonsegi peteĩ Biblia ha reheja upéva tanepytyvõ ha tandegia?

Oiméramo reñeporandu gueteri ikatúpa rejerovia la Biblia heʼívare, romokyreʼỹ rehecha hag̃ua pe vidéo ¿Mbaʼérepa ikatu jajerovia la Bíbliare? Upearã ikatu reike ko direksiónpe: www.jw.org/gug. Upéi eike heʼihápe PUVLIKASIONKUÉRA > VIDÉO > LA BIBLIA

^ párr. 8 Reikuaaséramo mbaʼépepa ikatu ideprovechove ndéve umi konsého oĩva la Bíbliape, ikatu reike ore páhina de Internétpe: www.jw.org/gug, heʼihápe PUVLIKASIONKUÉRA.

^ párr. 11 Ehecha avei pe artíkulo oĩva páhina 14-pe, hérava: “¿Iñimportántepa ñantende porã la Biblia?”.