Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Ñemañaha  |  Octubre de 2015

 KO RREVÍSTAPE OÑEANALISA | ¿MBAʼÉREPA IÑIMPORTÁNTE ÑAÑEMBOʼE?

¿Mbaʼépa ojerure jepi la hénte oñemboʼe jave?

¿Mbaʼépa ojerure jepi la hénte oñemboʼe jave?

“Che chetavyete vaʼekue la huégore. Ha añemboʼémi agana ha cherríko hag̃ua, péro núnka ndoikói mbaʼeve.”(Samuel, * oikóva Kéniape)

“Roñemboʼe jave eskuélape, rorresitánte vaʼekue de memória umi orasión roaprendéva.”(Teresa, oikóva Filipínaspe)

“Che añemboʼe jepi cheprovléma heta jave. Avei ajerure hag̃ua Ñandejárape tacheperdona ha tachepytyvõ chevuéna hag̃ua.”(Magdalene, oikóva Ghánape)

Umi mbaʼe heʼíva Samuel, Teresa ha Magdalene ohechauka la hénte oñemboʼeha heta mbaʼére. Oĩ oñemboʼéva ohasa hag̃ua peteĩ exámen, ogana hag̃ua iclúb, oiko porã hag̃ua hogapýpe ha umícha. Algúno oñemboʼe ipyʼaite guive, ha ótro katu orresitánte de memória umi orasión. Tahaʼe haʼeháicha, hetaiterei hénte ohechakuaa tekotevẽha oñemboʼe. Oĩ voi enkuésta ohechaukáva umi ndorekóiva rrelihión jepe oñemboʼeha avei.

Ha nde, ¿reñemboʼépa avei? ¿Mbaʼépa rejerure jepi Ñandejárape? Ha oiméramo jepe nde nereñemboʼeguasúi, ikatu oime reikuaase ideprovéchopa añete pe orasión térã oĩnepa álgien nerendúva. Peteĩ eskritór heʼi pe orasión ideprovechoha umi hénte ipyʼaguapyve hag̃uánte térã ojedesaoga hag̃ua. Oĩ doktór opensáva avei upéicha, ha heʼi oĩha hénte oñemboʼéva kómo tratamiénto oñeñandu porãve hag̃ua. ¿Ndépa mbaʼe ere? ¿Oñemboʼépa la hénte ojepokuaágui reínte ha oñeñandu porãve hag̃uánte?

La Biblia ndeʼíri ñañemboʼe vaʼerãha ñañeñandu porãve hag̃uánte. Síno heʼi oĩha álgien ohendúva ñañemboʼéramo chupe ogustaháicha. ¿Siértopa upéva? Jahechamína mbaʼérepa ikatu jaguerovia upeichaha.

^ párr. 3 Oĩ téra oñekambiáva.