Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Noviembre de 2015

 KO RREVÍSTAPE OÑEANALISA

¿Mbaʼépa Ñandejára opensa umi gérrare?

¿Mbaʼépa Ñandejára opensa umi gérrare?

Heta hénte opensa Ñandejára oguerohoryha umi gérra, pórke la Biblia voi ohechauka yma haʼe ojerure hague isiervokuérape oho hag̃ua gerrahápe. Péro la Biblia ohechauka avei Ñandejára Raʼy omboʼe hague idisipulokuérape ohayhu vaʼerãha iñenemigokuérape (Mateo 5:43, 44). Upévare heta oĩ opensáva Ñandejára okambia hague opensa lája, ha upéicha rupi koʼág̃a ndoguerohoryvéi la gérra.

Ndépa mbaʼe repensa, ¿oguerohorýpa Ñandejára umi gérra térãpa nahániri? Ha oiméramo oguerohory, ¿mávapepa oapoja? Reikuaávo koʼã mbaʼe ikatu hína rekambia repensa lája umi gérrare. ¿Mbaʼérepa jaʼe upéva? Por ehémplo, reikuaáramo Ñandejára oguerohoryha umi gérra, ha hiʼarive oapojaha pe grúpo ndéve ndegustáva, upéicharõ repensáta la gérra ndaivairiha ha reikuaáta avei katuete peganataha. Péro, ¿mbaʼépa oikóta Ñandejára oapojáramo pe ótro grúpope? ¿Resegítapa repensa ndaivairiha la gérra?

Reikuaávo mbaʼépa Ñandejára opensa umi gérrare ikatu hína avei rekambia repensáva Ñandejárare. ¿Mbaʼérepa jaʼe upéva? Oiméramo nde resufri pe gérra káusare, reikuaaséta Ñandejárapa oapoja raʼe upe gérra. Por ehémplo haʼe voípa omoñepyrũ raʼe, mbaʼérepa opermiti oiko upe gérra térã oimportápa chupe ohechávo umi hénte osufri.

La Biblia ningo heʼi Ñandejárape oimportaha umi hénte osufrírõ ha heʼi avei haʼe nokambiaiha opensáva umi gérrare. Jahechamína mbaʼéichapa Ñandejára ohecha umi gérra oiko vaʼekue umi isrraelíta tiémpope, ha avei mbaʼépa opensa umi gérra oiko vaʼekuére umi kristiáno ypykue tiémpope. Upéva ñanepytyvõta ñantende porãve hag̃ua oguerohorýpa Ñandejára umi gérra ojejapóva koʼág̃a, ha avei jaikuaa hag̃ua osegítapa oiko umi gérra.